SUN குழுமத்திலிருந்து வெளிவரும் காலை நாளிதழ்

மாஞ்சோலை மலைச்சாலை தொடர்பாக திருநெல்வேலி கலெக்டர், வனத்துறை அதிகாரிகள் பதிலளிக்க வேண்டும்: மாநில மனித உரிமை ஆணையம் உத்தரவு

2019-07-17@ 03:51:00

சென்னை: நெல்லை மாவட்டம்,  மேற்குத்தொடர்ச்சி மலையில் மாஞ்சோலை, காக்காச்சி, நாலுமுக்கு, ஊத்து என தேயிலை தோட்டங்கள் அமைந்துள்ளன. இந்த தேயிலை தோட்டங்களை நம்பி 4 ஆயிரத்துக்கும் மேற்பட்ட மக்கள் வசித்து வருகின்றனர். இவர்கள் மலைபகுதியில் வசித்து வந்தாலும், பள்ளி, கல்லூரி மற்றும் அன்றாட தேவைகளுக்காக நெல்லைக்கு தான் வரவேண்டும். இதனால், இந்த பகுதிகளுக்கு தினமும் 3 அரசு பஸ்கள் இயக்கப்பட்டு வந்தன. இந்தநிலையில், பேருந்துகள் இயங்கி வந்த 8 கி.மீ மலைசாலைகள் சரியில்லாததால், அதனை சீரமைக்க வனத்துறை முடிவு செய்தது. அதன்படி சாலைகள் அமைக்கும் பணி நடைபெறுவதால், பஸ் சேவை நிறுத்தப்பட்டது. இதனால் மக்கள் கடும் சிரமமடைந்து வருகின்றனர். மேலும் சாலை பணிகள் கிடப்பில் போடப்பட்டுள்ளது. சாலை அமைப்பது குறித்தும், பஸ் இயக்குவது குறித்தும் அதிகாரிகளிடம் கேட்டபோது, யாரும் எந்தவித சரியான பதிலும் அளிக்காமல் உள்ளனர்.

எனவே சாலை பணியை விரைவில் முடிக்க வழி செய்யுமாறு, திருநெல்வேலி மாவட்டத்தை சேர்ந்த ஜான்சன் அப்பாதுரை, மாநில மனித உரிமை ஆணையத்தில் மனு ஒன்றை தாக்கல் செய்தார். இந்த மனுவை விசாரித்த மாநில மனித உரிமை ஆணைய நீதிபதி துரை ஜெயசந்திரன், இது தொடர்பாக வனத்துறை முதன்மை, தலைமை கண்காணிப்பாளர், திருநெல்வேலி மாவட்ட கலெக்டர், களக்காடு-முண்டங்காடு புலிகள் காப்பகம் துணை இயக்குனர் ஆகியோர் 4 வாரத்தில் அறிக்கை அளிக்க உத்தரவிட்டுள்ளார்.


மேலும் செய்திகள்

Like Us on Facebook Dinkaran Daily News
  • 3dhmes_111

    3டி பிரின்டர் மூலம் அச்சிடப்பட்ட உலகின் முதல் வீடு ; மெக்சிக்கோவில் பயன்பாட்டுக்கு வந்தது

  • 13-12-2019

    13-12-2019 இன்றைய சிறப்பு படங்கள்

  • erimalai_11

    தொடா்ந்து சீற்றத்துடன் காணப்படும் வெள்ளைத் தீவு எரிமலை : மீண்டும் வெடிக்கும் அபாயம்

  • china_isaai1

    150 ஆண்டுகளாக சீனாவின் பாரம்பரிய இசைக் கருவிகளைத் தயாரித்து வரும் இசை கிராமம்

  • german_paanddaa1

    ஜெர்மனியில் பிறந்த இரட்டை ராட்சத பாண்டா குட்டிகளின் வயது 100 நாள்களை எட்டியது

படங்கள் வீடியோ கல்வி சினிமா ஜோ‌திட‌ம்