SUN குழுமத்திலிருந்து வெளிவரும் காலை நாளிதழ்

10 மாவட்டங்களில் கனமழை பெய்யும் : வானிலை ஆய்வு மையம் தகவல்

2019-08-22@ 00:33:59

சென்னை: வெப்ப சலனம் காரணமாக உருவான மேலடுக்கு சுழற்சி வலுவடைந்துள்ளதை அடுத்து தமிழகத்தில் 10 மாவட்டங்களில் கனமழை பெய்யும் என்று சென்னை வானிலை ஆய்வு மையம் தெரிவித்துள்ளது. தமிழகத்தில் தொடர்ந்து நீடிக்கும் வெயில் காரணமாக ஏற்பட்டுள்ள வளி மண்டல மேலடுக்கு சுழற்சி காரணமாக பரவலாக மழை பெய்து வருகிறது. அதிகபட்சமாக மேட்டூர், அரியலூர், தொழுதூர் ஆகிய இடங்களில் 70 மிமீ மழை நேற்று பதிவாகியுள்ளது. கோவிலங்குளம், விருதுநகர், திருச்செங்கோடு 60 மிமீ, திருப்புவனம், சோழவந்தான், ஜெயங்கொண்டம், தேவாலா 50 மிமீ, ஓமலூர், கீரனூர், செந்துறை, பெரம்பலூர், திருமயம் 40மிமீ மழை பெய்துள்ளது.

இந்நிலையில் வட மாவட்டங்களில் சென்னை காஞ்சிபுரம், திருவள்ளூர் மாவட்டங்களில் நேற்று இரவு சில இடங்களில் லேசானது முதல் மிதமான மழை பெய்தது. இந்நிலையில், வெப்ப சலனம் மேலும் தீவிரம் அடைந்துள்ளதை அடுத்து மேலடுக்கு சுழற்சி வலுவடைந்துள்ளது. இதன் காரணமாக தமிழகத்தில் பெரும்பாலான இடங்களில் லேசானது முதல் மிதமான மழை பெய்யும். காஞ்சிபுரம், திருவள்ளூர், வேலூர், திருவண்ணாமலை, விழுப்புரம், கடலூர், தர்மபுரி, கிருஷ்ணகிரி, சேலம், நாகப்பட்டினம் ஆகிய மாவட்டங்களில் இன்று கனமழை பெய்யும். சென்னையில் ஒரு சில இடங்களில் கனமழை பெய்யும்.


மேலும் செய்திகள்

Like Us on Facebook Dinkaran Daily News
  • DelhiBackToNormal282

    வன்முறை ஓய்ந்த நிலையில் படிப்படியாக இயல்பு நிலைக்கு திரும்பும் வடகிழக்கு டெல்லி: புகைப்படங்கள்

  • president20

    எகிப்தில் முன்னாள் ஜனாதிபதி ஹொஸ்னி முபாரக் காலமானார்: இராணுவ இறுதி சடங்கு செலுத்தி ஆதரவாளர்கள் அஞ்சலி

  • saudipudhuvellai11

    ‘புது வெள்ளை மழை இங்கு பொழிகின்றது’.. சவூதி அரேபியா பாலைவனங்களில் அரிதான பனிப்பொழிவு

  • vaanvali20

    சிரியா வான்வெளி தாக்குதலில் துருக்கி ராணுவ வீரர்கள் 33 பேர் பரிதாப உயிரிழப்பு!

  • moon27

    பெரிய நிலவுக்கு போட்டியாக 3 ஆண்டுகளாக பூமியை வலம் வரும் குட்டி நிலா!: அதிசய புகைப்படங்கள்

படங்கள் வீடியோ கல்வி சினிமா ஜோ‌திட‌ம்