SUN குழுமத்திலிருந்து வெளிவரும் காலை நாளிதழ்

பூட்டிய வீட்டுக்குள் கள்ளக்காதலர்கள் தூக்கிட்டு தற்கொலை

2019-06-21@ 02:02:20

வேளச்சேரி: பூட்டிய வீட்டில் கள்ளக்காதலர்கள் தூக்குப்போட்டு தற்கொலை செய்துகொண்டனர்.  பள்ளிக்கரணை, பவானி அம்மன் கோயில் தெருவை சேர்ந்தவர் ஏழுமலை. கூலி தொழிலாளி. இவரது மனைவி காத்தாயி (29). இவர்களுக்கு ஒரு மகன், ஒரு மகள் உள்ளனர். அதே பகுதி மூவேந்தர் தெருவை சேர்ந்தவர் பாபு (48). கொத்தனார் வேலை செய்து வருகிறார். இவருக்கு மனைவி, 2 மகள்கள், ஒரு மகன் உள்ளனர். காத்தாயிக்கும், பாபுவுக்கும் சொந்த ஊர் விழுப்புரம் என்பதால், சிறு வயதில் இருந்தே பழக்கம் இருந்துள்ளது. இதனால், காத்தாயி துணி துவைப்பதற்காக அடிக்கடி பாபு வீட்டுக்கு செல்வார் என கூறப்படுகிறது. அப்போது, அவர்களுக்குள் நெருக்கம் ஏற்பட்டு, கள்ளக்காதலாக மாறியுள்ளது. இந்த விவகாரம் காத்தாயியின் கணவர் ஏழுமலைக்கு தெரியவந்ததால், மனைவியை கண்டித்துள்ளார்.

இந்நிலையில், கடந்த 2 தினங்களுக்கு முன், பாபுவின் மனைவி மற்றும் குழந்தைகள் சொந்த ஊருக்கு சென்றுள்ளனர். பாபு மட்டும் வீட்டில் தனியாக இருந்துள்ளார். நேற்று முன்தினம் காலை காத்தாயி, பாபு வீட்டுக்கு சென்றுள்ளார்.
ஆனால் மாலை வரை வீடு திரும்பவில்லை. இதனால், ஏழுமலை மனைவியை தேடி பாபு வீட்டுக்கு சென்றுள்ளார். அங்கு வீட்டின் கதவு உள்பக்கம் பூட்டப்பட்டிருந்தது. சந்தேகமடைந்த அவர், கதவை தட்டியுள்ளார். வெகுநேரம் ஆகியும் திறக்காததால் ஜன்னல் வழியாக பார்த்துள்ளார். அப்போது காத்தாயி, பாபு இருவரும் தூக்கில் சடலமாக தொங்குவதை பார்த்து அதிர்ச்சியடைந்தார். இதுகுறித்து பள்ளிக்கரணை போலீசாருக்கு தகவல் தெரிவித்தார். போலீசார் வந்து, கதவை உடைத்து இருவரின் சடலங்களை கைப்பற்றி பிரேத பரிசோதனைக்காக குரோம்பேட்டை அரசு மருத்துவமனைக்கு அனுப்பி வைத்தனர். மேலும் வழக்கு பதிவு செய்து விசாரித்து வருகின்றனர். பூட்டிய வீட்டில் கள்ளக்காதலர்கள் தூக்குப்போட்டு தற்கொலை செய்துகொண்ட சம்பவம் அப்பகுதியில் பரபரப்பை ஏற்படுத்தியது.


மேலும் செய்திகள்

Like Us on Facebook Dinkaran Daily News
  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

  • rp23

    நாடு முழுவதும் முழுவீச்சில் நடைபெற்று வரும் குடியரசு தினவிழா ஒத்திகை நிகழ்ச்சியின் கண்கவர் படங்கள்

  • thai_ammamam

    தை அமாவாசை : ராமேஸ்வரம், காவிரி உள்ளிட்ட நீர்நிலைகளில் புனித நீராடி, முன்னோர்களுக்கு தர்ப்பணம் கொடுத்து மக்கள் வழிபாடு

  • mouni_amavaaa1

    வட இந்தியாவில் மவுனி அமாவாசை : திரிவேணி சங்கமத்தில் லட்சக்கணக்கானோர் புனித நீராடி, தங்களது முன்னோர்களுக்கு தர்பணம் கொடுத்து வழிபாடு

படங்கள் வீடியோ கல்வி சினிமா ஜோ‌திட‌ம்