SUN குழுமத்திலிருந்து வெளிவரும் காலை நாளிதழ்

ஹாங்காங் போராட்டத்த்தில் பங்கேற்றவர்களின் தொழில் நிறுவனங்களுக்கு சீனா அழுத்தம்

2019-08-17@ 14:49:06

ஹாங்காங்: ஹாங்காங் போராட்டத்தால் சீனா தரும் அழுத்தத்தால் கேதே பசிபிக் விமான நிறுவனம் செயல்படுவதில் பெரும் சிக்கல் எழுந்துள்ளது. இந்நிறுவனம் ஹாங்காங்கை தலைமை இடமாக கொண்டு செயல்பட்டு வருகிறது, இந்த நிலையில் ஹாங்காங் போராட்டத்தில் கேதே பசிபிக் விமான நிறுவன ஊழியர்களும் பங்கேற்றனர்.

இதனால் அவர்கள் சட்டவிரோத போராட்டத்தில் பங்கேற்றதாக கூறி, அவர்கள் சீனாவின்  வான்பரப்பிலோ சீனாவிற்கு வந்து செல்லும் விமானங்களிலோ பணியாற்ற கூடாது என சீனா உத்தரவிட்டது.  இந்த உத்தரவு சீனாவிற்கு விமானங்களை இயக்குவதோடு  அந்நாட்டின் வான்பரப்பை பயன்படுத்தி அமெரிக்கா, ஐரோப்பிய நாடுகளுக்கு விமானங்களை இயக்கும்  கேதே பசிபிக் விமான நிறுவனத்திற்கு சிக்கலை ஏற்படுத்தியுள்ளது.

இதற்கிடையே போராட்டத்தில் ஈடுபட்டதாக  கூறப்படும் 2 பைலட்களை  பணியில் இருந்து காரணம் கூறாமல் அந்நிறுவனம் நீக்கியது. போராட்டத்தில் ஈடுப்படும் ஊழியர்களின் நிலைப்பாடு, நிறுவனத்தின் நிலைப்பாடு ஆகாது எனவும் விளக்கம் அளிக்கப்பட்டது. ஆனால் சீனாவின் உள்நாட்டு வான்போக்குவரத்து அதிகாரிகள்  கேதே பசிபிக் விமான நிறுவனம் தார்மீக ரீதியான தொழில் தர்மங்களை மீறியதாக குற்றம் சாட்டி வருகிறது.

இந்த நிலையில் நேற்று கேதே பசிபிக் விமான நிறுவனத்தின் தலைமை செயல் அதிகாரி உள்ளிட்ட 2 முக்கிய அதிகாரிகள் ராஜினாமா செய்ததாக தகவல் வெளியானது. சீனாவின் அழுத்தத்தால் ஏற்பட்ட பாதிப்பு கேதே பசிபிக் விமான நிறுவனத்தோடு நின்றுவிடாது என்றும், வேறு நிறுவனங்களுக்கும் பாதிப்பு ஏற்படலாம் என்கிறார்கள்.

இதனால் சீனாவில் கிடைக்காத தொழில் சுகந்திரத்திற்காக ஹாங்காங்கை தலைமை இடமாக கொண்டு செயல்பட்டு வரும் சர்வதேச நிறுவனங்கள் , சிங்கப்பூர் போன்ற நாடுகளுக்கு மாற்றும் சூழல் ஏற்படலாம் என்று தொழில் முனைவோர் கூறுகின்றனர்.


மேலும் செய்திகள்

Like Us on Facebook Dinkaran Daily News
  • UkraineCoronaProtest

    கொரோனாவால் பாதிக்கப்பட்டுள்ள சீனாவில் இருந்து மக்களை அழைத்து வந்ததற்கு எதிர்ப்பு: உக்ரைனில் வெடித்தது போராடடம்!

  • puthu2020

    அமெரிக்க அதிபர் ட்ரம்ப் தங்குவதற்காக டெல்லி மௌரியா ஹோட்டலில் ஆடம்பரமாகத் தயார் செய்யப்பட்டுள்ள பிரெசிடென்ட் சூட்!!

  • rayil21

    ஆஸ்திரேலியாவில் நொடி பொழுதில் தரம்புரண்ட பயணிகள் ரயில்: 2 பேர் பலி...ஏராளமானோர் படுகாயம்!

  • coronaa_vugaan11

    கொரொனா வைரஸ் வராம பின்ன என்ன வரும்? - பறவைகள், முயல்கள், வெளவால்கள், பாம்புகள் விற்கப்படும் வுஹான் கடல் உணவு சந்தை!!!

  • pakistan21

    பெங்களூருவில் நடைபெற்ற குடியுரிமை சட்டத்திற்கு எதிரான பேரணியில் 'பாகிஸ்தான் ஜிந்தாபாத்' என்று கோஷம் போட்ட பெண் கைது: போலீசார் அதிரடி!

படங்கள் வீடியோ கல்வி சினிமா ஜோ‌திட‌ம்