SUN குழுமத்திலிருந்து வெளிவரும் காலை நாளிதழ்

ராவல்பிண்டி ராணுவ மருத்துவமனையில் குண்டுவெடிப்பு தீவிரவாதி மசூத் அசார் படுகாயம்?

2019-06-25@ 19:10:50

ராவல்பிண்டி: இந்தியாவில் கடந்த காலங்களில் நடைபெற்ற பல்வேறு குண்டுவெடிப்பு சம்பவங்களுக்கு மூளையாக செயல்பட்ட  ஜெய்ஷ் இ முகம்மது தீவிரவாத இயக்கத்தின்  தலைவரான மசூத் அசார், சமீபத்தில் சர்வதேச தீவிரவாதியாக அறிவிக்கப்பட்டான். பாகிஸ்தானில் சுதந்திரமாக இருக்கும் இவன்,  உடல் நலக்குறைவு காரணமாக ராவல்பிண்டியில் உள்ள ராணுவ மருத்துவமனையில் ‘டயாலிசிஸ்’ சிகிச்சை பெற்று வருவதாக கூறப்படுகிறது. இந்நிலையில், ராவல்பிண்டி மருத்துவமனையில் வெடிகுண்டு தாக்குதல் நடைபெற்றதாகவும், இந்த தாக்குதலில் மசூத் அசார் உள்பட 10 பேர் காயம் அடைந்தாக தகவல் வெளியாகியுள்ளது. இது தொடர்பாக, பாகிஸ்தானில் உள்ள பிரபல சமூக ஆர்வலரும், மனித உரிமைகள் ஆர்வலருமான ஆசன் உல்லா மியாகைல் என்பவர் தனது டுவிட்டர் பதிவில், ‘மசூத் அசார் காயம் அடைந்துள்ளார்’ என்று குறிப்பிட்டுள்ளார்.

 இருந்தும், மசூத் அசார் காயம் அடைந்தது தொடர்பான எவ்வித செய்திகளை வெளியிடக்கூடாது என்று அந்நாட்டு ஊடகங்களுக்கு பாகிஸ்தான் அரசு கடுமையான கட்டுப்பாடுகளை விதித்துள்ளது. இச்சம்பவம் குறித்து தகவல் அளிக்க பாகிஸ்தான் ராணுவ அதிகாரிகள் மறுத்து விட்டனர்.  இந்த தகவல்களை உறுதி செய்யும் முயற்சியில் இந்திய உளவுத்துறையினர் ஈடுபட்டுள்ளனர். குண்டு வெடிப்பு சம்பவம் தொடர்பான வீடியோவும் வெளியாகி உள்ளது. அதில், குண்டுவெடிப்பு நடந்து அதன் கறும்புகையும், வெடி சத்தமும் கேட்கிறது. இருந்தும், பாகிஸ்தான் மீடியாக்கள் தீவிரவாதி மசூத் அசார் தொடர்பான எவ்வித செய்திகளையும் வெளியிடவில்லை.


மேலும் செய்திகள்

Like Us on Facebook Dinkaran Daily News
  • afghanblast

    ஆப்கானிஸ்தானில் கார் வெடிகுண்டு தாக்குதல்: உள்துறை அமைச்சகம் அருகே நடந்த இந்த விபத்தில் 7 பேர் உயிரிழப்பு!

  • venicerain

    இத்தாலியில் பெய்த மழையால் தண்ணீரில் மிதக்கும் வெனிஸ் நகரம்: 187செ.மீ அளவுக்கு மழை பதிவானதாக தகவல்

  • isrealattack

    காசாவில் ஜிகாத் அமைப்பின் தலைவர் கொல்லப்பட்டதை தொடர்ந்து இஸ்ரேலில் ராக்கெட் தாக்குதல்

  • 13-11-2019

    13-11-2019 இன்றைய சிறப்பு படங்கள்

  • vagaidamflood

    பாசனத்திற்கு திறந்துவிடப்பட்ட தண்ணீரால் வைகை ஆற்றில் வெள்ளப்பெருக்கு... 2 தரைப்பாலங்கள் மூழ்கியது!

படங்கள் வீடியோ கல்வி சினிமா ஜோ‌திட‌ம்