SUN குழுமத்திலிருந்து வெளிவரும் காலை நாளிதழ்

புதுச்சேரி ஜிப்மர் மருத்துவமனையில் நிபா வைரஸ் காய்ச்சல் அறிகுறியுடன் கூலி தொழிலாளி ஒருவர் அனுமதி

2019-06-18@ 14:46:43

புதுச்சேரி : புதுச்சேரி ஜிப்மர் மருத்துவமனையில் நிபா வைரஸ் காய்ச்சல் அறிகுறியுடன் கூலி தொழிலாளி ஒருவர் அனுமதிக்கப்பட்டுள்ளார்.  கடலூர் மாவட்டத்தை சேர்ந்த இவருக்கு நிபா வைரஸ் பாதிப்பு இருக்குமோ என்ற சந்தேகம் ஏற்பட்டது. இதன் அடைப்படையில் அவருக்கு பரிசோதனை மேற்கொள்ளப்பட்டு வருகிறது. கடலூர் மாவட்டம் காட்டுமன்னார்கோவில் பூவிழுந்த நல்லூரைச் சேர்ந்தவர் ராமலிங்கம், இவர் கூலி தொழிலாளி ஆவர். இவர் கேரளாவில் வேலை பார்த்து கொண்டிருந்தார்.

அப்போது கடந்த சில நாட்களுக்கு முன்பு அவருக்கு கடுமையான காய்ச்சல் ஏற்பட்டுள்ளது.
இதனையடுத்து அவரது சொந்த ஊரான பூவிழுந்த நல்லூருக்கு வந்து கடலூரில் உள்ள ஒரு தனியார் மருத்துவமனையில் சிகிச்சை பெற்றார். பின்னர் காட்டுமன்னார் கோவில் அரசு மருத்துவமனையில் அனுமதிக்கப்பட்ட அவருக்கு நிபா வைரஸ் தொற்று இருக்கலாம் என்று மருத்துவர்கள் சந்தேகித்தனர். இதனையடுத்து மருத்துவர்களின் அறிவுறுத்தலின் பேரில் மேல்சிகிச்சைக்காக கூலி தொழிலாளி ஜிப்மர் மருத்துவமனையில் அனுமதிக்கப்பட்டார்.

இதையடுத்து அவர் தனி பிரிவில் வைக்கப்பட்டு மருத்துவர்களின் தீவிர கண்காணிப்பில் உள்ளார். மேலும் அவருக்கு நிபா வைரஸ் உள்ளதா என்பதை உறுதி செய்ய அவரது ரத்த மாதிரிகள்  சேகரிக்கப்பட்டு புனே மருத்துவ ஆராய்ச்சிக்கு அனுப்பி வைக்கப்பட உள்ளது. அதன் முடிவுகள் கிடைக்க பெற்ற பிறகே அவருக்கு நிபா வைரஸ் தொற்று உள்ளதா என்பது தெரிய வரும். கடந்த சில நாட்களுக்கு முன்னர் கேரளாவில் பணியாற்றிய கடலூர் மாவட்ட கூலி தொழிலாளி ஒருவர் நிபா வைரஸ் காய்ச்சல் அறிகுறியுடன் ஜிப்மர் மருத்துவமனையில் அனுமதிக்கப்பட்டதும் பின்னர் அவருக்கு நிபா வைரஸ் இல்லை என உறுதி செய்யப்பட்டதும் குறிப்பிடத்தக்கது.  


மேலும் செய்திகள்

Like Us on Facebook Dinkaran Daily News
  • SicilyMountEtna22

    சிசிலி தீவில் வெடித்து சிதறிய ஐரோப்பாவின் மிகப்பெரிய எரிமலையான மவுண்ட் எட்னா: தீப்பிழம்புகளை கக்கிய புகைப்படங்கள்

  • IcelandPilotWhale

    ஐஸ்லாந்தில் இறந்து கரை ஒதுங்கிய 50க்கும் மேற்பட்ட பைலட் திமிங்கலங்கள்: அதிர்ச்சியூட்டும் புகைப்படங்கள்

  • RainInChennai227

    சென்னை மற்றும் புறநகர் பகுதிகளில் பரவலாக பெய்த மழை: குளிர்ந்த வானிலையில் மகிழ்ச்சியோடு பள்ளி சென்ற மாணவர்கள்

  • HeatWaveBakesUS

    அமெரிக்காவை வாட்டி வதைக்கும் வெயில் மற்றும் அனல் காற்று: செயற்கை நீர்நிலைகளை நோக்கி படையெடுக்கும் மக்கள்!

  • DeraTalibanAttack

    பாகிஸ்தானில் தாலிபான் தீவிரவாதிகள் நடத்திய அடுத்தடுத்த தாக்குதல்..: 9 பேர் பலி, 30 பேர் படுகாயம்- புகைப்படங்கள்

படங்கள் வீடியோ கல்வி சினிமா ஜோ‌திட‌ம்