SUN குழுமத்திலிருந்து வெளிவரும் காலை நாளிதழ்

கோவை மாவட்டம் துடியலூர் அருகே ஒற்றை காட்டு யானை தாக்கி லாரி ஓட்டுநர் பலி

2019-08-19@ 13:54:12

கோவை: கோவை மாவட்டம் துடியலூர் அருகே ஒற்றை காட்டு யானை தாக்கி ஓட்டுநர் ஒருவர் உயிரிழந்துள்ளார். மேற்கு தொடர்ச்சி மலையை ஒட்டியுள்ள ஆணைக்கட்டி, மாங்கரை, தடாகம், பள்ளிமடை உள்ளிட்ட பகுதிகளில் காட்டு யானைகள் அவ்வப்போது உணவு மற்றும் குடிநீருக்காக குடியிருப்பு பகுதிகளுக்கு வருகின்றனர்.

இந்த நிலையில் லாரி ஓட்டுநரான பன்னிமடை சஞ்சீவிநகரை சேர்ந்த 27 வயது கணேசன் என்பவர் நள்ளிரவில் பணியை முடித்துவிட்டு தனது வீட்டுக்கு திரும்பினார். அப்போது தீடீரென எதிரே வந்த ஒற்றைக்காட்டு யானை கணேசனை தாக்கி தூக்கி வீசியுள்ளது. இதில் கணேசனுக்கு கால் முறிவு ஏற்பட்டதுடன் தலையிலும் பலத்த காயம் ஏற்பட்டது. இதுகுறித்து அப்பகுதி மக்கள் வனத்துறையினருக்கு தகவல் தெரிவித்தவுடன் சம்பவ இடத்திற்கு விரைந்து வந்து பட்டாசு வெடித்தும்  வாகனத்தில் சைரன் ஒலி எழுப்பியும் யானையை அங்கிருந்து விரட்டினர்.

படுகாயமடைந்த கணேசனை சிகிச்சைக்காக கோவை அரசு மருத்துவமனைக்கு அனுப்பி வைத்தனர். ஆனால் சிகிச்சை பலனின்றி கணேசன் பரிதாபமாக உயிரிழந்தார். இதனையடுத்து யானை ஊருக்குள் நுழையும் தகவல் தெரிந்தால் உடனடியாக 180042425456 என்ற டோல் பிரீ எண்னை தொடர்பு கொண்டு தகவல் தெரிவிக்குமாறு பொதுமக்களை வனத்துறையினர் கேட்டுக்கொண்டனர்.


மேலும் செய்திகள்

Like Us on Facebook Dinkaran Daily News
  • 24-09-2019

    24-09-2019 இன்றைய சிறப்பு படங்கள்

  • greexe_111

    கிரீ்ஸ் நாட்டின் தனாகரா விமானப்படைத் தளத்தில் நடைபெற்ற விமான சாகச நிகழ்ச்சி : பார்வையாளர்களை வெகுவாக கவர்ந்தது

  • octo_111

    ஜெர்மனியில் களைகட்டியது அக்டோபர் ஃபெஸ்ட் : உலகின் அனைத்து வகையான பீர்களை ருசித்து மகிழும் பீர் திருவிழா

  • batman_tshirt11

    காமிக்ஸ் உலகின் நாயகன் பேட்மேன் வயது 80 : பேட்மேன் வேடம் அணிந்து ரசிகர்கள் உற்சாகம்; சிக்னல்கள், டி.சர்ட்டுகளில் பளிச்சிட்ட பேட்மேன்

  • circle_of_lightss1

    மாஸ்கோவில் ஒளிவட்டம் திருவிழா : மின்னும் விளக்கொளியில் மாயத் தோற்றங்களை கண்டு ரசித்த மக்கள்

படங்கள் வீடியோ கல்வி சினிமா ஜோ‌திட‌ம்