SUN குழுமத்திலிருந்து வெளிவரும் காலை நாளிதழ்

மத்தியபிரதேசத்தில் வெள்ளத்தில் சிக்கிய இருவரை பத்திரமாக மீட்ட தீயணைப்பு துறையினர்

2019-08-20@ 14:32:23

போபால்: மத்தியபிரதேசத்தில் அணையின் மதகு அருகே மீன்பிடிக்க சென்று வெள்ளத்தில் சிக்கிய இருவரை தீயணைப்பு துறையினர் பத்திரமாக மீட்டனர். மத்தியபிரதேசம் மாநிலத்தில் கடந்த சில நாட்களாக பெய்து வரும் கனமழை காரணமாக அணைகள் நிரம்பி வருகின்றன. இந்த நிலையில் போபாலில் உள்ள கேர்வா அணையில் உடைப்பு ஏற்படுவதை தவிர்க்க அங்கிருந்து மதகுகள் வழியாக நீர் வெளியேற்றப்பட்டது. இதனை அறியாது சரோட்டிபுரா கிராமத்தை சேர்ந்த சிவா மற்றும் காஞ்சி ஆகியோர் மதகு அருகே உள்ள நீர் தேக்கத்தில் பாறையில் நின்றபடி மீன் பிடித்தனர். அப்போது திடீரென மூன்று மதகுகள் வழியாக வெள்ளம் பெருக்கெடுத்து ஓடியதில் அவர்கள் நின்ற பாறையை சுற்றிலும் வெள்ளக்காடாக மாறியது.

இதை அடுத்து இருவரும் அச்சத்தில் கூச்சலிடவே அவர்களை பார்த்த கிராம மக்கள் உடனடியாக காவல் நிலையத்திற்கு தகவல் அளித்து அவர்கள் மூலம் தீயணைப்பு துறையினரை வரவழைத்தனர். இதை தொடர்ந்து சம்பவ இடத்திற்குவந்த தீயணைப்பு துறையினர் மற்றும் நீச்சல் வீரர்கள் தீயணைப்பு வாகனத்தில் உள்ள ஏணியை அவர்கள் நின்ற இடத்தின் குறுக்கே பாலமாக அமைத்து இருவரையும் பத்திரமாக மீட்டனர். மேலும் மழைக்காலம் முடியும் வரை யாரும் நீர்நிலைகள் அருகே செல்ல வேண்டாம் என மக்களுக்கு எச்சரிக்கையும் விடுத்தனர். உயிரை பணயம் வைத்து இருவரையும் மீட்ட தீயணைப்புத் துறையினரின் இந்த முயற்சியை பலரும் வலைதளத்தில் பாராட்டி வருகின்றனர்.


மேலும் செய்திகள்

Like Us on Facebook Dinkaran Daily News
  • greexe_111

    கிரீ்ஸ் நாட்டின் தனாகரா விமானப்படைத் தளத்தில் நடைபெற்ற விமான சாகச நிகழ்ச்சி : பார்வையாளர்களை வெகுவாக கவர்ந்தது

  • octo_111

    ஜெர்மனியில் களைகட்டியது அக்டோபர் ஃபெஸ்ட் : உலகின் அனைத்து வகையான பீர்களை ருசித்து மகிழும் பீர் திருவிழா

  • batman_tshirt11

    காமிக்ஸ் உலகின் நாயகன் பேட்மேன் வயது 80 : பேட்மேன் வேடம் அணிந்து ரசிகர்கள் உற்சாகம்; சிக்னல்கள், டி.சர்ட்டுகளில் பளிச்சிட்ட பேட்மேன்

  • circle_of_lightss1

    மாஸ்கோவில் ஒளிவட்டம் திருவிழா : மின்னும் விளக்கொளியில் மாயத் தோற்றங்களை கண்டு ரசித்த மக்கள்

  • climate_strike11

    பருவநிலை மாற்றத்திற்கு எதிராக இந்தியா உள்ளிட்ட 150 நாடுகளில் பேரணி : பூமியைப் பாதுகாக்க கோரி பதாகைகளை ஏந்தி இளைஞர்கள் முழக்கம்

படங்கள் வீடியோ கல்வி சினிமா ஜோ‌திட‌ம்