SUN குழுமத்திலிருந்து வெளிவரும் காலை நாளிதழ்

உள்ளாட்சி தேர்தல் நடவடிக்கை வெப்சைட்டில் வெளியிட வழக்கு

2019-06-20@ 00:46:21

மதுரை: உள்ளாட்சித் தேர்தல் தொடர்பான நடவடிக்கைகளை வெப்சைட்டில் வெளியிடக் கோரிய வழக்கில், தமிழக தேர்தல் ஆணையம் பதில் மனு தாக்கல் செய்ய ஐகோர்ட் கிளை உத்தரவிட்டுள்ளது. ஐகோர்ட் மதுரை கிளையில் தாக்கல் செய்யப்பட்ட ஒரு பொதுநல மனுவில் கூறியிருப்பதாவது: தமிழக தேர்தல் ஆணையம் உள்ளாட்சித் தேர்தலை நடத்துகிறது. இதற்கான வாக்காளர் பட்டியல், சட்டமன்ற தொகுதிக்கான வாக்காளர் பட்டியலின் அடிப்படையிலேயே தயார் செய்யப்படுகிறது. பட்டியலில் தங்கள் பெயர் உள்ளதா என்பதை பொதுமக்கள் உறுதி செய்வதற்கான வழிகள் இல்லை. அதே நேரம், சட்டமன்ற மற்றும் நாடாளுமன்ற தேர்தலுக்கான வாக்காளர் பட்டியலை இந்திய தேர்தல் ஆணையம் இணையதளத்தில் வெளியிடுகிறது. அது போல உள்ளாட்சித் தேர்தலுக்கான வாக்காளர் பட்டியலையும் இணையதளத்தில் வெளியிட்டால் வாக்காளர்களுக்கு பெரும் உதவியாக இருக்கும்.

தேர்தலில் போட்டியிடும் வேட்பாளர்கள் குறித்து வாக்காளர்கள் அறிந்து கொள்வது அடிப்படை உரிமை என உச்சநீதிமன்றம் ஏற்கனவே பல வழக்குகளில் கூறியுள்ளது. இந்திய தேர்தல் ஆணையம், அனைத்து வேட்பாளர்களின் வேட்புமனுக்களையும் இணையத்தில் பதிவேற்றம் செய்வது போல் தமிழக தேர்தல் ஆணையம் செய்வதில்லை.  எனவே, வரும் உள்ளாட்சித் தேர்தலுக்கான வாக்காளர் பட்டியல், வேட்பாளர்களின் வேட்பு மனுக்கள், தகுதி நீக்கம் செய்யப்பட்டவர்களின் விவரங்கள் உள்ளிட்ட உள்ளாட்சி தேர்தல் தொடர்பான நடவடிக்கைகளை தமிழ்நாடு மாநில தேர்தல் ஆணைய இணையதளத்தில் பதிவேற்றம் செய்ய உத்தரவிட வேண்டும். இவ்வாறு மனுவில் கூறப்பட்டுள்ளது. இந்த மனுவை நீதிபதிகள் எம்.சத்யநாராயணன், பி.புகழேந்தி ஆகியோர் நேற்று விசாரித்தனர். அரசு தரப்பில் ‘உள்ளாட்சித் தேர்தலில் போட்டியிடும் வேட்பாளர்களின் எண்ணிக்கை அதிகம். தற்போது வெப்சைட்டில் உள்ளாட்சி அமைப்புகள், வார்டு வரையறை தொடர்பான விவரங்களை பதிவேற்றம் செய்ய நடவடிக்கை எடுத்து வருகிறோம்’ என தெரிவிக்கப்பட்டது. இதையடுத்து, தமிழக தேர்தல் ஆணையத்தின் சார்பில் பதில் மனு தாக்கல் செய்ய உத்தரவிட்ட நீதிபதிகள், விசாரணையை ஜூலை 16க்கு தள்ளி வைத்தனர்.


மேலும் செய்திகள்

Like Us on Facebook Dinkaran Daily News
  • 22-09-2019

    22-09-2019 இன்றைய சிறப்பு படங்கள்

  • 21-09-2019

    21-09-2019 இன்றைய சிறப்பு படங்கள்

  • aljemerss_nadai11

    உலக அல்ஜீமர்ஸ் தினம் : சேத்துப்பட்டு பசுமை பூங்காவில் மெமரி வாக் விழிப்புணர்வு நடைபயணம்

  • china20

    சீனாவின் நடைபெற்ற கருப்பொருள் ஒப்பனை தயாரிப்பு கண்காட்சி: அலங்காரப் பொருட்கள், பொம்மைகள் காட்சிக்கு வைப்பு

  • bo20

    ஆப்கானிஸ்தானில் மருத்துவமனை அருகே குண்டு வெடிப்பு: 20 பேர் பலி, 95 பேர் படுகாயம்

படங்கள் வீடியோ கல்வி சினிமா ஜோ‌திட‌ம்