SUN குழுமத்திலிருந்து வெளிவரும் காலை நாளிதழ்

நீலகிரியில் மின்இணைப்பு துண்டிப்பு ஒப்பந்த தொழிலாளர்களை பணியில் ஈடுபடுத்த வேண்டும்: தொமுச சார்பில் முதல்வருக்கு கடிதம்

2019-08-15@ 02:07:31

சென்னை: ‘நீலகிரி மாவட்டத்தில் மழையால் மின்இணைப்பு துண்டிக்கப்பட்டுள்ள நிலையில், அங்கு ஒப்பந்தத் தொழிலாளர்களை உரிய ஆவணங்களுடன் அழைத்துச்சென்று பணியில் ஈடுபடுத்த வேண்டும்’ என, தொமுச சார்பில் முதல்வரின்  தனிப்பிரிவுக்கு கடிதம் அனுப்பப்பட்டுள்ளது. இதுகுறித்து தொமுச நிர்வாகி சரவணன், அனுப்பிய கடிதத்தில் கூறப்பட்டுள்ளதாவது: நீலகிரி மாவட்டத்தில் தென்மேற்கு பருவமழை தீவிரமடைந்து உள்ளது. ஊட்டி, கூடலூர், பந்தலூர், குந்தா,  அவலாஞ்சி மற்றும் அதைச்சுற்றி உள்ள பகுதிகளில் கடந்த பத்து நாட்களாக  மழை பெய்து வருகிறது. இதன் காரணமாக அங்குள்ள பார்சன்ஸ்வேலி அணைக்கு செல்லும் சாலையில் மின்சார கம்பங்கள், வயர்கள் மீது மரங்கள் முறிந்து  விழுந்தன. மின்சாரம் முற்றிலும்  துண்டிக்கப்பட்டுள்ளது.  ஊட்டியின் ஒரு பகுதி, மேல்கவ்வட்டி, குருத்துக்குளி, பார்சன்ஸ்வேலி உட்பட பல்வேறு இடங்களில் பகுதிகளில் மின்சாரம் தடைபட்டுள்ளது.

மழை வெள்ளத்தால் பாதிக்கப்பட்ட பகுதிகளில் உடனடியாக ஒப்பந்த தொழிலாளர்கள் மீட்பு பணிகளில் ஈடுபட தயார் நிலையில் உள்ளனர். எனவே அவர்களை உரிய ஆவணங்களுடன் அழைத்து செல்ல வேண்டும். தமிழகம் முழுவதும்  பத்தாயிரத்திற்கும் மேற்பட்ட ஒப்பந்த தொழிலாளர்கள் வேலை பார்த்து வருகின்றனர். அவர்கள் கடந்த காலங்களில் ஏற்பட்ட தானே, வர்தா, கஜா போன்ற புயல் பாதிப்புகளின் போது முழு வீச்சில் ஈடுபடுத்தப்பட்டனர். அப்போது அவர்களை  பணிநிரந்தரம் செய்வதாக கூறப்பட்டது. ஆனால் பிறகு கண்டு கொள்ளவில்லை. எனவே அவர்களை உடனடியாக பணிநிரந்தரம் செய்ய வேண்டும். இவ்வாறு அதில் கூறப்பட்டுள்ளது.


மேலும் செய்திகள்

Like Us on Facebook Dinkaran Daily News
  • africaslavarieshouse

    1,700ம் நூற்றாண்டுகளில் ஆப்பிரிக்காவில் அடிமைகளுக்காக உருவாக்கப்பட்ட பகுதி: மக்களின் பார்வைக்கு திறப்பு

  • southwestchinaflo

    தென்மேற்கு சீனாவில் கனமழை, வெள்ளத்தால் நிலச்சரிவு: மேம்பாலம் உடைந்ததால் மக்கள் அவதி!

  • turkeyprotest

    துருக்கியில் மேயர்களை பணிநீக்கம் செய்ததற்கு எதிராக மக்கள் ஆர்ப்பாட்டம்: தண்ணீரை பீய்ச்சியடித்து விரட்டிய போலீசார்

  • 21-08-2019

    21-08-2019 இன்றைய சிறப்பு படங்கள்

  • beijingroboshow

    பெய்ஜிங்கில் நடைபெற்ற உலக ரோபோ மாநாடு: மருத்துவத்துறை, தீயணைப்பு துறைக்கான புதிய ரோபோக்கள் அறிமுகம்

படங்கள் வீடியோ கல்வி சினிமா ஜோ‌திட‌ம்