SUN குழுமத்திலிருந்து வெளிவரும் காலை நாளிதழ்

மிக மோசமாக மாசுபட்ட நகரம் திருப்பூர்: தேசிய பசுமை தீர்ப்பாயம் அறிவிப்பு

2019-08-26@ 04:16:53

திருப்பூர்: திருப்பூரில் காற்று, நீர், நிலம் ஆகியவை கடுமையாக  பாதிக்கப்பட்டுள்ளதால், திருப்பூர் மிகமோசமாக மாசுபட்ட நகரம்  என்கிற பட்டியலில் சேர்க்கப்பட்டுள்ளது.தேசிய பசுமை தீர்ப்பாய உத்தரவுப்படி  மத்திய மாசு கட்டுப்பாட்டு வாரியம் நாடு முழுவதும் உள்ள 100 நகரங்களில்  காற்று, நீர், நிலம் மாசுபாடு குறித்து ஆய்வு நடத்தியது. மாசுபாடு  அடிப்படையில் மிக மோசமாக மாசுபட்ட நகரம், அதிக மாசு  நிறைந்த நகரம், மாநகரம்  என மூன்றாக வகைப்படுத்தியுள்ளது. இந்த மூன்று வகைகளில் மாசுக்  கட்டுப்பாட்டு வாரியத்தின் சிவப்பு ஆரஞ்சு நிற பட்டியலில் உள்ள தொழில்  நிறுவனங்கள் புதிதாக துவங்கவும், விரிவாக்கம் செய்யவும்  அனுமதிக்க கூடாது  என பசுமை தீர்ப்பாயம் உத்தரவிட்டுள்ளது. இது தொழிலாளர்களுக்கும், தொழில் முனைவோருக்கும் அதிர்ச்சி அளித்துள்ளது.

மத்திய  மாசு கட்டுப்பாட்டு வாரிய ஆய்வறிக்கையில் 70 புள்ளிகளை கொண்ட திருப்பூர், மிகமோசமான மாசுபட்ட  நகரம் என்கிற பட்டியலில் சேர்க்கப்பட்டுள்ளது. இது ஆயத்த ஆடை உற்பத்தி  துறையினரை அதிர்ச்சி அடைய செய்துள்ளது.  திருப்பூரில் ஆடை உற்பத்தித் துறை  சார்ந்த சிவப்புநிற வகைப்பாட்டில் உள்ள சாயசலவை பிரிண்டிங் நிறுவனங்கள்  புதிதாகவும் விரிவாக்கம் செய்ய முடியாத சூழல் உருவாகியுள்ளது.இதுகுறித்து மக்கள் விழிப்புணர்வு இயக்கத்தின் செயலாளர் தமிழ்மணி கூறியதாவது:
 திருப்பூரில் சாய ஆலைகள், பிளிச்சிங், பிரிண்டிங் நிறுவனங்கள் இயங்குகின்றன. ஆலைகளில் துணிகளை தைக்கும் போது காற்றில் வெளியேறும் துகள் நாளுக்குநாள்  அதிகரித்து வருகிறது. லட்சக்கணக்கான இயந்திரங்களிலிருந்து  வெளியேறும்  வெப்பம், வாகன புகைகளால் மனிதர்கள் பல்வேறு வியாதிகளோடு வாழ்க்கை  நடத்தி வருகின்றனர்.

திருப்பூர் மாநகர் மற்றும் புறநகர் பகுதிகளில் புதிய  சாய ஆலைகள் துவங்கவும், தற்போதுள்ள சாய ஆலைகளில் கூடுதலாக துணிகளுக்கு சாயமிட மாசுகட்டுப்பாட்டுவாரியம் அனுமதி வழங்க கூடாது. மேலும், தமிழக  தொழிலாளர்களுக்கு  எந்த விதத்திலும் பயன் இல்லாத தொழிற்சாலைகளை துவங்க  மாசுகட்டுப்பாட்டு வாரியம் அனுமதி வழங்ககூடாது. திருப்பூர் பொதுமக்களை  பாதுகாக்கும் வகையில் தேசிய பசுமை தீர்ப்பாயம் நல்ல முடிவை எடுத்துள்ளது  வரவேற்கத்தக்கது.  இவ்வாறு தமிழ்மணி  கூறினார்.


மேலும் செய்திகள்

Like Us on Facebook Dinkaran Daily News
  • afghanblast

    ஆப்கானிஸ்தானில் கார் வெடிகுண்டு தாக்குதல்: உள்துறை அமைச்சகம் அருகே நடந்த இந்த விபத்தில் 7 பேர் உயிரிழப்பு!

  • venicerain

    இத்தாலியில் பெய்த மழையால் தண்ணீரில் மிதக்கும் வெனிஸ் நகரம்: 187செ.மீ அளவுக்கு மழை பதிவானதாக தகவல்

  • isrealattack

    காசாவில் ஜிகாத் அமைப்பின் தலைவர் கொல்லப்பட்டதை தொடர்ந்து இஸ்ரேலில் ராக்கெட் தாக்குதல்

  • 13-11-2019

    13-11-2019 இன்றைய சிறப்பு படங்கள்

  • vagaidamflood

    பாசனத்திற்கு திறந்துவிடப்பட்ட தண்ணீரால் வைகை ஆற்றில் வெள்ளப்பெருக்கு... 2 தரைப்பாலங்கள் மூழ்கியது!

படங்கள் வீடியோ கல்வி சினிமா ஜோ‌திட‌ம்