SUN குழுமத்திலிருந்து வெளிவரும் காலை நாளிதழ்

சேரன்மகாதேவியில் மதுபானம் ஏற்றி வந்த லாரி ரயில்வே கேட்டில் மோதியது

2019-07-17@ 14:24:24

வீரவநல்லூர்: மதுபானம் ஏற்றி வந்த லாரி மோதியதில் சேரன்மகாதேவி ரயில்வே கேட் சேதமடைந்தது. இதனால் அவ்வழியாக போக்குவரத்து பாதிக்கப்பட்டது. செங்கோட்டையில் இருந்து நெல்லை நோக்கி நேற்று மதியம் 12.30 மணியளவில் பாசஞ்சர் ரயில் வந்து கொண்டிருந்தது. இதையடுத்து சேரன்மகாதேவி மேல ரயில்வே கேட்டில், பணியில் இருந்த பெண் ஊழியர் கேட்டை அடைக்க முயன்றார். அப்போது அவ்வழியாக மதுபானம் ஏற்றி அம்பை நோக்கி சென்ற லாரி, எதிர்பாராதவிதமாக கேட்டின் மீது மோதியது. இதில் கேட் முற்றிலும் சேதமடைந்து சாலையில் விழுந்தது. இதுகுறித்து பெண் ஊழியர், ரயில் நிலையத்திற்கு தகவல் தெரிவித்துவிட்டு பாதுகாப்பு சங்கிலி மூலமாக தற்காலிகமாக சாலையை மறித்து தடுப்பு ஏற்படுத்தினார். தொடர்ந்து ரயில் வரும் திசைநோக்கி கொடியசைத்தபடி விரைந்து சென்றார். இதைப் பார்த்த ரயில் ஓட்டுநர், ரயிலை நிறுத்தவே அவரிடம் விபரத்தை தெரிவித்தார். தொடர்ந்து ரயில் மெதுவாக கேட்டினை பாதுகாப்பாக கடந்து சென்றது.

இச்சம்பவத்தால் சேரன்மகாதேவி சாலையில், ரயில்வே கேட்டின் இருபுறமும் வாகனங்கள் அணிவகுத்து நின்றன. டூவிலரில் சென்றவர்கள் ஆபத்தான முறையில் ரயில் தண்டவாளத்தை கடந்து சென்றனர். உடனடியாக வாகனங்கள் அனைத்து கீழ ரயில்வே கேட் வழியாக திருப்பி விடப்பட்டு அரை மணி நேரத்தில் போக்குவரத்து சரி செய்யப்பட்டது. தொடர்ந்து சேதமடைந்த ரயில்வே கேட்டை சரிசெய்யும் பணிகள், இரவு 10 மணி வரை நடந்தது. இதன் காரணமாக ரயில்கள் இவ்வழியாக கடந்து சென்றபோது பாதுகாப்பு சங்கிலி கட்டப்பட்டு போக்குவரத்து தடை செய்யப்பட்டது. இந்த விபத்து குறித்து தென்காசி ரயில்வே போலீசார் விசாரித்து வருகின்றனர்.


மேலும் செய்திகள்

Like Us on Facebook Dinkaran Daily News
  • deepam 9 fest

    திருவண்ணாமலை அண்ணாமலையார் கோயில் கார்த்திகை தீபத்திருவிழா 9-வது நாள் உற்சவத்தில் மாடவீதிகளில் சாமி உலா.

  • 10-12-2019

    10-12-2019 இன்றைய சிறப்பு படங்கள்

  • hongkiong_1211

    அரசுக்கு எதிரான ஆர்ப்பாட்டங்களின் 6 மாத கால நிறைவை முன்னிட்டு ஹாங்காங்கில் பிரம்மாண்ட பேரணி : ஆயிரக்கணக்கானோர் பங்கேற்பு

  • northesat_masothaa1

    குடியுரிமை சட்ட திருத்த மசோதாவுக்கு எதிரான போராட்டங்களால் போர்க்களமாகி உள்ள வடகிழக்கு மாநிலங்கள்

  • dragon_shapes_chinaa1

    40 மீட்டர் நீள டிராகன், பாண்டா.. சீன புத்தாண்டை முன்னிட்டு எஸ்டோனிய தலைநகரை அலங்கரித்த ஒளிரும் உருவங்கள்

படங்கள் வீடியோ கல்வி சினிமா ஜோ‌திட‌ம்