SUN குழுமத்திலிருந்து வெளிவரும் காலை நாளிதழ்

ஜப்பான் கோயிலில் வைக்கப்பட்டுள்ள நேதாஜி சாம்பலுக்கு டிஎன்ஏ சோதனை : மோடிக்கு நேதாஜி மகள் வேண்டுகோள்

2019-08-23@ 01:18:46

கொல்கத்தா:  ‘ஜப்பான் கோயிலில் வைக்கப்பட்டுள்ள நேதாஜியின் சாம்பலை டிஎன்ஏ சோதனை செய்ய வேண்டும்,’ என அவரது மகள் அனிதா போஸ், பிரதமர் மோடியிடம் கோரிக்கை விடுத்துள்ளார். நேதாஜி சுபாஷ் சந்திரபோஸ்  இந்திய தேசிய ராணுவத்தை உருவாக்கி ஆங்கிலேயருக்கு எதிராக போராடியவர். இவர் கடந்த 1945ம் ஆண்டு ஆகஸ்ட் 18ம் தேதி விமானத்தில் பயணம் செய்தபோது பர்மோசா தீவுக்கு அருகே விபத்து ஏற்பட்டு  இறந்து விட்டதாக ஜப்பான் அறிவித்தது. அவரது சாம்பல் ஜப்பானின் ரென்கோஜியில் உள்ள கோயிலில் வைத்து பாதுகாக்கப்பட்டு
வருகின்றது. இந்நிலையில், நேதாஜியின் மரணம் குறித்த உண்மையை வெளிகொண்டு வருவதற்காக நேதாஜியின் சாம்பலை டிஎன்ஏ பரிசோதனை செய்ய வேண்டும் என அவரது மகளான அனிதா போஸ், பிரதமர் மோடிக்கு கோரிக்கை விடுத்துள்ளார். ஜெர்மனியில் இருக்கும் அனிதா போஸ் தொலைபேசி வாயிலாக அளித்த பேட்டியில் கூறியிருப்பதாவது:

எனது தந்தை நேதாஜி 1945ம் ஆண்டு ஆகஸ்ட் 18ம் தேதி நடந்த விமான விபத்தில் இறந்து விட்டதாக நம்புகிறேன். ஆனால், பலர் இதை நம்பவில்லை. இதனால், அவரது மரணத்தில் மர்மம் நீடிக்கிறது. ஜப்பானின் ரென்கோஜி கோயிலில் வைக்கப்பட்டுள்ள அவரது சாம்பலை டிஎன்ஏ பரிசோதனை செய்வதுதான் அவரது மரணத்தில் நீடிக்கும் மர்மத்தை நீக்குவதற்கான சரியான வழியாக இருக்கும் கருதுகிறேன். டிஎன்ஏ சோதனை செய்தால், இறந்தது நேதாஜி தானா என்பது தெரிந்து விடும். எனது தந்தையின் மரணத்தில் உள்ள மர்மங்களை அவிழ்ப்பதற்காக, அது தொடர்பான ஆவணங்களை வெளியிடுவதற்கு பிரதமர் மோடி எடுத்த  நடவடிக்கைகளுக்காக அவரை சந்தித்து நன்றி ெதரிவிக்க விரும்புகிறேன். மேலும், பிரதமர் மோடியும், ஜப்பான் அதிகாரிகளும் ரென்கோஜி கோயிலில் உள்ள சாம்பலுக்கு டிஎன்ஏ சோதனை செய்வதை உறுதி செய்ய வேண்டும் என வேண்டுகோள் விடுக்கிறேன். இதற்கு முந்தைய அரசு நேதாஜியின் மரணத்தில் உள்ள மர்மத்தை கண்டறிய விரும்பவில்லை. நேதாஜி தொடர்பான ஆவணங்களை வெளியிட்டால் இருநாடுகளுக்கும் இடையேயான உறவில் விரிசல் ஏற்படும் என கூறி, எனது கோரிக்கைகளை தொடர்ந்து புறக்கணித்து வந்தனர்.  இவ்வாறு அவர் கூறினார்.


மேலும் செய்திகள்

Like Us on Facebook Dinkaran Daily News
  • greexe_111

    கிரீ்ஸ் நாட்டின் தனாகரா விமானப்படைத் தளத்தில் நடைபெற்ற விமான சாகச நிகழ்ச்சி : பார்வையாளர்களை வெகுவாக கவர்ந்தது

  • octo_111

    ஜெர்மனியில் களைகட்டியது அக்டோபர் ஃபெஸ்ட் : உலகின் அனைத்து வகையான பீர்களை ருசித்து மகிழும் பீர் திருவிழா

  • batman_tshirt11

    காமிக்ஸ் உலகின் நாயகன் பேட்மேன் வயது 80 : பேட்மேன் வேடம் அணிந்து ரசிகர்கள் உற்சாகம்; சிக்னல்கள், டி.சர்ட்டுகளில் பளிச்சிட்ட பேட்மேன்

  • circle_of_lightss1

    மாஸ்கோவில் ஒளிவட்டம் திருவிழா : மின்னும் விளக்கொளியில் மாயத் தோற்றங்களை கண்டு ரசித்த மக்கள்

  • climate_strike11

    பருவநிலை மாற்றத்திற்கு எதிராக இந்தியா உள்ளிட்ட 150 நாடுகளில் பேரணி : பூமியைப் பாதுகாக்க கோரி பதாகைகளை ஏந்தி இளைஞர்கள் முழக்கம்

படங்கள் வீடியோ கல்வி சினிமா ஜோ‌திட‌ம்