SUN குழுமத்திலிருந்து வெளிவரும் காலை நாளிதழ்

பழநி சண்முகாநதியில் தூர்வாரும் பணி

2019-07-19@ 16:31:55

* வசூல் வேட்டையால் வியாபாரிகள் திணறல்

பழநி : பழநி சண்முகாநதியை தூர்வாருதாகக் கூறி புற்றீசல் போல் கிளம்பும் திடீர் அமைப்புகளின் வசூல் வேட்டைகளால் வியாபாரிகள் திணறிப்போய் உள்ளனர். கோயில் நகரான பழநிக்கு தமிழகத்தின் பல்வேறு பகுதிகளில் இருந்தும், வெளி மாநிலங்களில் இருந்தும் நாள்தோறும் ஆயிரக்கணக்கான பக்தர்கள் வந்து செல்கின்றனர். இவ்வாறு வரும் பக்தர்கள் பழநி-உடுமலை தேசிய நெடுஞ்சாலையில் உள்ள சண்முகாநதியில் குளித்து விட்டுச் செல்வது வழக்கம். இந்நிலையில் சண்முகாநதி ஆற்றில் தற்போது அமலைச்செடிகள் ஆக்கிரமித்துள்ளன. இதனால் பக்தர்கள் குளிக்க முடியாமல் அவதியடைந்து வந்தனர்.

இதுதொடர்பாக பொதுப்பணித்துறையிடம் பலமுறை முறையிட்டும் பலனேதுமில்லை. மேலும், சண்முகாநதி ஆற்றிலேயே அப்பகுதியில் உள்ள கடைகளின் கழிவுநீரும் கலக்கின்றன. இதனால் தேங்கி உள்ள நீரின் தூய்மைத்தன்மை குறைந்து சகதியாக மாறிவிட்டது. இந்நிலையில் தன்னார்வலர்கள் மற்றும் இந்து அமைப்புகளின் பெயரில் சிலர் அமலைச்செடிகளை அகற்றும் பணியில் ஈடுபடப்போவதாக அறிவித்தனர். ஆனால், பெயரளவிற்கு நடந்த அமலைச்செடிகளை அகற்றி, அதனை படம் எடுத்து பேஸ்புக், வாட்ஸ் அப் போன்ற சமூக வலைதளங்களில் பதவிட்டு விட்டு கிளம்பிச் சென்றுவிட்டனர்.

இதுபோன்ற போட்டோக்களுக்கு போஸ் கொடுக்கும் நடவடிக்கையால் சண்முகாநதியில் எவ்வித மாற்றமும் ஏற்படவில்லை என பக்தர்கள் மற்றும் சமூக ஆர்வலர்கள் தெரிவித்துள்ளனர். இந்நிலையில் சண்முகாநதியில் உள்ள அமலைச்செடிகள் மற்றும் குப்பைகளை அகற்றி சுத்தம் செய்யப்போவதாக தற்போது புற்றீசல்போல் ஏராளமான திடீர் அமைப்புகள் பழநியில உருவாகி உள்ளன. இதில் சில அமைப்புகளின் நிர்வாகிகள் சண்முகாநதியில் உள்ள அமலைச்செடிகளை அகற்றப்போவதாகவும், அதற்காக நிதி உதவி செய்ய வேண்டுமென்றும் கூறி பழநியில் உள்ள கடைகளில் வசூல் வேட்டையில் ஈடுபட்டுள்ளனர்.இந்த திடீர் வசூல் வேட்டையால் வியாபாரிகள் கதிகலங்கி போய் உள்ளனர். பொதுப்பணித்துறை சண்முகாநதி தூய்மை செய்ய வேண்டுமென்றும், போலீசார் இதுபோன்ற வசூல் கோஷ்டியை காண்காணித்து உரிய நடவடிக்கை எடுக்க வேண்டுமென்றும் வியாபாரிகள் கோரிக்கை விடுத்துள்ளனர்.













மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்