SUN குழுமத்திலிருந்து வெளிவரும் காலை நாளிதழ்

நாடாளுமன்றம் இன்று கூடும் நிலையில் மக்களவை காங்கிரஸ் தலைவர் இன்னும் முடிவு செய்யப்படவில்லை: எதிர்க்கட்சிகளை ஒருங்கிணைப்பதில் சிக்கல்

2019-06-17@ 00:57:15

புதுடெல்லி: நாடாளுமன்ற கூட்டம் இன்று தொடங்கும்நிலையில், மக்களவை காங்கிரஸ் தலைவர் யார் என இன்னும் முடிவு செய்யப்படவில்லை. இதேபோல் மற்ற எதிர்க்கட்சிகளும் தங்களின் மக்களவை தலைவர் யார் என அறிவிக்கவில்லை. மத்தியில் பாஜ அரசு மீண்டும் பதவி ஏற்றபின், முதல் நாடாளுமன்ற கூட்டத்ெதாடர் இன்று தொடங்குகிறது. கடந்த மக்களவையில் காங்கிரஸ் தலைவராக மல்லிகார்ஜூன கார்கே இருந்தார். ஆனால் அவர் இந்த முறைதேர்தலில் தோல்வியடைந்துவிட்டார். தேர்தல் முடிவுகள் வெளியாகி, பாஜ தனிப்பெரும்பான்மையுடன் வெற்றி பெற்றபின், எதிர்க்கட்சிகள் ஒன்றுகூடி ஆலோசிக்கவில்லை. காங்கிரஸ் கட்சியில் மக்களவை காங்கிரஸ் தலைவர் யார் என அறிவிக்கப்படவில்லை. காங்கிரஸ் தலைவராக ராகுல் தொடர்ந்து நீடிப்பார் என அறிவிக்கப்பட்டுள்ளதால், அவர் மக்களவை காங்கிரஸ் தலைவராக வாய்ப்பில்லை.

மத்திய அரசு நேற்று நடத்திய, அனைத்துக் கட்சி கூட்டத்தில் காங்கிரஸ் சார்பில் மாநிலங்களவை எதிர்க்கட்சி தலைவர் குலாம்நபி ஆசாத்துடன், மேற்குவங்க காங்கிரஸ் தலைவர் அதிர் ரஞ்சன் சவுத்ரி, கேரள காங்கிரஸ் செயல் தலைவர்  சுரேஷ் ஆகியோர் கலந்து கொண்டனர். இதனால் இவர்கள் இருவரில் ஒருவர் மக்களவை காங்கிரஸ் தலைவராக அறிவிக்கப்பட வாய்ப்புள்ளது. இப்பதவிக்கு காங்கிரஸ் செய்தித் தொடர்பாளர் மணீஷ் திவாரி, திருவனந்தபுரத்திலிருந்து 3 முறை தேர்வான எம்.பி சசிதரூர் ஆகியோரும் போட்டியில் உள்ளனர். மக்களவை காங்கிரஸ் தலைவர் பதவி அளிக்கப்பட்டால், அதை ஏற்க தயார் என சசிதரூர் ஏற்கனவே அறிவித்துள்ளார். இதேபோல் மற்ற எதிர்க்கட்சிகளிலும் மக்களவை தலைவர் யார் என அறிவிக்கப்படவில்லை. இதனால் மக்களவையில், அரசு தரப்புக்கு எதிராக செயல்படும்போது, எதிர்க்கட்சிகளை ஒருங்கிணைப்பதில் ஒழுங்கற்ற நிலை காணப்படுகிறது. எதிர்கட்சிகள் அனைத்தும் மக்களவை தலைவர்களை அறிவித்தபின், எதிர்கட்சிகளின் கூட்டம் நடத்தப்படும் என காங்கிரஸ் மூத்த தலைவர் ஒருவர் கூறியுள்ளார்.


மேலும் செய்திகள்

Like Us on Facebook Dinkaran Daily News
  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

  • rp23

    நாடு முழுவதும் முழுவீச்சில் நடைபெற்று வரும் குடியரசு தினவிழா ஒத்திகை நிகழ்ச்சியின் கண்கவர் படங்கள்

  • thai_ammamam

    தை அமாவாசை : ராமேஸ்வரம், காவிரி உள்ளிட்ட நீர்நிலைகளில் புனித நீராடி, முன்னோர்களுக்கு தர்ப்பணம் கொடுத்து மக்கள் வழிபாடு

  • mouni_amavaaa1

    வட இந்தியாவில் மவுனி அமாவாசை : திரிவேணி சங்கமத்தில் லட்சக்கணக்கானோர் புனித நீராடி, தங்களது முன்னோர்களுக்கு தர்பணம் கொடுத்து வழிபாடு

படங்கள் வீடியோ கல்வி சினிமா ஜோ‌திட‌ம்