SUN குழுமத்திலிருந்து வெளிவரும் காலை நாளிதழ்

இருளில் மூழ்கியதால் மக்கள் அவதி ராமேஸ்வரம் பகுதியில் 16 மணி நேரம் மின்தடை: சுற்றுலாப்பயணிகளும் அதிருப்தி

2019-07-12@ 00:16:59

ராமேஸ்வரம்: ராமேஸ்வரம் தீவு முழுவதும் நேற்று முன்தினம் இரவு முதல் நேற்று வரை 16 மணிநேரம் மின்தடை ஏற்பட்டது. மூன்று நாட்களாக இதே நிலை நீடிப்பதால் பொதுமக்கள், சுற்றுலா பயணிகள் அவதியடைந்து  வருகின்றனர்.ராமநாதபுரம் மாவட்டத்தில் ராமேஸ்வரம், தங்கச்சிமடம் மற்றும் பாம்பன் உள்ளிட்ட தீவுப்பகுதியில் கடந்த 3 நாட்களாக தொடர்ந்து நள்ளிரவு ஒரு மணியளவில் மின்தடை ஏற்படுவதும், காலையில் மின்சாரம் வருவதுமாக இருந்து வந்தது.  நேற்று முன்தினம் இரவு 9 மணியளவில் மின்சாரம் துண்டிக்கப்பட்ட நிலையில், 16 மணி நேரத்துக்குப் பிறகு நேற்று பகல் ஒரு மணிக்குத்தான் மீண்டும் மின்சாரம் வழங்கப்பட்டது.இரவு நேரத்தில் மின்தடை ஏற்பட்டதால் புழுக்கத்தில் கொசுக்கடியையும் தாங்கி கொண்டு வீடுகளுக்குள் பொதுமக்கள் தூக்கமின்றி முடங்கினர். வெளியூர்களில் இருந்து வந்த சுற்றுலாப் பயணிகளும், பக்தர்களும் அவதிப்பட்டனர்.

மின்சாரத்துறையில் ஊழியர்கள் மற்றும் அதிகாரிகளிடம் கேட்டால் ஒவ்வொருவரும் ஏதாவது ஒரு காரணத்தை சொல்கின்றனர். எதனால் மின்தடை ஏற்பட்டது, எப்போது சரியாகும், மீண்டும் எப்போது மின்சாரம் வரும் என்ன பிரச்னை என்பது  குறித்து மின்சார வாரிய உயர் அதிகாரிகளும் முறையாக தெரிவிக்கவில்லை.இதனால் ராமேஸ்வரம் தீவுப்பகுதியில் வசிக்கும் பொதுமக்கள் போன கரன்ட் எப்போது வருமோ என்று பல மணிநேரம் காத்துக் கிடக்க வேண்டிய நிலைக்கு தள்ளப்பட்டுள்ளனர்.சுற்றுலாப் பயணிகளும், பக்தர்களும் அதிகளவில் வந்து செல்லும் ராமேஸ்வரம் பகுதிக்கு தங்குதடையின்றி சீரான மின்சாரம் வழங்க உயர் அதிகாரிகள் நடவடிக்கை எடுக்கவேண்டும் என்று பொதுமக்கள் வலியுறுத்தியுள்ளனர்.


மேலும் செய்திகள்

Like Us on Facebook Dinkaran Daily News
  • malta_111

    மால்டா தீவில் பட்டம் விடும் திருவிழா : டிராகன், டைனோசர், பூரான் உள்ளிட்ட விசித்திர உருவங்களில் பட்டங்கள் பறக்கவிட்டன

  • egypt_100011

    எகிப்தில் 3,000 வருடங்கள் பழமையான மரத்திலான மம்மி வடிவிலான 30 சவப் பெட்டிகள் கண்டுபிடிப்பு

  • brazil_makkal111

    பிரேசில் கடற்கரையில் கரை ஒதுங்கும் பெட்ரோலிய கழிவுகளை அப்புறப்படுத்தும் பணியில் உள்ளூர் மக்கள்

  • sculptor_italyyy11

    ரோம் நகரில் பட்டுப்போன மரங்களின் அடிப்பகுதியில் சிற்பங்களை வடிக்கும் சிற்பி!! : மெய் சிலிர்க்க வைக்கும் படங்கள்

  • semmary_aadu_spayin11

    பாரம்பரிய முறைப்படி ஸ்பெயின் தலைநகர் மேட்ரிட்டின் முக்கிய வீதிகள் வழியே ஊர்வலமாக சென்ற 2000 செம்மறி ஆடுகள் !! : புகைப்படத்தொகுப்பு

படங்கள் வீடியோ கல்வி சினிமா ஜோ‌திட‌ம்