SUN குழுமத்திலிருந்து வெளிவரும் காலை நாளிதழ்

கிரிக்கெட்டின் கடவுளுக்கு முன்பே இந்திய அணியின் தடுப்பு சுவருக்கு ஐசிசி ஹால் ஆஃப் ஃபேம் விருது!

2019-07-19@ 17:08:40

லண்டன்: கிரிக்கெட்டின் கடவுள் என்றழைக்கப்படும் சச்சின் டெண்டுல்கருக்கு ஐசிசி 'ஹால் ஆஃப் ஃபேம்' விருது வழங்கி கௌரவித்துள்ளது. சர்வதேச கிரிக்கெட் கவுன்சில் (ஐசிசி), கிரிக்கெட் விளையாட்டில் சாதனை புரியும் வீரர்களைக் கௌரவப்படுத்தும் விதமாக கடந்த 2009ஆம் ஆண்டு முதல் 'ஹால் ஆஃப் ஃபேம்' விருதுகளை வழங்கி வருகிறது. இந்தப் பட்டியலில் இடம்பெற பேட்ஸ்மேன் ஒருவர் ஒருநாள் அல்லது டெஸ்ட் போட்டிகளில் மொத்தம் 8000 ரன்கள் மற்றும் 20 சதங்கள் அடித்திருக்கவேண்டும். அதேபோல பந்துவீச்சாளராக இருந்தால் அவர் ஒருநாள் அல்லது டெஸ்ட் போட்டியில் குறைந்தது 200 விக்கெட்டுகள் எடுத்திருக்கவேண்டும்.

மேலும் இந்தப் பட்டியலுக்கு தேர்வாக வீரர்கள் ஓய்வு பெற்று 5 ஆண்டுகள் முடிந்து இருக்கவேண்டும். அந்த வகையில், இந்த ஆண்டுக்கான ஹால் ஆஃப் ஃபேம் விருதை இந்தியாவின் சச்சின் டெண்டுல்கர், தென் ஆப்ரிக்காவின் ஆலன் டொனால்ட், ஆஸ்திரேலியாவின் கேத்ரின் ஃபிட்ஸ்பாட்ரிக் ஆகியோருக்கு வழங்கப்பட்டுள்ளது. இந்தியா சார்பில் 6-வது வீரராக சச்சின் டெண்டுல்கர் இந்தப் பட்டியலில் இணைந்துள்ளார். இவருக்கு முன்பு இந்தியா சார்பில் பிஷன் சிங் பேடி (2009), சுனில் காவஸ்கர் (2009), கபில் தேவ் (2009), அனில் கும்ப்ளே (2015), ராகுல் டிராவிட்(2018) ஆகியோர் இந்த விருதை பெற்றுள்ளனர்.

சச்சினுக்கு முன்பே ஹால் ஆஃப் ஃபேம் விருது வாங்கிய டிராவிட்

ஐசிசி ஹால் ஆஃப் ஃபேம் விருதுக்கு இந்தியாவில் இருந்து சச்சின், டிராவிட் இருவருக்கும் கிடைக்கும். ஆனால் இந்த விருது டிராவிட்டுக்கு கடந்த ஆண்டு வழங்கப்பட்டது. சச்சினுக்கு இந்த ஆண்டு தான் இந்த விருது வழங்கப்பட்டுள்ளது. சச்சினுக்கு முன்பே டிராவிட்டுக்கு கிடைத்தது ஏனென்றால் டிராவிட் 2012-ம் ஆண்டிலும், சச்சின் 2013-ம் ஆண்டிலும் ஓய்வை அறிவித்தனர். இதன் காரணமாகவே சச்சினுக்கு முன்னதாகவே டிராவிட்டுக்கு ஐசிசி 'ஹால் ஆஃப் ஃபேம்' விருது வழங்கப்பட்டுள்ளது.


மேலும் செய்திகள்

Like Us on Facebook Dinkaran Daily News
  • 27-01-2020

    27-01-2020 இன்றைய சிறப்பு படங்கள்

  • 26-01-2020

    26-01-2020 இன்றைய சிறப்பு படங்கள்

  • 25-01-2020

    25-01-2020 இன்றைய சிறப்பு படங்கள்

  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

படங்கள் வீடியோ கல்வி சினிமா ஜோ‌திட‌ம்