SUN குழுமத்திலிருந்து வெளிவரும் காலை நாளிதழ்

அதிருப்தி எம்எல்ஏ-க்களுக்கு கர்நாடக சபாநாயகர் சம்மன்: நாளை தன்னை சந்திக்குமாறு அறிவுறுத்தல்

2019-07-22@ 13:19:34

பெங்களூரு: கர்நாடக அதிருப்தி எம்எல்ஏ-க்களுக்கு சபாநாயகர் ரமேஷ்குமார் சம்மன் அனுப்பியுள்ளார். அதிருப்தி எம்எல்ஏ-க்கள் அனைவரும் நாளை காலை 11 மணிக்கு அலுவலகத்தில் தன்னை சந்திக்குமாறு அறிவுறுத்தியுள்ளார். அதிருப்தி எம்எல்ஏக்களை தகுதி நீக்கம் செய்யுமாறு காங்கிரஸ் - மஜத கூட்டணி கட்சி தலைவர்கள் கடிதம் அனுப்பிய நிலையில், சபாநாயகர் அதிருப்தி எம்எல்ஏக்களுக்கு சம்மன் அனுப்பியுள்ளார். கர்நாடகத்தில் ஏற்பட்டுள்ள அரசியல் குழப்பம் காரணமாக குமாரசாமி ஆட்சி காப்பாற்றப்படுமா? அல்லது கவிழ்க்கப்படுமா? என்ற கேள்விக்கு பதில் நடைபெற உள்ள நம்பிக்கை வாக்கெடுப்பில் தான் உள்ளது. காங்கிரஸ் - மஜத கூட்டணி கட்சியை சேர்ந்த 16 எம்எல்ஏ-க்கள் ராஜினாமா செய்தனர். மேலும் அவர்களின் ராஜினாமா கடிதங்களை சபாநாயகர் ஏற்கவில்லை.

இதையடுத்து, ராஜினாமா கடிதங்கள் மீது சபாநாயகர் நடவடிக்கை எடுக்கக்கோரி 15 அதிருப்தி  எம்எல்ஏ-க்கள் உச்சநீதிமன்றத்தில் வழக்கு தொடர்ந்தனர். அந்த வழக்கு விசாரணையில், ராஜினாமா கடிதம் மீது முடிவெடுக்க சபாநாயகருக்கு காலக்கெடு விதிக்க முடியாது என உச்சநீதிமன்றம் உத்தரவிட்டு மனுக்களை தள்ளுபடி செய்தது. இருப்பினும், நியாயமான காலவரையறைக்குள் 15 அதிருப்தி எம்எல்ஏ-க்கள் ராஜினாமா விவகாரத்தில், சபாநாயகர் முடிவெடுக்க வேண்டும் என்றும் உச்சநீதிமன்றம் அறிவுறுத்தியிருந்தது. ஏற்கனவே, இந்த வழக்கில் அதிருப்தி எம்எல்ஏ-க்கள் மீது தகுதி நீக்கம் போன்ற எந்த நடவடிக்கைகளையும் எடுக்கக்கூடாது என உத்தரவிட்டிருந்தது.

அதேபோல, நம்பிக்கை வாக்கெடுப்பில் கலந்து கொள்வது எம்எல்ஏ-க்களின் விருப்பம் என தெரிவித்திருந்தது. மேலும் அவர்களை சட்டப்பேரவை நம்பிக்கை வாக்கெடுப்பில் கலந்துகொள்ள வேண்டும் என அதிருப்தி எம்எல் ஏக்களை நிர்பந்திக்கக்கூடாது எனவும் நீதிமன்றம் தெரிவித்திருந்தது. இந்த நிலையில், கர்நாடக சட்டப்பேரவையில் நடைபெற்று வரும் நம்பிக்கை வாக்கெடுப்பு விவாதத்தில் அதிருப்தி எம்எல்ஏ-க்கள் பங்கேற்கவில்லை. இதையடுத்து, அதிருப்தி எம்.எல்.ஏக்கள் தொடர்பான உச்சநீதிமன்ற உத்தரவு அரசியல் அமைப்பு சட்டத்திற்கு முரணாக உள்ளது என கர்நாடக காங்கிரஸ் வழக்கு ஒன்றை தொடர்ந்துள்ளது. இந்த நிலையில், அதிருப்தி எம்எல்ஏ-க்கள் அனைவரும் நாளை காலை 11 மணிக்கு தன்னை நேரில் சந்திக்குமாறு சபாநாயகர் சம்மன் அனுப்பியுள்ளார்.


மேலும் செய்திகள்

Like Us on Facebook Dinkaran Daily News
  • 27-01-2020

    27-01-2020 இன்றைய சிறப்பு படங்கள்

  • 26-01-2020

    26-01-2020 இன்றைய சிறப்பு படங்கள்

  • 25-01-2020

    25-01-2020 இன்றைய சிறப்பு படங்கள்

  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

படங்கள் வீடியோ கல்வி சினிமா ஜோ‌திட‌ம்