SUN குழுமத்திலிருந்து வெளிவரும் காலை நாளிதழ்

புதுச்சேரியில் வறட்சியின் பிடியில் சிக்கிய ஊசுடு ஏரி: 40,000க்கும் மேற்பட்ட பறவைகள் இடம் பெயர்வு

2019-07-17@ 14:06:45

புதுச்சேரி: புதுச்சேரியில் பறவைகள் சரணாலயமாக விளங்கும் ஊசுடு ஏரி வறண்டு போனதால் 40 ஆயிரத்திற்கும் மேற்பட்ட பறவைகள் அண்டை மாநிலங்களுக்கு இடம் பெயர்ந்துள்ளது. இதை தொடர்ந்து புதுச்சேரியின் முக்கிய நீர் ஆதாரங்களில் ஒன்றான ஊசுடு ஏரியானது 40 ஆண்டுகளில் இல்லாத அளவிற்கு வறண்டு காணப்படுகிறது. சுமார் 6 ஆயிரம் ஏக்கர் பரப்பளவில் கடல் போல் பரந்து விரிந்து காட்சியளித்த ஏரியானது தற்போது வறண்டு குட்டை போல் காட்சி அளிக்கிறது. இதனால் அங்கிருந்த 40 ஆயிரத்திற்கும் மேற்பட்ட பறவைகள் தமிழகம் மற்றும் ஆந்திரா மாநிலங்களை நோக்கி இடம் பெயர்ந்துவிட்டதாக இயற்கை ஆர்வலர்கள் குற்றம் சாட்டியுள்ளனர். இதை தொடர்ந்து ஊசுடு ஏரி வறண்டுபோய்விட்டதால் நவம்பர் மாதம் அங்கு வரும் வெளிநாட்டு பறவைகளுக்காக 4 செயற்கை தீவுகளை வனத்துறையினர் அமைத்துள்ளனர். மேலும் 4 செயற்கை மணல் திட்டுகளையும் அமைக்க நடவடிக்கை எடுக்கப்பட்டு வருகிறது.

மேலும் புதுச்சேரியில் உள்ள பெரும்பாலான ஏரிகள் வறண்டுபோய்விட்டதால் மாநிலம் முழுவதும் உள்ள நீர்நிலையங்களை உடனடியாக தூர்வார வேண்டும் என்று விவசாயிகள் கோரிக்கை விடுத்துள்ளனர். மேலும் இது தொடர்பாக அங்குள்ள இயற்கை ஆர்வலர் கூறியதாவது, வெளிநாடுகளில் இருந்து வர கூடிய பறவைகள் இங்கு தங்கி இனப்பெருக்கம் செய்து கொண்டு செல்லும் வகையில் ஐலாண்ட் ஒன்று உருவாக்கிக்கொண்டு இருப்பதாகவும், மேலும் இந்த ஐலாண்ட்டுகளை வெவ்வேறு வகையான வடிவங்களில் உருவாக்கி கொண்டிருப்பதாக அவர் தெரிவித்தார். இதை தொடர்ந்து சில ஐலாண்ட்களில் 100 முதல் 150 உள்ளூர் மரங்கள் நடும் வகையிலும், சிலவற்றில் 150 முதல் 200 மரங்கள் நடும் வகையில் ஏற்பாடுகள் செய்யப்படுவதாக அவர் தெறிவித்தார். மேலும் இந்த மரங்கள் நடவதினால் அண்டை மாநிலங்களில் இருந்து வரும் பறவைகள் இனப்பெருக்கம் செய்து கொள்ள ஏதுவாக இருக்கும் என்றும் அவர் தெரிவித்தார்.


மேலும் செய்திகள்

Like Us on Facebook Dinkaran Daily News
  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

  • rp23

    நாடு முழுவதும் முழுவீச்சில் நடைபெற்று வரும் குடியரசு தினவிழா ஒத்திகை நிகழ்ச்சியின் கண்கவர் படங்கள்

  • thai_ammamam

    தை அமாவாசை : ராமேஸ்வரம், காவிரி உள்ளிட்ட நீர்நிலைகளில் புனித நீராடி, முன்னோர்களுக்கு தர்ப்பணம் கொடுத்து மக்கள் வழிபாடு

  • mouni_amavaaa1

    வட இந்தியாவில் மவுனி அமாவாசை : திரிவேணி சங்கமத்தில் லட்சக்கணக்கானோர் புனித நீராடி, தங்களது முன்னோர்களுக்கு தர்பணம் கொடுத்து வழிபாடு

படங்கள் வீடியோ கல்வி சினிமா ஜோ‌திட‌ம்