SUN குழுமத்திலிருந்து வெளிவரும் காலை நாளிதழ்

ராஜிவ் கொலை வழக்கில் குற்றவாளிகளுக்கு 2வது முறை தண்டனை குறைக்க சட்டத்தில் இடமில்லை: கே.எஸ்.அழகிரி பேட்டி

2019-08-14@ 00:28:49

சென்னை: ராஜிவ் கொலை வழக்கு குற்றவாளிகளுக்கு இரண்டு முறை தண்டனையை குறைக்க சட்டத்தில் இடமில்லை என தமிழ்நாடு காங்கிரஸ் தலைவர் கே.எஸ்.அழகிரி கூறினார். மும்பையில் இருந்து சென்னை நேற்று மாலை 6 மணிக்கு தமிழக காங்கிரஸ் தலைவர் கே.எஸ்.அழகிரி வந்தார். அவர் சென்னை விமான நிலையத்தில் நிருபர்களுக்கு அளித்த பேட்டி: ராஜிவ் காந்தி கொலை வழக்கு விடுவிப்பதை பொறுத்தமட்டில் அது சட்டத்தின் கைகளில் தான் உள்ளது. அரசியல் கட்சிகளில் விருப்பு வெறுப்பு அடிப்படையில் நாங்கள் முடிவு செய்ய முடியாது. சட்டம் என்ன கூறுகிறதோ அதை அனைவரும்  ஏற்றுக் கொள்ளவேண்டும்.

அதே நேரத்தில் தமிழ்நாடு காங்கிரஸ் கமிட்டியின் கருத்து இதில் என்னவென்றால் எந்த ஒரு குற்றவாளிக்கு விடுதலையாக இருந்தாலும்  தண்டனையாக இருந்தாலும் நீதி மன்றம் தான் முடிவு செய்ய வேண்டும்.  அதில் அரசியல் கட்சிகளோ  தனிப்பட்ட குழுக்களோ முடிவு செய்ய முடியாது. அதற்கு சட்டத்தில் இடமும் இல்லை.  ஒரு குற்றவாளிக்கு  ஒருமுறைதான் தண்டனையை குறைக்க முடியும்.  இரண்டுமுறை தண்டனை குறைக்க சட்டத்தில்  இடம் கிடையாது. அந்த விதத்தில்  ராஜிவ்காந்தி கொலை வழக்கில் தூக்குத்தண்டனை கைதிகளாக இருந்த அவர்களுக்கு  சோனியா காந்தியின் வேண்டுகோளை ஏற்று ஆயுள் தண்டனையாக குறைத்தார்கள். இதற்குமேலும்  இரண்டாவது  முறையாக தண்டனை குறைப்பு என்பது அரசியல் சட்டத்தில் இடம் இருப்பதாக தெரியவில்லை. இவ்வாறு அவர் கூறினார்.


மேலும் செய்திகள்

Like Us on Facebook Dinkaran Daily News
  • 15-12-2019

    15-12-2019 இன்றைய சிறப்பு படங்கள்

  • 14-12-2019

    14-12-2019 இன்றைய சிறப்பு படங்கள்

  • po13

    கிறிஸ்துமஸ் கொண்டாட்டத்தை முன்னிட்டு வண்ணமயமான ஒளிவிளக்குகளால் அலங்கரிக்கப்பட்ட போலந்து: ஜொலிக்கும் புகைப்படம்

  • wagle_hunttt

    கஜகஸ்தானில் பாரம்பரிய போட்டி : கழுகுடன் வேட்டைக்கு செல்லும் கசாக் மக்கள்

  • modi13

    நாடாளுமன்றம் மீது தாக்குதல் நடத்தப்பட்டதின் 18ம் ஆண்டு நினைவு நாள்: உயிரிழந்த வீரர்களின் படங்களுக்கு பிரதமர் மோடி உள்ளிட்டோர் மலர்தூவி மரியாதை

படங்கள் வீடியோ கல்வி சினிமா ஜோ‌திட‌ம்