SUN குழுமத்திலிருந்து வெளிவரும் காலை நாளிதழ்

நிலத்தடி நீர் திருட்டை தடுக்க கோரி பொதுமக்கள் சாலை மறியல்

2019-06-16@ 00:56:02

சென்னை: மாதவரம் அருகே மஞ்சம்பாக்கம் சாலையில் நிலத்தடி நீர் எடுப்பதை தடுக்க கோரி பொதுமக்கள் மறியலில் ஈடுபட்டனர்.  மாதவரம், மாதவரம் பால் பண்ணை, மாத்தூர், மஞ்சம்பாக்கம் போன்ற பகுதிகளில் உள்ள மாந்தோப்புகளில் தனியார் சிலர் ஆழ்துளை கிணறுகள் அமைத்து ராட்சத மோட்டார்கள் மூலம் நிலத்தடி நீரை எடுக்கின்றனர். பின்னர்  லாரிகளில் நிரப்பி சென்னையில் உள்ள நட்சத்திர ஓட்டல்கள், திருமண மண்டபங்களுக்கு அதிக விலைக்கு விற்பனை செய்து வருகின்றனர்.  இந்நிலையில் இப்படி நிலத்தடி நீரை ஆழ்துளை கிணறுகள் அமைத்து திருடுவதால் சுற்றுவட்டாரத்தில் நிலத்தடி நீர் பாதிக்கப்படுவதாக கூறி அப்பகுதியை சேர்ந்த பொதுமக்கள் போராட்டங்களை நடத்தி வருகின்றனர். மேலும், இது சம்பந்தமாக கலெக்டர், தாசில்தார், காவல்துறை, குடிநீர் வழங்கல் வாரியம் ஆகியோருக்கு பல பலமுறை புகார் கொடுத்தும் அதிகாரிகள் எந்த நடவடிக்கையும் எடுக்கவில்லை.

எனவே, நிலத்தடி நீர் திருட்டை தடுக்க நடவடிக்கை எடுக்காத அதிகாரிகளை கண்டித்து பொதுமக்கள் ஆர்ப்பாட்டம் நடத்த திட்டமிட்டு மாதவரம் அருகே உள்ள மாத்தூர் கிராம நிர்வாக அலுவலகத்திற்கு முன்பு ஒன்று கூடினர்.  பின்னர் திடீரென்று மஞ்சம்பாக்கம் சாலையில் மறியலில் ஈடுபட்டனர். போராட்டக்காரர்களுக்கு ஆதரவாக சமூக ஆர்வலர் பழனி மற்றும் பல்வேறு பொதுநல சங்கங்களும் பங்கேற்றன. இதனால் போக்குவரத்து பாதிக்கப்பட்டது. ‘தகவல் அறிந்த மாதவரம் பால்பண்ணை போலீசார் சம்பவ இடத்திற்கு விரைந்து வந்து ஆர்ப்பாட்டக்காரர்களிடம் பேசி நடவடிக்கை எடுப்பதாக சமாதானம் செய்ததை தொடர்ந்து போராட்டத்தை கைவிட்டு கலைந்து சென்றனர். 


மேலும் செய்திகள்

Like Us on Facebook Dinkaran Daily News
  • vagaidamflood

    பாசனத்திற்கு திறந்துவிடப்பட்ட தண்ணீரால் வைகை ஆற்றில் வெள்ளப்பெருக்கு... 2 தரைப்பாலங்கள் மூழ்கியது!

  • bangladeshtrain

    வங்கதேசத்தில் இரண்டு எக்ஸ்பிரஸ் ரயில்கள் நேருக்கு நேர் மோதி பயங்கர விபத்து: 16 பேர் பலியான சோகம்!

  • wildfireaus

    காட்டுத்தீ காரணமாக அபாய நிலையை எட்டியுள்ள ஆஸ்திரேலியா: பேரழிவு காரணமாக அவசரநிலை பிரகடனம்

  • hongkongprofire

    ஹாங்காங் போராட்டத்தில் அதிர்ச்சி சம்பவம்: வாக்குவாதத்தில் ஈடுபட்ட நபருக்கு தீ வைத்த போராட்டக்காரர்கள்

  • chicagosnow

    பனிப்பொழிவின் உச்சத்தில் சிகாகோ: 6 அங்குலத்திற்கு பனிப்போர்வை படர்ந்து காட்சியளிக்கும் நகரம்

படங்கள் வீடியோ கல்வி சினிமா ஜோ‌திட‌ம்