SUN குழுமத்திலிருந்து வெளிவரும் காலை நாளிதழ்

தமிழகத்தில் குடிநீர் பிரச்சனை : ஜூன் 22 முதல் அமைதியான முறையில் திமுக ஆர்ப்பாட்டம்

2019-06-19@ 19:58:03

சென்னை : தமிழகத்தில் தண்ணீர் பிரச்னையை தீர்க்க ஜூன் 22 முதல் மாவட்ட வாரியாக திமுக தொடர் போராட்டம் நடத்தப்போவதாக மு.க.ஸ்டாலின் அறிவித்துள்ளார். இது குறித்து திமுக மாவட்டச் செயலாளர்களுக்கு அக்கட்சியின் தலைவர் மு.க.ஸ்டாலின் வேண்டுகோள் விடுத்துள்ளார். தமிழ்நாட்டில் ஏற்பட்டுள்ள தண்ணீர் பஞ்சத்தை எடப்பாடி அரசின் கவனத்துக்கு கொண்டுசெல்லும் வகையில் இந்த போராட்டம் முடிவு செய்யப்பட்டுள்ளது.

மேலும் கூறிய அவர்; உள்ளாட்சித்துறை அமைச்சரின் அக்கறையற்ற தன்மையால் குடிநீரின்றி மக்கள் அவதிப்பட்டு வருவதாக தெரிவித்தார். தமிழகத்தில் தண்ணீர் பஞ்சமே இல்லை என அமைச்சர் வேலுமணி கூறுவது முழுப் பூசணிக்காயை சோற்றில் மறைப்பது போல் உள்ளது. தமிழகத்தில் தண்ணீர் பஞ்சம் தலைவிரித்தாடுகிறது; அமைச்சர் வேலுமணி கூறுவதுபோல் நிலைமை இல்லை என்று கூறினார். மேலும் தமிழகம் முழுவதும் பல்வேறு இடங்களில் மக்கள் குடிநீர் இன்று அவதிப்படும் அவலநிலை ஏற்பட்டுள்ளது.

இதனால் குடிநீர் பிரச்னைக்கு தீர்வு காணும் வகையில் தண்ணீர் பஞ்சம் நிலவும் இடங்களில் போராட்டம் நடத்தப்படும். மேலும் திமுக மாவட்டச் செயலாளர்கள் ஆங்காங்கே அமைதியான முறையில் ஆர்ப்பாட்டங்களை நடத்துமாறு கட்சித் தலைவர் மு.க.ஸ்டாலின் அறிவுரை கூறியுள்ளார்.


மேலும் செய்திகள்

Like Us on Facebook Dinkaran Daily News
  • 03-07-2020

    03-07-2020 இன்றைய சிறப்பு படங்கள்

  • petroLLL

    பெட்ரோல், டீசல் விலை உயர்வைக் கண்டித்து நாடு முழுவதும் காங்கிரஸ் போராட்டம்!!

  • pakisthN_11

    கராச்சி பங்குச்சந்தை அலுவலகத்தில் பயங்கரவாதிகள் தாக்குதல் : 6 பேர் பலி ; 4 தீவிரவாதிகள் சுட்டுக் கொலை!!!

  • mask_glovbeess1

    கடலுக்கு அடியில் குவியும் மாஸ்க், கையுறைகள் : கடல்வாழ் உயிரினங்களுக்கு கெடுதல் விளைவிக்கும் அபாயம்!!

  • 26-06-2020

    26-06-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்