SUN குழுமத்திலிருந்து வெளிவரும் காலை நாளிதழ்

தயாரிப்பாளர்கள் சங்கம் தொடர்பான வழக்குகள் ஒரே நீதிபதிக்கு மாற்றம்: தலைமை நீதிபதிக்கு ஐகோர்ட் பரிந்துரை

2019-07-17@ 01:10:32

சென்னை: தயாரிப்பாளர் சங்க நிர்வாகம், தேர்தல் தொடர்பான அனைத்து வழக்குகளையும் ஒரே நீதிபதிக்கு மாற்றும்படி தலைமை நீதிபதிக்கு  பரிந்துரைக்கப்பட்டுள்ளது. தமிழ் திரைப்பட தயாரிப்பாளர் சங்கத்தை நிர்வகித்து வந்த விஷால் தலைமையிலான அணி  மீது சில தயாரிப்பாளர்கள் அளித்த புகாரை ஆராய்ந்த பதிவுத்துறை, தயாரிப்பாளர் சங்கம் அளித்த விளக்கத்தில் திருப்தி இல்லாததால்சங்கத்தை நிர்வகிக்க தனி அதிகாரியாக சென்னை மத்திய பதிவுத்துறை அதிகாரி சேகரை நியமித்து தமிழக அரசு உத்தரவிட்டது.தனி அதிகாரி நியமனத்தை எதிர்த்து  தயாரிப்பாளர் சங்கத் தலைவர் விஷாலும், ஓய்வுபெற்ற நீதிபதியை நியமித்து தேர்தலை நடத்த உத்தரவிடக் கோரி தயாரிப்பாளர் ராதாகிருஷ்ணன் தரப்பிலும் சென்னை உயர் நீதிமன்றத்தில் தனித்தனியாக வழக்குகள் தாக்கல் செய்யப்பட்டன.

இந்த வழக்குகள் நீதிபதி ஆதிகேசவலு முன்பு விசாரணைக்கு வந்தபோது,  விஷால் தரப்பில் ஆஜரான வழக்கறிஞர், தயாரிப்பாளர் சங்கம் தொடர்பாக, பொதுக்குழு கூட்டத்தை எதிர்த்த வழக்கு உள்ளிட்ட பல்வேறு வழக்குகள் வெவ்வேறு நீதிபதிகள் முன்பு நிலுவையில் உள்ளதால்,  அனைத்து வழக்குகளையும் ஒன்றாக பட்டியலிட்டு விசாரணைக்கு எடுத்துக்கொண்ட பிறகு இந்த வழக்கில் உத்தரவு பிறப்பிக்க வேண்டும் என கோரப்பட்டது.இதையடுத்து, தயாரிப்பாளர் சங்கம் தொடர்பாக நிலுவையில் உள்ள அனைத்து வழக்குகளையும் வேறு நீதிபதி முன் பட்டியலிடும்படி தலைமை நீதிபதிக்கு பரிந்துரைப்பதாக நீதிபதி ஆதிகேசவலு தெரிவித்துள்ளார்.


மேலும் செய்திகள்

Like Us on Facebook Dinkaran Daily News
  • 20-09-2019

    20-09-2019 இன்றைய சிறப்பு படங்கள்

  • motor_strike1

    புதிய மோட்டார் வாகன சட்டத்திற்கு எதிராக ஸ்டிரைக் : டெல்லியில் ஆட்டோ, வாடகை கார் இயங்கவில்லை; மக்கள் சிரமம்

  • jellifish_shapee1

    உருவத்தை மாற்றும் வினோத ஜெல்லி மீன் : பசிபிக் பெருங்கடலில் கண்டுபிடிப்பு

  • malar_palam11

    கர்நாடகாவின் குல்பர்கா நகரில் நடைபெற்ற பழம் மற்றும் மலர் கண்காட்சியின் கண்கவர் படங்கள்

  • banglore_fire11

    பெங்களூரு யூக்கோ வங்கியில் பயங்கர தீ விபத்து : வங்கிக்குள் இருந்தவர்கள், மாடியின் ஜன்னல் வழியாக கீழிறங்கி தப்பித்தனர்

படங்கள் வீடியோ கல்வி சினிமா ஜோ‌திட‌ம்