SUN குழுமத்திலிருந்து வெளிவரும் காலை நாளிதழ்

தமிழர் மீது தாக்குதல் நடத்தியவர் இலங்கை ராணுவ தளபதியாகிறார்

2019-08-20@ 00:11:22

கொழும்பு: விடுதலைப் புலிகளுடனான இறுதிக்கட்டப் போரில், மனித உரிமை செயல்களில் ஈடுபட்ட ராணுவ கமாண்டர், தற்போது இலங்கை ராணுவ தளபதியாக நியமிக்கப்பட்டுள்ளார். இலங்கை ராணுவத்தின் தற்போதைய தளபதி லெப்டினன்ட் ஜெனரல் மகேஷ் செனாநாயகேயின் பதவிக் காலம் முடிகிறது. இவருக்கு பணி நீட்டிப்பு வழங்கப்படவில்லை. இதனால் இலங்கை ராணுவத்தின் புதிய தளபதியாக லெப்டினன்ட் ஜெனரல் சவேந்திர சில்வா(55) என்பவரை அதிபர் சிறிசேனா அறிவித்துள்ளார். இவர் கடந்த 2009ம் ஆண்டு, விடுதலைப்புலிகளுடன் இறுதிக்கட்டப் போர் நடந்தபோது, ராணுவத்தின் 58வது படைப்பிரிவுக்கு தலைமை தாங்கினார்.

இவரது படையில் இருந்த ராணுவத்தினர் இலங்கை தமிழ் மக்கள் மீதும், அவர்கள் தங்கியிருந்த மருத்துவமனைகள் மீதும் தாக்குதல் நடத்தினர். இறுதிக்கட்டப் போரில், அப்பாவி தமிழர்கள் 45 ஆயிரம் பேர் கொல்லப்பட்டனர். பிடிபட்ட தமிழர்களுக்கு மனிதாபிமான முறையில் அனுப்பட்ட உதவிகளையும் தடுத்து நிறுத்தினார். மனித உரிமைகளை மீறியதாக ஐ.நா மனித உரிமை கவுன்சில், கடந்த 2013ம் ஆண்டு நிறைவேற்றிய தீர்மானத்தில், லெப்டினன்ட் ஜெனரல் சவேந்திர சில்வாவின் பெயர் குறிப்பிடப்பட்டுள்ளது. சர்ச்சைக்குரிய ராணுவ அதிகாரியை, ராணுவ தளபதியாக அதிபர் சிறிசேனா நியமித்துள்ளார்.


மேலும் செய்திகள்

Like Us on Facebook Dinkaran Daily News
  • nisarkaa4

    மகாராஷ்டிராவை நிலைகுலைய வைத்த நிசர்கா புயல்: ஆட்டம் கண்ட கப்பல்கள்; மின்னல் தாக்கி பற்றி எரிந்த மரம்!

  • gujarat4

    குஜராத் மாநிலத்தில் வேதிப்பொருள் ஆலையில் கொதிகலன் வெடித்து விபத்து: 8 பேர் பரிதாப பலி..30க்கும் மேற்பட்டோர் படுகாயம்!!!

  • ballon3

    பிரேசில் நாட்டில் கொரோனாவால் உயிரிழந்தவர்களுக்கு மரியாதை செலுத்தும் வகையில் வானில் பறக்கவிடப்பட்ட பலூன்கள்: புகைப்படங்கள்

  • police3

    அமெரிக்காவில் 8-வது நாளாக தணியாத போராட்டம்: அமைதி போராட்டத்தில் மண்டியிட்டு ஆதரவு அளித்த போலீசார்!!!

  • mkstalin3

    மறைந்த முன்னாள் முதல்வர் கருணாநிதியின் 97வது பிறந்தநாளையொட்டி மெரினா கடற்கரையில் உள்ள அவரது நினைவிடத்தில் மு.க.ஸ்டாலின் மரியாதை!!!

படங்கள் வீடியோ கல்வி சினிமா ஜோ‌திட‌ம்