SUN குழுமத்திலிருந்து வெளிவரும் காலை நாளிதழ்

சந்திராயன்-2 விண்கலம் 22ம் தேதி விண்ணில் பாய்கிறது: விஞ்ஞானிகள் தகவல்

2019-07-18@ 00:11:02

பெங்களூரு: தொழில்நுட்ப கோளாறு காரணமாக நிறுத்தி வைக்கப்பட்ட சந்திராயன்-2 விண்கலம், ஜூலை 21 அல்லது 22ம் தேதி விண்ணில் செலுத்த ஆலோசித்து வருவதாக விஞ்ஞானிகள் தெரிவித்துள்ளனர். நிலவை  ஆய்வு செய்வதற்காக சந்திராயன்-1 விண்கலம் கடந்த 2008ம் ஆண்டு, அக்டோபர்  22ம் தேதி விண்ணில் ஏவப்பட்டது. நிலவின் வடதுருவத்தில் தரையிறங்கிய  விண்கலம் 312 நாட்கள் நிலவில் ஆய்வு மேற்கொண்டது. இதன் மூலம், நிலவில்   தண்ணீர், மெக்னீசியம், அலுமினியம், சிலிக்கான் உள்ளிட்ட தாதுகள் இருப்பது  தெரியவந்தது. இதையடுத்து நிலவின் தென்துருவத்தில் ஆய்வு  மேற்கொள்வதற்காக சந்திராயன்-2 விண்கலத்தை  நிலவிற்கு அனுப்ப இஸ்ரோ  திட்டமிட்டது. அதன்படி கடந்த 15ம் தேதி அதிகாலை 2.51 மணிக்கு ஆந்திர  மாநிலம் ஹரிகோட்டாவில் இருந்து விண்ணில் அனுப்புவதற்கான ஏற்பாடுகள்  செய்யப்பட்டது. அப்போது ஜி.எஸ்.எல்.வி ராக்கெட்டில் எரி பொருட்கள்  நிரப்பும்போது தொழில்நுட்ப கோளாறு ஏற்பட்டது. விண்கலம் விண்ணில்  ஏவுவதற்கான கவுன்ட் டவுன் தொடங்கியபோது தொழில்நுட்ப கோளாறு கண்டுபிடிக்கப்பட்டது.

இதையடுத்து,  தற்காலிகமாக விண்கலம் விண்ணில் செலுத்துவது நிறுத்தப்பட்டது. ராக்கெட்டில்  ஏற்பட்ட கோளாறுகளை சரி செய்யும் முயற்சியில் அதிகாரிகள் ஈடுபட்டுள்ளனர். இது சிறிய அளவிளான கோளாறு என்றும்,  ஓரிரு வாரத்தில் சரி செய்யப்பட்டு மீண்டும் விண்ணுக்கு அனுப்பப்படும் என இஸ்ரோ அதிகாரிகள் தெரிவித்திருந்தனர்.  இஸ்ரோவின் மூத்த விஞ்ஞானி ஒருவர் கூறுகையில், ‘‘சந்திராயன்-2 விண்கலம் திங்கட்கிழமை உறுதியாக விண்ணில் ஏவப்படும்’’ என நம்பிக்கை தெரிவித்தார். விண்வெளி  ஆராய்ச்சி குழுவினர் கூறுகையில், ‘‘வரும் 21 அல்லது 22ம் தேதி சந்திராயன்-2  விண்ணில் செலுத்த  தயாராகி வருகிறது. மேலும் நிலவிற்கு சென்று ஆய்வு  மேற்கொள்வதற்கு தேவையான அளவு எரி பொருட்கள் ராக்கெட்டில் நிரப்பப்படும். ஞாயிற்றுக்கிழமை கவுன்ட் டவுன் தொடங்கி திங்கட்கிழமை விண்ணில் செலுத்தப்படும்’’ எனக் கூறினர்.


மேலும் செய்திகள்

Like Us on Facebook Dinkaran Daily News
  • chennai20

    சென்னையில் இஸ்லாமியர்கள் சிஏஏ-க்கு எதிராக தொடர்ந்து 4 வது நாளாக போராட்டம்: போலீசார் நடத்திய தடியடியை கண்டித்து தமிழகம் முழுவதும் ஆர்ப்பாட்டம்...

  • modi20

    வாரணாசியில் பாரதிய ஜனசங்க முன்னாள் தலைவர் தீன்தயாள் உபாத்யாயாவின் 63 அடி சிலையை பிரதமர் மோடி திறந்து வைத்தார்

  • hospital20

    ஹைலோங்ஜியாங்கில் COVID-19 நோயாளிகளுக்கு சிகிச்சையளிப்பதற்காக நியமிக்கப்பட்ட மருத்துவமனையின் புதுப்பித்தல் பணிகள் முடிவு

  • kaasi sivan20

    காசி-மஹாகல் எக்ஸ்பிரஸ் ரயிலில் சிவபெருமானுக்கு சிறு கோயில்: மூன்று ஜோதி லிங்க கோயில்களை இணைக்கும் ரயில் சேவையை பிரதமர் மோடி தொடங்கி வைத்தார்

  • 17-02-2020

    17-02-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்