SUN குழுமத்திலிருந்து வெளிவரும் காலை நாளிதழ்

மீன்பிடி தடைக்காலம் நிவாரண தொகையாக மீனவர்களின் குடும்பங்களுக்கு தலா ரூ.5000 நிதியுதவி: தமிழக அரசு அறிவிப்பு

2019-06-16@ 18:11:15

சென்னை: மீன்பிடி தடைக்காலம் நிவாரண தொகையாக மீனவர்களின் குடும்பங்களுக்கு தலா ரூ.5000 நிதியுதவி வழங்கப்படும் என தமிழக அரசு  தெரிவித்துள்ளது. தமிழக கடலில் ஏப்.15-ம் தேதி முதல் ஜூன் 14-ம் தேதி வரை மீன்பிடி தடைகாலம் அமலில் இருந்தது. இதனால் மன்னார்  வளைகுடா, பாக்ஜலசந்தி, வங்கக்கடலில் மீன்பிடிக்க செல்லும் 10 ஆயிரம் விசைப்படகுகள் பாதுகாப்பாக கரை நிறுத்தப்பட்டன. மேலும், 2 லட்சம்  மீனவர்கள் வேலை இழந்து மாற்றுத்தொழில் ஈடுபட்டனர். ஜூன் 14ம் தேதி நள்ளிரவு 12 மணியுடன் மீன்பிடி தடை விலகியதால், மீனவர்கள்  வழக்கம்போல் கடலுக்கு மீன்பிடிக்க சென்றனர்.

ராமேஸ்வரம், பாம்பன், மண்டபம் உள்ளிட்ட பகுதிகளை சேர்ந்த 1500க்கும் அதிகமாக விசைப்படகுகளில் ஏராளமான மீனவர்கள் நேற்று முன்தினம்  கடலுக்கு மீன்பிடிக்க சென்றனர். பாக்ஜலசந்தி கடலில் நேற்று முழுவதும் மீன்பிடித்து விட்டு இன்று காலை படகுகள் கரை திரும்பின. படகுகளில்  தலா 300 கிலோ முதல் 800 கிலோ வரை இறால் மீன்பாடு இருந்தது. மேலும் கடல்நண்டு, கனவாய் உள்பட பல வகையான மீன்கள் கிடைத்தன.  பல்வேறு பகுதிகளில் இருந்து வந்த மீன் வியாபாரிகள் மீன்களை போட்டிபோட்டுக் கொண்டு அள்ளி சென்றனர்.

இதனால் கரை திரும்பிய மீனவர்கள் மகிழ்ச்சி அடைந்தனர். இந்நிலையில் செய்தியாளர்களிடம் பேட்டியளித்த மீன்வளத்துறை அமைச்சர்  ஜெயக்குமார், கடந்த காலத்தை போன்று இந்த ஆண்டும் 1.67 லட்சம் குடும்பங்களுக்கு தலா ரூ.5000 வழங்கப்படும் என்றும் நிவாரணத்தொகையாக  ரூ.83.50 கோடி பயனாளிகளின் வங்கி கணக்கில் வரவு வைக்கப்பட்டுள்ளது என்று கூறினார்.


மேலும் செய்திகள்

Like Us on Facebook Dinkaran Daily News
  • tvmalai

    திருவண்ணாமலை அண்ணாமலையார் கோயில் கார்த்திகை தீபத் திருவிழா

  • tvmalai

    திருவண்ணாமலை அண்ணாமலையார் கோயில் கார்த்திகை தீபத் திருவிழா

  • pslv_rocket111

    ரிசாட்-2பிஆர்1 உள்ளிட்ட 10 செயற்கைகோள்கள் பிஎஸ்எல்வி-சி48 ராக்கெட் மூலம் வெற்றிகரமாக விண்ணில் நிலை நிறுத்தப்பட்டது.

  • sweeden_novbal1

    சுவீடனில் இந்திய பாரம்பரிய உடை அணிந்து நோபல் பரிசு பெற்ற பொருளாதார பேராசிரியர்கள் !!

  • brazil_venom11

    நஞ்சைக் கக்கும் பாம்பிடமிருந்து உயிரைக் காக்கும் மருந்து தயாரிக்கும் பிரேசில் ஆய்வாளர்கள்

படங்கள் வீடியோ கல்வி சினிமா ஜோ‌திட‌ம்