SUN குழுமத்திலிருந்து வெளிவரும் காலை நாளிதழ்

பட்ஜெட் வரியால் பரிதாபம் பங்குச்சந்தையில் ரூ.7,712 கோடி வாபஸ் பெற்ற முதலீட்டாளர்கள்

2019-07-22@ 01:07:37

புதுடெல்லி: பங்குச்சந்தையில் வெளிநாட்டு முதலீட்டாளர்கள் இந்த மாதம் இதுவரை ₹₹7,712 கோடியை விலக்கிக் கொண்டுள்ளனர். இந்திய பங்குச்சந்தைகளில் வெளிநாட்டவர் முதலீடு மிக முக்கிய பங்கு வகிக்கிறது. குறிப்பாக கடந்த 5 மாதங்களாக வெளிநாட்டு முதலீட்டாளர்கள் இந்திய பங்குச்சந்தையில் கணிசமான அளவு முதலீடு செய்தனர். தேர்தல் நெருங்கும் நிலையில் முதலீடு வெளியேறியபோதும், மீண்டும் நிலையான அரசு அமையும் என்ற எதிர்பார்ப்பு பரவலாக இருந்ததால் முதலீடு அதிகரித்தது. பாஜ வெற்றிக்கு பிறகும் இது தொடர்ந்தது. ஆனால், மத்திய பட்ஜெட் அறிவித்த பிறகு இது தலைகீழாக மாறியது. மத்தியில் புதிய பாஜ அரசு அமைந்த பிறகு நிதியமைச்சர் நிர்மலா சீதாராமன் சமர்ப்பித்த பட்ஜெட்டில் பணக்காரர்களுக்கு கூடுதல் வரி விதிக்கப்பட்டது. இதனால் முதலீட்டாளர்கள் தயக்கம் காட்ட துவங்கினர்.

இதன் எதிரொலியாக இந்த மாதம் கடந்த 19ம் தேதி வரை இந்திய பங்குச்சந்தையில் ₹9,371.12 கோடி முதலீடு செய்தனர். இதில் ₹7,712.12 கோடியை வெளியேற்றி விட்டனர். இதனால் இந்த மாதம் இதுவரையிலான வெளிநாட்டு முதலீட்டாளர்களின் நிகர முதலீடு பங்குச்சந்தை மற்றும் கடன் சந்தையில் சேர்த்து மொத்தம் ₹1,659 கோடி மட்டுமே.  இதுகுறித்து சந்தை நிபுணர்கள் கூறுகையில், மத்திய பட்ஜெட்டில் பணக்காரர்களுக்கு அறிவிக்கப்பட்ட வரி காரணமாக முதலீட்டாளர்கள் தயக்கம் காட்டியுள்ளனர். அதோடு, இந்திய பொருளாதார வளர்ச்சி குறித்து கணிப்பு வெளியிட்ட ஆசிய வளர்ச்சி வங்கி, பொருளாதார வளர்ச்சியை குறைத்து மதிப்பீடு செய்துள்ளது. அதோடு பருவமழை குறித்த அறிவிப்புகளும் இந்திய சந்தையில் சாதகமான சூழ்நிலையை ஏற்படுத்தவில்லை. இதனால் முதலீடுகள் அதிகமாக விலக்கிக் கொள்ளப்பட்டுள்ளன என்றனர்.


மேலும் செய்திகள்

Like Us on Facebook Dinkaran Daily News
  • 23-02-2020

    23-02-2020 இன்றைய சிறப்பு படங்கள்

  • theepam2020

    மகாசிவராத்திரியை முன்னிட்டு தி.மலை கோவிலில் ஸ்ரீ லிங்கோத்பவருக்கு சிறப்பு அபிஷேகம்

  • 22-02-2020

    22-02-2020 இன்றைய சிறப்பு படங்கள்

  • UkraineCoronaProtest

    கொரோனாவால் பாதிக்கப்பட்டுள்ள சீனாவில் இருந்து மக்களை அழைத்து வந்ததற்கு எதிர்ப்பு: உக்ரைனில் வெடித்தது போராடடம்!

  • puthu2020

    அமெரிக்க அதிபர் ட்ரம்ப் தங்குவதற்காக டெல்லி மௌரியா ஹோட்டலில் ஆடம்பரமாகத் தயார் செய்யப்பட்டுள்ள பிரெசிடென்ட் சூட்!!

படங்கள் வீடியோ கல்வி சினிமா ஜோ‌திட‌ம்