SUN குழுமத்திலிருந்து வெளிவரும் காலை நாளிதழ்

திருவனந்தபுரத்தில் அபராத தொகையுடன் கம்பி நீட்டிய எஸ்ஐ கைது

2019-07-22@ 01:07:14

திருவனந்தபுரம்: திருவனந்தபுரத்தில்  போக்குவரத்து விதிமுறைகளை மீறிய வாகன ஓட்டிகளிடம் வசூலித்த அபராத  தொகையுடன் மாயமான சப் இன்ஸ்பெக்டர் கைது செய்யப்பட்டார்.திருவனந்தபுரம்  அருகே நெய்யாற்றின்கரை கோட்டப்பனை பகுதியைச் சேர்ந்தவர் நயீம்(52). இவர்  திருவனந்தபுரம் மருத்துவக் கல்லூரி போக்குவரத்து போலீஸ் சப் இன்ஸ்பெக்டராக  பணிபுரிந்து வருகிறார். கடந்த மே மாதம் வழக்கம்போல வாகனங்களை சோதனை  செய்யும் பணியில் ஈடுபட்டிருந்தார். அப்போது போக்குவரத்து விதிமுறைகளை  மீறியவர்களிடம் இருந்து அபராதம் வசூலித்தார். இதில் ₹7,000க்கு மேல்  வசூலாகி உள்ளது.ஆனால், பணத்தை ஸ்டேஷனில் ஒப்படைக் காததுடன் பணிக்கும் வரவில்லை. இதற்கிடையே  நயீமின் மனைவி டிஜிபியிடம் ஒரு புகார் கொடுத்தார். அதில் தனது கணவரை  போலீசார் வீட்டுக்கு வந்து மிரட்டினர் என தெரிவித்திருந்தார். இந்த புகார்  குறித்து விசாரிக்க டிஜிபி லோக்நாத் பெக்ரா உத்தரவிட்டார். விசாரணையில் அது  பொய்யான புகார் என ெதரியவந்தது.

இந்த நிலையில் தலைமறைவாக இருந்த நயீம் நேற்று முன்தினம் இரவு தனது வீட்டுக்கு  வந்தார். இந்த தகவல் அறிந்த போலீசார் விரைந்து சென்று அவரை கைது செய்தனர்.  நயீம் அபராத ரசீதில் மோசடி செய்திருக்கலாம் என போலீசார் கருதுகின்றனர். சமீபத்தில் தும்பா போலீஸ் நிலைய சப் இன்ஸ்பெக்டர் ஒருவர் அபராதம்  வசூலிக்கும் ரசீதில் மோசடி செய்தது தெரியவந்தது. அவர் அபராத தொகையாக 500  ரூபாய் வாங்கிவிட்டு ரசீதில் ₹100 என திருத்தி மோசடி செய்துள்ளார். இதுபோல நயீமும் ஈடுபட்டிருக்கலாம் என்ற கோணத்தில் விசாரணை நடந்து வருகிறது.


மேலும் செய்திகள்

Like Us on Facebook Dinkaran Daily News
  • deepam 9 fest

    திருவண்ணாமலை அண்ணாமலையார் கோயில் கார்த்திகை தீபத்திருவிழா 9-வது நாள் உற்சவத்தில் மாடவீதிகளில் சாமி உலா.

  • 10-12-2019

    10-12-2019 இன்றைய சிறப்பு படங்கள்

  • hongkiong_1211

    அரசுக்கு எதிரான ஆர்ப்பாட்டங்களின் 6 மாத கால நிறைவை முன்னிட்டு ஹாங்காங்கில் பிரம்மாண்ட பேரணி : ஆயிரக்கணக்கானோர் பங்கேற்பு

  • northesat_masothaa1

    குடியுரிமை சட்ட திருத்த மசோதாவுக்கு எதிரான போராட்டங்களால் போர்க்களமாகி உள்ள வடகிழக்கு மாநிலங்கள்

  • dragon_shapes_chinaa1

    40 மீட்டர் நீள டிராகன், பாண்டா.. சீன புத்தாண்டை முன்னிட்டு எஸ்டோனிய தலைநகரை அலங்கரித்த ஒளிரும் உருவங்கள்

படங்கள் வீடியோ கல்வி சினிமா ஜோ‌திட‌ம்