SUN குழுமத்திலிருந்து வெளிவரும் காலை நாளிதழ்

தண்ணீர் தங்கம்

2019-06-21@ 04:54:19

சென்னை, டெல்லி, பெங்களூரு, ஐதராபாத் உள்ளிட்ட 21 பெரிய நகரங்களில் வரும் 2020 ஆண்டில் ‘தண்ணீர் தங்கம்’ எனப்படும் நிலத்தடி நீர் பெருமளவில் வற்றிவிடும்; இதனால் 10 கோடி பேர் பாதிக்கப்படுவார்கள் என்ற அதிர்ச்சி தகவலை மத்திய அரசின் நிதி ஆயோக் வெளியிட்டுள்ளது. இதுதவிர வரும் 2030ம் ஆண்டில், நாட்டின் மொத்த மக்கள் தொகையில் 40 சதவீதம் பேருக்கு குடிநீரே கிடைக்காது என்றும் அதன் ஆய்வறிக்கையில் தெரிவிக்கப்பட்டுள்ளது பெரும் அதிர்ச்சி அலைகளை ஏற்படுத்தி உள்ளது.
நிதி ஆயோக் சொல்லும் 2020க்கு இன்னும் சரியாக 6 மாதங்கள்தான் உள்ளன. அதைத்தொடர்ந்து நிலத்தடி நீர் சென்னையில் பெருமளவில் கீழே இறங்க ஆரம்பித்துவிடும். இப்போது குளிப்பதற்கு ஆவது, உப்பாக இருந்தாலும் நிலத்தடிநீர் பயன்படுகிறது. அடுத்த ஆண்டில் அதுவும் இருக்காது என்ற தகவல், பதைபதைக்க வைக்கிறது.

சென்னையில் மூன்று ஆறுகள், நான்கு நீர் நிலைகள், ஐந்து சதுப்பு நிலங்கள், 6 வனப்பகுதிகள் ஏற்கனவே கடும் வறட்சியில் சிக்கி உள்ளன. இத்தனைக்கும் சென்னையில் போதுமான அளவு மழை கிடைக்கிறது. ஆனால், அதை சரியாக பயன்படுத்தாததால், நீர்நிலைகள் வறண்டு, மக்களை பதம் பார்க்க ஆரம்பித்துள்ளது.சென்னையில் கடல் இருக்கிறது; அதை வைத்து குடிநீர் ஆக்கிவிடலாம் என்று சில மேதாவிகள் பேசுகின்றனர். ஆனால், கடல்நீரை குடிநீராக்கும் திட்டம் என்பது பெரும் செலவுக்குரிய ஒன்று. மேலும், சென்னை போன்ற பெருநகர மக்களுக்கு தண்ணீர் விநியோகம் செய்வதற்கு குறைந்தபட்சம் 50க்கும் மேற்பட்ட கடல்நீரை குடிநீராக்கும் மையங்களை அமைக்க வேண்டும். ஆனால், நிஜத்தில் இது முடியுமா?இயற்கை அன்னை ஒவ்வொரு ஆண்டும், நமக்கு போதுமான அளவுக்கு மழை என்ற கொடையை அளிக்கிறது. ஆனால், அதை பாதுகாக்காமல் கடலில் கலக்க விட்டும், கால்வாய்களில் கலக்க விட்டும் அஜாக்கிரதையாக இருப்பதன் பலனைத்தான் இப்போது சென்னை மக்கள் அனுபவித்து வருகின்றனர்.

அரசின் அஜாக்கிரதை ஒரு பக்கம் இருந்தாலும், மக்களும் தங்கள் பங்குக்கு ஒவ்வொரு சொட்டு தண்ணீரையும் சேமிக்க தங்களால் முடிந்த அளவுக்கு நடவடிக்கை எடுக்க வேண்டும். முதலில் மழைநீர் சேகரிப்புக்கான குழிகளை ஒவ்வொரு வீட்டிலும் அமைக்க வேண்டும். இல்லாவிட்டால் ஒவ்வொரு முறை தண்ணீர் குடிக்கும்போதும், அடுத்த ஆண்டில் அது நமக்கு கிடைக்குமா என்று கவலைப்பட வேண்டிய நிலை உருவாகும். தங்கமாவது இருக்கும்; தண்்ணீர் தங்கம் இருக்காது.


மேலும் செய்திகள்

Like Us on Facebook Dinkaran Daily News
  • bangladeshtrain

    வங்கதேசத்தில் இரண்டு எக்ஸ்பிரஸ் ரயில்கள் நேருக்கு நேர் மோதி பயங்கர விபத்து: 16 பேர் பலியான சோகம்!

  • wildfireaus

    காட்டுத்தீ காரணமாக அபாய நிலையை எட்டியுள்ள ஆஸ்திரேலியா: பேரழிவு காரணமாக அவசரநிலை பிரகடனம்

  • hongkongprofire

    ஹாங்காங் போராட்டத்தில் அதிர்ச்சி சம்பவம்: வாக்குவாதத்தில் ஈடுபட்ட நபருக்கு தீ வைத்த போராட்டக்காரர்கள்

  • chicagosnow

    பனிப்பொழிவின் உச்சத்தில் சிகாகோ: 6 அங்குலத்திற்கு பனிப்போர்வை படர்ந்து காட்சியளிக்கும் நகரம்

  • 12-11-2019

    12-11-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்