SUN குழுமத்திலிருந்து வெளிவரும் காலை நாளிதழ்

இலங்கையில் இருந்து கடத்தி வந்த ரூ.45 லட்சம் மதிப்பு தங்கம் பறிமுதல்: 4 பெண்கள் பிடிபட்டனர்

2019-06-17@ 00:56:19

மீனம்பாக்கம்:  இலங்கையில் இருந்து ஸ்ரீலங்கன் ஏர்லைன்ஸ் பயணிகள் விமானம் நேற்று காலை 8.30 மணிக்கு சென்னை சர்வதேச விமான நிலையத்திற்கு வந்தது. அதில் வந்த பயணிகளை விமான நிலைய சுங்கத்துறை அதிகாரிகள் சோதனையிட்டனர். அப்போது இலங்கையை சேர்ந்த குகப்பிரியா (31), சுபாஷினா (39), நாகேஸ்வரி (43), அஸ்ரா (41) ஆகிய 4 பெண்கள் ஒரு குழுவாக இலங்கைக்கு சுற்றுலா பயணியாக சென்று விட்டு சென்னைக்கு திரும்பி வந்தனர். இவர்கள் மீது அதிகாரிகளுக்கு சந்தேகம் ஏற்பட்டது. அவர்களை நிறுத்தி விசாரணை நடத்தினர். அவர்கள் முன்னுக்குப்பின் முரணாக பதில் கூறினர். இதையடுத்து சுங்க அதிகாரிகள் இவர்கள் வைத்திருந்த கைப்பைகளை சோதனையிட்டனர். அவற்றில் கொத்து, கொத்தாக தங்க செயின்கள் மறைத்து வைத்திருந்ததை கண்டு பிடித்தனர். அவைகளை பறிமுதல் செய்தனர்.

மேலும் பெண் சுங்க அதிகாரிகள் மூலம் 4 பெண்களையும் தனி அறைக்கு அழைத்து சென்று சோதனையிட்டனர். அப்போது, அவர்களது உள் ஆடைக்குள் தங்க கட்டிகள், தங்க வளையல்கள், கை செயின்கள் போன்றவைகள் மறைத்து வைத்திருந்ததை கண்டுபிடித்து பறிமுதல் செய்தனர். இந்த 4 பெண்களிடம் இருந்தும் மொத்தம் 1.4 கிலோ தங்க ெசயின்கள் மற்றும் தங்க கட்டிகளை சுங்க அதிகாரிகள் பறிமுதல் செய்தனர். இதன் சர்வதேச மதிப்பு ₹45 லட்சம். இதையடுத்து 4 பேரையும் கைது செய்து விசாரணை நடத்தி வருகின்றனர்.


மேலும் செய்திகள்

Like Us on Facebook Dinkaran Daily News
  • UkraineCoronaProtest

    கொரோனாவால் பாதிக்கப்பட்டுள்ள சீனாவில் இருந்து மக்களை அழைத்து வந்ததற்கு எதிர்ப்பு: உக்ரைனில் வெடித்தது போராடடம்!

  • puthu2020

    அமெரிக்க அதிபர் ட்ரம்ப் தங்குவதற்காக டெல்லி மௌரியா ஹோட்டலில் ஆடம்பரமாகத் தயார் செய்யப்பட்டுள்ள பிரெசிடென்ட் சூட்!!

  • rayil21

    ஆஸ்திரேலியாவில் நொடி பொழுதில் தரம்புரண்ட பயணிகள் ரயில்: 2 பேர் பலி...ஏராளமானோர் படுகாயம்!

  • coronaa_vugaan11

    கொரொனா வைரஸ் வராம பின்ன என்ன வரும்? - பறவைகள், முயல்கள், வெளவால்கள், பாம்புகள் விற்கப்படும் வுஹான் கடல் உணவு சந்தை!!!

  • pakistan21

    பெங்களூருவில் நடைபெற்ற குடியுரிமை சட்டத்திற்கு எதிரான பேரணியில் 'பாகிஸ்தான் ஜிந்தாபாத்' என்று கோஷம் போட்ட பெண் கைது: போலீசார் அதிரடி!

படங்கள் வீடியோ கல்வி சினிமா ஜோ‌திட‌ம்