SUN குழுமத்திலிருந்து வெளிவரும் காலை நாளிதழ்

ஆவின் கடைகளில் டீ, காபி விலை கோவையில் உயர்ந்தது

2019-08-19@ 11:06:13

கோவை:   தமிழக அரசு ஆவின் பால் கொள்முதல் மற்றும் விற்பனை விலையை உயர்த்தியுள்ளது. அதன்படி, அனைத்து வகையான ஆவின் பால் விற்பனை விலை லிட்டருக்கு ரூ.6 உயர்த்தப்படுகிறது. இது இன்று முதல் அமல்படுத்தப்படுகிறது. இதன் காரணமாக ஆவின் கடைகளில் விற்பனை செய்யப்பட்டு வரும் டீ, பால் விலையும் இன்று முதல் உயர்த்தப்படுகிறது. கோவை மாவட்டத்தில் ரோடுஒரங்களில் பல இடத்தில் 100க்கும் மேற்பட்ட ஆவின் கடைகளில் செயல்பட்டு வருகிறது.இந்நிலையில், பால் விலை உயர்வு காரணமாக ஆவின் கடைகளில் விற்பனை செய்யப்படும் டீ விலையை உயர்த்த உரிமையாளர்கள் சார்பில் முடிவு செய்துள்ளனர். அதன்படி, இன்று முதல் ஆவின் கடைகளில் ரூ.5க்கு விற்பனை செய்யப்பட்டு வந்த டீ, பால் ஆகியவை ரூ.6க்கு விற்பனை செய்யப்படும் எனவும், ரூ.5க்கு விற்பனை செய்யப்பட்ட காபி ரூ.10க்கு விற்பனை செய்யப்படும் எனவும் தெரிவித்துள்ளனர்.

இது தவிர, மாவட்டத்தில் உள்ள அனைத்து டீ கடைகளிலும் டீ, பால், காபி விலையை உயர்த்த திட்டமிட்டுள்ளனர்.  இது குறித்து ஆவின்பாலக உரிமையாளர் தினேஷ்குமார் கூறியதாவது: பால் விலை உயர்வின் காரணமாக வேறு வழியின்றி நாங்கள் டீ, பால், காபி ஆகியவற்றின் விலையை உயர்த்தி உள்ளோம். ஆரம்பத்தில் ரூ.8 உயர்த்த முடிவு செய்தோம். ஆனால், திடீரென ரூ.3 உயர்த்தினால் பொதுமக்கள் பாதிக்கப்படும் நிலை ஏற்படும். இதனை கருத்தில் கொண்டு, தற்போது டீ, பால் ஆகியவற்றிக்கு ஒரு ரூபாய், காபிக்கு ரூ.5 உயர்த்தியுள்ளோம். இது நாளை(இன்று) முதல் நடைமுறைப்படுத்தப்படும். இவ்வாறு அவர் கூறினார். இது குறித்து கோவை மாவட்ட பேக்கரி உரிமையாளர் நலச்சங்கத்தின் தலைவர் பொன்னுசாமி கூறுகையில், “டீ விலையை உயர்த்தி பத்து வருடங்களாகி விட்டது. ஆவின் பால் விலை உயர்வை தொடர்ந்து டீ விலையை உயர்த்துவது குறித்து அசோசியஷன் சார்பில் ஆலோசனை கூட்டம் நடத்தப்படவுள்ளது. இந்த கூட்டத்தில் விலையை உயர்த்துவது குறித்து கலந்து பேசி முடிவு எடுக்கப்படும். ஆனால், டீ, காபி விலை உயர்த்த வாய்ப்பு இருக்கிறது” என்றார்.


மேலும் செய்திகள்

Like Us on Facebook Dinkaran Daily News
  • 17-09-2019

    17-09-2019 இன்றைய சிறப்பு படங்கள்

  • dragan_canadaa

    கனடாவில் டிராகன் திருவிழா : காற்றில் மிதந்து வருவது போன்ற மாயத்தோற்றத்தை ஏற்படுத்திய டிராகன்களின் உருவ பொம்மைகள்

  • gurgaun_cameraa1

    குர்கானில் உலகின் மிகப்பெரிய கேமரா அருங்காட்சியகம் : வரலாற்றை கண்முன்னே கொண்டு வரும் 2000 பழங்கால கேமராக்கள்

  • apayin_kuppai11

    ஸ்பெயினில் வரலாறு காணாத கனமழை : வெள்ளத்தில் இழுத்துச் செல்லப்பட்ட கார்கள் குப்பை போல குவிந்துள்ள அவலம்

  • protest_dailymail111

    சீனாவின் இலையுதிர்கால திருவிழா :மலைகளில் ‘போராட்டம் சார்ந்த வாசகத்துடன்’ விளக்குகளை ஏற்றிய ஹாங்காங் போராட்டக்காரர்கள்

படங்கள் வீடியோ கல்வி சினிமா ஜோ‌திட‌ம்