SUN குழுமத்திலிருந்து வெளிவரும் காலை நாளிதழ்

பிரேத பரிசோதனைக்கு பின் சரவணபவன் ராஜகோபால் உடல் மகன்களிடம் ஒப்படைப்பு

2019-07-20@ 00:15:10

சென்னை: மருத்துவமனையில் மரணமடைந்த சரவணபவன் ஓட்டல் உரிமையாளர் ராஜகோபால் உடல் பிரேத பரிசோதனைக்கு பிறகு மகன்களிடம் ஒப்படைக்கப்பட்டது.ஜீவஜோதியின் கணவர் சாந்தகுமார் கொலை வழக்கில் பூந்தமல்லி சிறப்பு நீதிமன்றம் 2004ல் ராஜகோபாலுக்கு 10 ஆண்டு சிறை தண்டனை விதித்தது.இதை எதிர்த்து 2009ல் உச்ச நீதிமன்றத்தில் ராஜகோபால் மற்றும் கூட்டாளிகள் மேல்முறையீடு செய்தனர். வழக்கை விசாரித்த உச்ச நீதிமன்றம் ராஜகோபால், டேனியல் உள்ளிட்ட 6 பேருக்கு ஆயுள் தண்டனையும் தமிழ்செல்வன், சேது, முருகானந்தம் ஆகியோருக்கு 3 ஆண்டும், பாலு, ஜனார்த்தன் ஆகியோருக்கு 2 ஆண்டு சிறை தண்டனையை உறுதி செய்தும், ராஜகோபால் நீதிமன்றத்தில் சரணடையும்படி உத்தரவிட்டது.இந்நிலையில், கடந்த 9ம் தேதி தனியார் மருத்துவமனையில் இருந்து ஆம்புலன்ஸ் மூலம் வந்து ராஜகோபால் சரணடைந்தார். அவரை மருத்துவ பரிசோதனை செய்து சிறையில் அடைக்க போலீசார் கொண்டு சென்றனர். ஸ்டான்லி அரசு மருத்துவமனையில் அவருக்கு உடல்நிலை மோசமானது.

வடபழனி தனியார் மருத்துவமனையில் சிகிச்சை பெற்று வந்த நிலையில், நேற்று முன்தினம் ராஜகோபால் உயிரிழந்தார். அவரது உடல் நேற்று முன்தினம் மாலை ஸ்டான்லி அரசு மருத்துவமனைக்கு  மாஜிஸ்திரேட் முன்னிலையில் பிரேத பரிசோதனைக்காக கொண்டு செல்லப்பட்டது.நேற்று காலை பொன்னேரி மாஜிஸ்திரேட் சதீஷ்குமார் முன்னிலையில் அவரது உடல் பிரேத பரிசோதனை நடந்தது. பிரேத பரிசோதனை முடிந்ததும், ராஜகோபாலின் உடல் சென்னை ராஜிவ் காந்தி மருத்துவமனைக்கு கொண்டு செல்லப்பட்டு பதப்படுத்தப்பட்டு நேற்று மதியம் 2 மணி அளவில் உறவினர்களிடம் ஒப்படைக்கப்பட்டது. முன்னதாக, ஸ்டான்லி அரசு மருத்துவமனையில் அவரது உடலை பெறுவதற்காக மகன்கள் மற்றும் உறவினர்கள் காத்திருந்தனர். பின்னர் நேற்று மாலை ராஜகோபாலின் உடல் அவரது மகன்களிடம் ஒப்படைக்கப்பட்டது. தொடர்ந்து, சொந்த ஊரான தூத்துக்குடி மாவட்டம், புன்னை நகருக்கு அவரது உடல் கொண்டு செல்லப்பட்டது.


மேலும் செய்திகள்

Like Us on Facebook Dinkaran Daily News
  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

  • rp23

    நாடு முழுவதும் முழுவீச்சில் நடைபெற்று வரும் குடியரசு தினவிழா ஒத்திகை நிகழ்ச்சியின் கண்கவர் படங்கள்

  • thai_ammamam

    தை அமாவாசை : ராமேஸ்வரம், காவிரி உள்ளிட்ட நீர்நிலைகளில் புனித நீராடி, முன்னோர்களுக்கு தர்ப்பணம் கொடுத்து மக்கள் வழிபாடு

  • mouni_amavaaa1

    வட இந்தியாவில் மவுனி அமாவாசை : திரிவேணி சங்கமத்தில் லட்சக்கணக்கானோர் புனித நீராடி, தங்களது முன்னோர்களுக்கு தர்பணம் கொடுத்து வழிபாடு

படங்கள் வீடியோ கல்வி சினிமா ஜோ‌திட‌ம்