சென்னை: போக்குவரத்து விதிகளை மீறி வாகனங்களை ஓட்டுபவர்கள் விதிக்கப்படும் அபராதம் பற்றி போக்குவரத்து போலீஸ் அறிக்கை அறித்துள்ளது. அதில், இருசக்கர வாகனத்தில் அதிக நபர்கள் சென்றால் ரூ.2000 அபராதம், 3 மாதங்களுக்கு ஓட்டுனர் உரிமம் தகுதியிழப்பு என்று குறிப்பிடப்பட்டுள்ளது. சீட் பெல்ட் அணியாமல் கார் ஓட்டினால் ரூ.1000 அபராதம் விதிக்கப்படும், ஹெல்மட் அணியாமல் வாகனம் ஓட்டினால் ரூ.1000 அபராதம், 3 மாதங்களுக்கு ஓட்டுனர் உரிமம் தகுதியிழப்பு என்று குறிப்பிடப்பட்டுள்ளது.

மேலும், ஆம்புலன்ஸ் மற்றும் அவரச சேவை வாகனங்களுக்கு வழிவிடாமல் சென்றால் ரூ.10,000 அபராதம், 18 வயதுக்கு உட்பட்டோர் வாகனம் ஓட்டினால் வாகன உரிமையாளருக்கு ரூ.25,000 அபராதம் மற்றும் 3 ஆண்டு சிறை தண்டனை விதிக்கப்படும். சாலைகளில் அதிவேகமாக பைக் ரேஸில் ஈடுபட்டால் ரூ.5,000 அபராதம், ஓட்டுநர் உரிமமின்றி வாகனம் ஓட்டுவதற்கான அபராதம் ரூ.500இல் இருந்து ரூ.5,000ஆக உயர்த்தப்பட்டுள்ளது. ஓட்டுநர் உரிமத்தை தகுதியிழப்பு செய்த பின்னரும் வாகனத்தை ஓட்டினால் ரூ.10,000 அபராதம், போக்குவரத்து விதிமுறைகளுக்கான பொது அபராதம் ரூ.100 லிருந்து ரூ.500ஆக உயர்த்தப்பட்டுள்ளது.