SUN குழுமத்திலிருந்து வெளிவரும் காலை நாளிதழ்

திருக்குறுங்குடி பெரியகுளத்தில் இறைச்சி கழிவு வாகனங்களை கழுவுவதால் நோய் பரவும் அபாயம்

2019-08-19@ 10:25:18

களக்காடு: திருக்குறுங்குடி பெரியகுளத்தில் தண்ணீர் கடல்போல் நிரம்பியுள்ள நிலையில் இறைச்சி போன்ற கழிவுகளை ஏற்றிச் செல்லும் லாரிகள் உள்ளிட்ட வாகனங்கள் அவைகளை கொட்டிவிட்டு வந்து குளத்தில் கழுவுகின்றனர். இதனால் பொதுமக்களுக்கு நோய் பரவும் அபாயம் நிலவுகிறது. திருக்குறுங்குடி பெரியகுளத்தின் மூலம் அப்பகுதியில் உள்ள நூற்றுக்கணக்கான ஏக்கர் விளைநிலங்கள் பாசன வசதி பெறுகின்றன. இந்த குளத்திற்கு திருக்குறுங்குடி மேற்கு தொடர்ச்சி மலையில் இருந்து வரும் கால்வாய் மூலம் தண்ணீர் திறந்து விடப்படுகிறது.

இந்நிலையில் தென்மேற்கு பருவமழை பொய்த்ததால் இந்த குளம் 3 மாதத்திற்கும் மேலாக வறண்டு காணப்பட்டது. ஜூன் மாதம் பெய்த மழையினால் குளத்திற்கு தண்ணீர் வரத்தொடங்கியது. இதற்கிடையே கடந்த சில வாரங்களுக்கு முன் திருக்குறுங்குடி பகுதியில் சாரல் மழையாலும் மேற்கு தொடர்ச்சி மலையிலும் பலத்த மழை கொட்டியதால் குளத்திற்கு தண்ணீர் வரத்து அதிகரித்தது. இதையடுத்து கடந்த வாரம் குளம் நிரம்பியது. குளம் நிரம்பியதையடுத்து கோழி இறைச்சி போன்ற கழிவுகளை ஏற்றி செல்லும் லாரிகள் உள்ளிட்ட வாகனங்கள் அவைகளை கொட்டிவிட்டு வந்து குளத்தில் கழுவுகின்றனர்.

இதனால் கழிவுகள் நீருடன் கலந்து துர்நாற்றம் வீசுவதுடன் நோய்கள் பரவும் அபாயமும் ஏற்படுகிறது. இதை தடுக்க போலீசார் கண்காணிப்பு பணியில் ஈடுபட வேண்டும் என்று பொதுமக்கள் கோரிக்கை விடுத்துள்ளனர்.பெரியகுளம் நிரம்பி கடல் போல் காட்சி அளிப்பதை அவ்வழியாக செல்வோர் செல்பி எடுத்து இயற்கை அழகை ரசிக்கின்றனர். நேற்று விடுமுறை என்பதால் அப்பகுதியினர் குடும்பத்தினர்களுடன் சிறுவர், சிறுமிகளும் மகிழ்ச்சியுடன் குளித்தனர்.


மேலும் செய்திகள்

Like Us on Facebook Dinkaran Daily News
  • UkraineCoronaProtest

    கொரோனாவால் பாதிக்கப்பட்டுள்ள சீனாவில் இருந்து மக்களை அழைத்து வந்ததற்கு எதிர்ப்பு: உக்ரைனில் வெடித்தது போராடடம்!

  • puthu2020

    அமெரிக்க அதிபர் ட்ரம்ப் தங்குவதற்காக டெல்லி மௌரியா ஹோட்டலில் ஆடம்பரமாகத் தயார் செய்யப்பட்டுள்ள பிரெசிடென்ட் சூட்!!

  • rayil21

    ஆஸ்திரேலியாவில் நொடி பொழுதில் தரம்புரண்ட பயணிகள் ரயில்: 2 பேர் பலி...ஏராளமானோர் படுகாயம்!

  • coronaa_vugaan11

    கொரொனா வைரஸ் வராம பின்ன என்ன வரும்? - பறவைகள், முயல்கள், வெளவால்கள், பாம்புகள் விற்கப்படும் வுஹான் கடல் உணவு சந்தை!!!

  • pakistan21

    பெங்களூருவில் நடைபெற்ற குடியுரிமை சட்டத்திற்கு எதிரான பேரணியில் 'பாகிஸ்தான் ஜிந்தாபாத்' என்று கோஷம் போட்ட பெண் கைது: போலீசார் அதிரடி!

படங்கள் வீடியோ கல்வி சினிமா ஜோ‌திட‌ம்