SUN குழுமத்திலிருந்து வெளிவரும் காலை நாளிதழ்

பூமியின் அதிசயம்

2019-09-05@ 17:52:04

நன்றி குங்குமம் முத்தாரம்

இயற்கை ஏராளமான அதிசயங்களை பூமியில் ஒளித்து வைத்துள்ளது. அவற்றுள் மனிதன் கண்டடைந்தது வெகு சொற்பமே. அப்படி அவன் சமீபத்தில் கண்டுகொண்ட ஓர் அதிசயம் தான் இந்தப் புற்றுகள்.

பிரேசிலின் வடகிழக்குப் பகுதியில் சுமார் 10 அடி நீளமும், 30 அடி அகலமுமுள்ள கரையான் புற்றுகளை ஸால்ஃபோர்டு பல்கலைக்கழக  பூச்சியியல் ஆய்வாளர் ஸ்டீபன் ஜே மார்ட்டின் கண்டறிந்து பிரமித்து விட்டார். அழிந்துவரும் தேனீக்களைப் பற்றி ஆராய்ந்து வருகிறார் இவர்.

குப்பைகள் ஒன்று சேர்ந்து சிறுகுன்றாக இருக்கிறதோ என்று ஆராய்ந்ததில் கோடிக் கணக்கான கரையான் புற்றுகள் அந்நிலப்பரப்பில் உள்ளதை அடையாளம் கண்டார். ஏறக்குறைய 88 ஆயிரம் சதுர மைல்கள் பரப்பளவில் விரிந்து கிடக்கின்றன இந்தப் புற்றுகள். இது மினசோட்டா, நியூயார்க் போன்ற பெருநகரத்துக்குச் சமமானது. ‘‘இந்த இடத்தை ஒரு நகரம் போல கற்பனை செய்துகொள்ளுங்கள்.

அப்படிச் செய்து பார்த்தால் இது மாதிரியான ஒரு நகரத்தை மனிதனால் ஒருபோதும் உருவாக்க முடியாது...’’ என்று வியக்கிறார் ஸ்டீபன். தற்போது கரையான் புற்று களின் வயதைக் கண்டறிய ஆய்வாளர் ஃபன்ச்சுடன் இணைந்து மார்ட்டின் உழைத்து வருகிறார்.  இங்கு எழும்பியுள்ள அனைத்து கரையான் புற்றுகளும் நேர்த்தியாக காற்று புகும் வசதியுடன் உருவாக்கப்பட்டுள்ளன. ஒரு மாபெரும் கட்டடத்தை பிளான் போட்டு கட்டுவதைப் போல ஒவ்வொரு புற்றும் கட்டமைக்கப்பட்டுள்ளது.

புற்றுகளுக்கு இடையிலான இடைவெளியும் பிசகு இல்லாமல் கச்சிதமாக உள்ளது. இதில் சில புற்றுகள் மட்டும் 4 அடி  அல்லது 5 அடி உயரத்தில்  அமைந்துள்ளன. பழைய புற்று களில் கரையான்கள் வசிக்க வில்லை. பருவச்சூழல் மாறுபாடால் காடுகள் அழிய, புற்றுகளை கூகுள் எர்த்தில் அடையாளம் கண்டிருக்கிறார் ஆய்வாளர் ஃபன்ச்.

புற்றுகளின் வயதை கதிர்வீச்சு முறையில் கண்டறிந்தபோது அதன் வயது 3,800 என முடிவுகள் வர ஆச்சரியமாகி யுள்ளனர்.இன்னும் இந்த பூமி என் னென்ன ஆச்சர்யங்களையும் அதிசயங்களையும் ஒளித்து வைத்துள்ளதோ.


மேலும் செய்திகள்

Like Us on Facebook Dinkaran Daily News
  • greexe_111

    கிரீ்ஸ் நாட்டின் தனாகரா விமானப்படைத் தளத்தில் நடைபெற்ற விமான சாகச நிகழ்ச்சி : பார்வையாளர்களை வெகுவாக கவர்ந்தது

  • octo_111

    ஜெர்மனியில் களைகட்டியது அக்டோபர் ஃபெஸ்ட் : உலகின் அனைத்து வகையான பீர்களை ருசித்து மகிழும் பீர் திருவிழா

  • batman_tshirt11

    காமிக்ஸ் உலகின் நாயகன் பேட்மேன் வயது 80 : பேட்மேன் வேடம் அணிந்து ரசிகர்கள் உற்சாகம்; சிக்னல்கள், டி.சர்ட்டுகளில் பளிச்சிட்ட பேட்மேன்

  • circle_of_lightss1

    மாஸ்கோவில் ஒளிவட்டம் திருவிழா : மின்னும் விளக்கொளியில் மாயத் தோற்றங்களை கண்டு ரசித்த மக்கள்

  • climate_strike11

    பருவநிலை மாற்றத்திற்கு எதிராக இந்தியா உள்ளிட்ட 150 நாடுகளில் பேரணி : பூமியைப் பாதுகாக்க கோரி பதாகைகளை ஏந்தி இளைஞர்கள் முழக்கம்

படங்கள் வீடியோ கல்வி சினிமா ஜோ‌திட‌ம்