SUN குழுமத்திலிருந்து வெளிவரும் காலை நாளிதழ்

தூத்துக்குடி துப்பாக்கி சூடு: ஒரு நபர் விசாரணை ஆணையத்திடம் ஆதார சிடி... முகிலன் மீட்பு கூட்டியக்கம் வழங்கல்

2019-06-20@ 21:14:29

தூத்துக்குடி: தூத்துக்குடி துப்பாக்கி சூடு சம்பவம் தொடர்பாக  நீதிபதி அருணா ஜெகதீசனிடம் முகிலன்  மீட்பு கூட்டியக்கத்தினர் ஆதாரங்கள் அடங்கிய சிடியை வழங்கினர். தூத்துக்குடியில் கடந்த ஆண்டு மே 22ம் தேதி ஸ்டெர்லைட் ஆலைக்கு எதிராக நடந்த போராட்டத்தில் கலவரம் வெடித்தது. இதையடுத்து நடந்த துப்பாக்கி சூடு, தடியடியில் 13 பேர் பலியாகினர். இதுகுறித்து ஏற்கனவே சிபிஐ விசாரணை நடந்து வருகிறது. தமிழக அரசால் அமைக்கப்பட்ட ஓய்வுபெற்ற உயர் நீதிமன்ற நீதிபதி அருணா ஜெகதீசன் தலைமையில் ஒருநபர் விசாரணை ஆணையம், துப்பாக்கி சூட்டில் பலியானோரின் குடும்பத்தினர், காயம் அடைந்தோர், போலீசார் என பல்வேறு தரப்பினரிடம் 11 கட்டங்களாக விசாரணை நடத்தியது. இதில் 320 பேரின் வாக்குமூலம் பதிவு செய்யப்பட்டுள்ளது. இதையடுத்து, ஆணையத்தின் 12ம் கட்ட விசாரணை நேற்று முன்தினம் துவங்கியது.

போராட்டத்தில் ஈடுபட்டிருந்தவர்களுக்கு தினமும் 10 பேர் வீதம் விசாரணை ஆணையத்தில் ஆஜராக சம்மன் அனுப்பப்பட்டிருந்தது. நேற்று முன்தினம் 3 பேரிடம் விசாரணை நடத்தப்பட்ட நிலையில் முகிலன் மீட்பு கூட்டியக்கத்தை சேர்ந்த மாரிச்செல்வம், கிதர்பிஸ்மி, கிருஷ்ணமூர்த்தி, பிரபு உள்ளிட்டோர் விசாரணைக்கு நேற்று ஆஜராகினர். அப்போது அவர்கள், சென்னையில் இருந்து ரயிலில் பயணித்தபோது மாயமான சமூக ஆர்வலர் முகிலன் வெளியிட்ட துப்பாக்கி சூடு குறித்த ஆவணங்கள் அடங்கிய சிடியை ஒரு நபர் ஆணையத்திடம் ஒப்படைத்தனர். விசாரணை தொடர்ந்து நாளை (21ம்தேதி) வரை நடக்கிறது.


மேலும் செய்திகள்

Like Us on Facebook Dinkaran Daily News
  • FloatingNuclearPlant23

    ரஷ்யாவில் உருவாக்கப்பட்டுள்ள உலகின் முதல் மிதக்கும் அணு ஆயுத ஆலை: தனது முதல் பயணத்தை தொடங்கியது..!

  • robo

    பெய்ஜிங்கில் நடைபெற்ற 2019 உலக ரோபோ மாநாடு: தொழிற்துறை, பயோனிக் ரோபோ மீன் உள்ளிட்டவை காட்சிக்கு வைப்பு

  • france_modi11112

    பிரதமர் மோடி பிரான்ஸ் நாட்டிற்கு பயணம் : பிரெஞ்சு அதிபர் இமானுவேல் மக்ரோனை சந்தித்து பேசினார்

  • cleb_11_kri

    கிருஷ்ண ஜெயந்தி : நாடு முழுவதும் கொண்டாட்டங்கள் களைகட்டின

  • WreckedTitanic2k19

    ஆழ்க்கடலில் உலோகம் உண்ணும் பாக்டீரியாக்களால் வேகமாக அழிந்து வரும் டைட்டானிக் கப்பலின் பாகங்கள்: புகைப்படங்கள் வெளியீடு

படங்கள் வீடியோ கல்வி சினிமா ஜோ‌திட‌ம்