SUN குழுமத்திலிருந்து வெளிவரும் காலை நாளிதழ்

ஹாங்காங்கில் போராட்டத்தின் போது சிசிடிவி கேமராக்கள் மீது பெட்ரோல் குண்டு வீசியதாக 29 பேர் கைது

2019-08-25@ 17:29:34

ஹாங்காங்: ஹாங்காங்கில் போராட்டத்தின் போது சிசிடிவி கேமராக்கள் மீது பெட்ரோல் குண்டு வீசியதாக 29 பேர் கைது செய்யப்பட்டுள்ளனர். ஹாங்காங்கில் குற்றவழக்குகளில் சிக்குபவர்களை சீனாவிற்கு நாடுகடத்தி விசாரணையை எதிர்கொள்ளும் விதமாக ஹாங்காங் அரசு சட்டத்திருத்த மசோதாவை கொண்டு வந்துள்ளது. இதனையடுத்து போராட்டம் வலுக்கவே ஹாங்காங் தலைவர் கேரிலம்ப், சட்டத்திருத்த மசோதாவை தற்காலிகமாக நிறுத்திவைத்தார். ஆனால் இந்த மசோதாவை நிரந்தரமாக ரத்து செய்ய வலியுறுத்தி அரசுக்கு எதிராகவும் ஹாங்காங்கில் ஜனநாயக போக்கு நிலவ வேண்டும் என வலியுறுத்தியும் கடந்த 3 மாதங்களாக போராட்டங்கள் நடந்து வருகின்றன.

இந்த நிலையில் நேற்றிரவு தொழில் நிறுவனங்கள் நிறைந்த குவுன் டாங்  மாவட்டத்திலும் போராட்டகாரர்கள் காவலர்கள் மீது செங்கல் உள்ளிட்ட பொருட்களை வீசி போராட்டம் நடத்தி வந்தனர்.  சாலைகளில் தடுப்புகளை  அமைத்து அங்கிருந்த ஸ்மார்ட் விளக்கு கம்பத்தை சேதப்படுத்திய போராட்ட காரர்கள், கம்பத்தில் இருந்த சிசிடிவி கேமராக்களை பெட்ரோல் குண்டு வீசி உடைத்தனர். இதனால் பதற்றம் நிலவவே போராட்டக்காரர்கள் மீது கண்ணீர் புகை குண்டுகளை வீசிய போலீசார், 10 பெண்கள் உள்பட 29 பேரை கைது செய்தனர். கடந்த ஜூன் மாதம் முதல் இதுவரை சுமார் 700-க்கும் மேற்பட்ட போராட்டக்காரர்கள் கைது செய்யப்பட்டுள்ளனர் என்பது குறிப்பிடத்தக்கது.


மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்