SUN குழுமத்திலிருந்து வெளிவரும் காலை நாளிதழ்

இந்தியாவில் 80 ஆப்ஸ்கள் இருந்தும் டிஜிட்டல் பரிவர்த்தனையில் சீனாவை முந்த முடியவில்லை

2019-08-19@ 00:44:35

புதுடெல்லி: இந்தியாவில் டிஜிட்டல் பண பரிவர்த்தனை மேற்கொள்ள 80 ஆப்ஸ்கள் இருந்தாலும் கூட, இரண்டே இரண்டு ஆப்ஸ்களை கொண்டுள்ள சீனாவுடன் போட்டி போட முடியவில்லை.கடந்த 2016ம் ஆண்டு மத்திய அரசின் பணமதிப்பிழப்பு நடவடிக்கைக்குப் பிறகு டிஜிட்டல் பண பரிவர்த்தனை அதிகரித்துள்ளது. ரொக்கப் பண பரிவர்த்தனையை முற்றிலும் போக்கும் வகையில், பொதுமக்களும், வர்த்தக நிறுவனங்களும் எளிதான  டிஜிட்டல் பரிவர்த்தனையை மேற்கொள்ள யுபிஐ வசதி கொண்டு வரப்பட்டது. இதன் அடிப்படையில், தற்போது இந்தியாவில் பேடிஎம், அமேசான், கூகுள் பே என 80க்கும் மேற்பட்ட டிஜிட்டல் பரிவர்த்தனை ஆப்ஸ்கள் செயல்படுகின்றன.இதுதவிர, பேஸ்புக், வாட்ஸ்அப் சமூக வலைதளத்திலும் டிஜிட்டல் பண பரிவர்த்தனை செய்யும் வசதி விரைவில் முழுமையாக கொண்டு வரப்பட உள்ளது. இவ்வளவு இருந்தும், டிஜிட்டல் பண பரிவர்த்தனையில் சீனாவுடன் இந்தியா போட்டி போட இன்னும் வெகு தூரத்திற்கு செல்ல வேண்டியிருக்கிறது. கடந்த 5 ஆண்டுகளில் சீனா டிஜிட்டல் பண பரிவர்த்தனையில் மாபெரும் வளர்ச்சி கண்டுள்ளது.  அங்கு இந்தியாவைப் போல் அல்ல. அலிபே, வீசேட் பே ஆகிய 2 ஆப்ஸ்களே பிரதானமாக உள்ளன. எந்த தொழில் தொடங்கினாலும், டிஜிட்டல் வேலட் அவசியமாக்கப்பட்டுள்ளது.

இந்தியாவில் 80 ஆப்ஸ்கள் இருந்தாலும், டிஜிட்டல் பரிவர்த்தனை மேற்கொள்பவர்கள் எண்ணிக்கை 10 கோடியை தாண்டவில்லை.  இதுவே சீனாவில் வீசேட் பே ஆப்சில் பரிவர்த்தனை செய்பவர்கள் மட்டுமே 80 கோடி. இந்திய கிராமங்களில் இன்னமும் ரொக்க பரிவர்த்தனை அதிகளவில் நடப்பதே டிஜிட்டல் பண பரிவர்த்தனையில் சீனாவை நம்மால் முந்த முடியாததற்கு முக்கிய காரணமாக இருக்கிறது. கிராமப்புற நுகர்வோரில் 72 சதவீதம் பேர் ரொக்க  பரிவர்த்தனையை மேற்கொள்கின்றனர். இது சீனாவுடன் ஒப்பிடுகையில் இரண்டு மடங்கு அதிகமாகும். இணைய சேவை இல்லாததால் கிராமப்புற வணிகர்கள் டிஜிட்டல் பரிவர்த்தனை வசதியை முழுமையாக பயன்படுத்த முடியாத நிலையில் உள்ளனர்.இது குறித்து யுபிஐ சேவையை நிர்வகித்து வரும் தேசிய பேமென்ட்ஸ் கார்ப்பரேஷன் ஆப் இந்தியாவின் (என்பிசிஐ) தலைமை செயல் அதிகாரி திலீப் அஸ்பே கூறுகையில், ‘‘அடுத்த 5 ஆண்டில் டிஜிட்டல் பரிவர்த்தனை பயன்படுத்துவோரின்  எண்ணிக்கை 50 கோடியாக்குவதே இலக்கு. இந்தியாவில் ஏராளமான டிஜிட்டல் பரிவர்த்தனை ஆப்ஸ்கள் இருந்தாலும், நாம் சீனாவுடன் போட்டி போட இன்னும் நீண்ட தூரத்திற்கு பயணம் செய்ய வேண்டியிருக்கிறது. சீனாவைப் போல்  அல்லாமல் இங்கு, சிறிய மற்றும் பெரிய டிஜிட்டல் பரிவர்த்தனை ஆப்ஸ் நிறுவனங்களுக்கு சமமான வாய்ப்பு வழங்கப்படும். நுகர்வோர் தங்களுக்கு ஏற்ற ஆப்ஸ்களை பயன்படுத்த தொடர்ந்து வாய்ப்பளிக்கப்படும்’’ என்றார்.


மேலும் செய்திகள்

Like Us on Facebook Dinkaran Daily News
  • 24-09-2019

    24-09-2019 இன்றைய சிறப்பு படங்கள்

  • greexe_111

    கிரீ்ஸ் நாட்டின் தனாகரா விமானப்படைத் தளத்தில் நடைபெற்ற விமான சாகச நிகழ்ச்சி : பார்வையாளர்களை வெகுவாக கவர்ந்தது

  • octo_111

    ஜெர்மனியில் களைகட்டியது அக்டோபர் ஃபெஸ்ட் : உலகின் அனைத்து வகையான பீர்களை ருசித்து மகிழும் பீர் திருவிழா

  • batman_tshirt11

    காமிக்ஸ் உலகின் நாயகன் பேட்மேன் வயது 80 : பேட்மேன் வேடம் அணிந்து ரசிகர்கள் உற்சாகம்; சிக்னல்கள், டி.சர்ட்டுகளில் பளிச்சிட்ட பேட்மேன்

  • circle_of_lightss1

    மாஸ்கோவில் ஒளிவட்டம் திருவிழா : மின்னும் விளக்கொளியில் மாயத் தோற்றங்களை கண்டு ரசித்த மக்கள்

படங்கள் வீடியோ கல்வி சினிமா ஜோ‌திட‌ம்