SUN குழுமத்திலிருந்து வெளிவரும் காலை நாளிதழ்

பேட்டரியின் வாழ்நாளை நீட்டிக்க சில யோசனைகள்

2019-09-04@ 14:15:59

நன்றி குங்குமம் முத்தாரம்

ஸ்மார்ட்போன் பயனாளர்களின் முக்கிய குற்றச் சாட்டே பேட்டரி ரொம்ப நேரம் நிற்பதில்லை என்பது தான். அது எந்த நிறுவன போனாக இருந்தாலும் இந்தக் குற்றச்சாட்டு மட்டும் மாறுவதில்லை. தவிர, நாளாக நாளாக சார்ஜைத் தாங்கும் திறன் பேட்டரிக்குக் குறைந்து கொண்டே வருகிறது. எந்த நேரத்தில் பேட்டரி தன்னுடைய செயலை இழக்கும் என்று துல்லியமாக சொல்ல முடியாது. சில நேரங்களில் பேட்டரி திணறக்கூட செய்யும். 2017-இல் ஐபோன் பேட்டரிகள் திணற ஆரம்பித்ததும் அதன் பயனாளிகள் இணையத்தில் ‘ஆப்பிள்’ நிறுவனத்தைக் கழுவி ஊற்றினார்கள். தனது வாடிக்கையாளர்களிடம் மன்னிப்புக் கேட்டு பேட்டரியின் திறனை மேம் படுத்துவதாக ஒப்புதல் அளித்தது ‘ஆப்பிள்’. இந்நிலையில் டெக் வல்லுநர்கள் உங்களின் பேட்டரி திறனைப் பாதுகாக்கவும், சார்ஜை ரொம்ப நேரம் தக்க வைக்கவும் சில ஆலோசனைகளைத் தந்துள்ளனர்.

முதலில் உங்கள் போனின் சாப்ஃட் வேர்களை அப்டேட்டாக வைத்துக்கொள்ளுங்கள். ஐபோன், சாம்சங் போன்ற நிறுவனத்தின் ஸ்மார்ட்போன்கள் அடிக்கடி சாப்ஃட்வேரை அப்டேட் பண்ணச் சொல்லி கேட்டுக்கொண்டே இருக்கும். இது பல நேரங்களில் எரிச்சலூட்டும். இருந்தாலும் அப்டேட் செய்து கொள்வது நல்லது. பேட்டரியின் வாழ்நாளை அதிகரிக்க இந்த சாப்ஃட்வேர் அப்டேட் பெரும் உதவி செய்கிறது.அடுத்து  ஆப்கள் ஒவ்வொன்றும் எவ்வளவு சதவீதம் சார்ஜை எடுத்துக்கொள்கிறது என்ற கிராப் உங்களின் ஸ்மார்ட்போனிலேயே இருக்கும். அதிக சார்ஜை உறிஞ்சும் ஆப்களை தேவையானபோது மட்டும் பயன்படுத்திவிட்டு அணைத்து வைத்துவிடுவது நல்லது.

ஸ்கிரீன் வெளிச்சம் சார்ஜை அதிகமாக தின்னும். தொடர்ந்து ஸ்கிரீனின் வெளிச்சம் அதிகமாக இருப்பது தொடர்ந்தால் பேட்டரியின் வாழ்நாள் குறையும். அதனால் ஸ்கிரீனை மங்கலாக வைத்துக்கொள்வது சார்ஜை ரொம்ப நேரம் தாக்குப்பிடித்துக்கொள்வதோடு பேட்டரியின் வாழ்நாளை நீட்டிக்கவும் உதவுகிறது. மொபைல் நிறுவனங்கள் தரும் இணைய வசதியைப் பயன்படுத்துவதை விட, வை-பை இணைய வசதியைப் பயன் படுத்துவது சிறந்தது. அப்போது ஏரோபிளேன் மோடில் கூட போனை வைத்துக்கொள்ளலாம். ஒவ்வொரு நிறுவனத்தின் ஸ்மார்ட்போனிலும் பேட்டரி சேவர் அல்லது லோ பேட்டரி மோட் இருக்கும். இதை சார்ஜ் குறையும்போது போனின் ஸ்கிரீனில் தெரியவரும். பெரும்பாலானவர்கள் இதை மூடி விடுவார்கள். இது தவறானது. பேட்டரி சேவரைப் பயன்படுத்துவது அதன் வாழ்நாளை நீட்டிக்கிறது.


மேலும் செய்திகள்

Like Us on Facebook Dinkaran Daily News
  • afghanblast

    ஆப்கானிஸ்தானில் கார் வெடிகுண்டு தாக்குதல்: உள்துறை அமைச்சகம் அருகே நடந்த இந்த விபத்தில் 7 பேர் உயிரிழப்பு!

  • venicerain

    இத்தாலியில் பெய்த மழையால் தண்ணீரில் மிதக்கும் வெனிஸ் நகரம்: 187செ.மீ அளவுக்கு மழை பதிவானதாக தகவல்

  • isrealattack

    காசாவில் ஜிகாத் அமைப்பின் தலைவர் கொல்லப்பட்டதை தொடர்ந்து இஸ்ரேலில் ராக்கெட் தாக்குதல்

  • 13-11-2019

    13-11-2019 இன்றைய சிறப்பு படங்கள்

  • vagaidamflood

    பாசனத்திற்கு திறந்துவிடப்பட்ட தண்ணீரால் வைகை ஆற்றில் வெள்ளப்பெருக்கு... 2 தரைப்பாலங்கள் மூழ்கியது!

படங்கள் வீடியோ கல்வி சினிமா ஜோ‌திட‌ம்