SUN குழுமத்திலிருந்து வெளிவரும் காலை நாளிதழ்

ஜேஇஇ தேர்வில் முதல் ஆயிரம் மாணவர்களில் 30 பேர் மட்டுமே தமிழக மாணவர்கள்

2019-06-16@ 00:19:52

சென்னை: ஜேஇஇ அட்வான்ஸ்ட் தேர்வில் முதல் ஆயிரம் மாணவர்களில் தமிழகத்தைச் சேர்ந்தவர்கள் 30 பேர் மட்டுமே தேர்வாகியுள்ளனர். நாடு முழுவதும் உள்ள 23 ஐஐடிக்களில் உள்ள 10,500 இன்ஜினியரிங் இடங்களுக்கான மாணவர் சேர்க்கைக்கு ஜேஇஇ நுழைவுத்தேர்வு நடத்தப்பட்டு வருகிறது. தமிழகத்தை பொறுத்தவரை, ஜேஇஇ தேர்வை விட, நீட் தேர்வு எழுதி மருத்துவம் படிக்கவே தமிழகத்தில் அதிக போட்டி நிலவுகிறது. அதனால் தமிழகத்தில் ஜேஇஇ தேர்வை விட நீட் தேர்வு எழுதுபவர்களின் எண்ணிக்கை அதிகம். அதே போல் ஜேஇஇ தேர்வில் தமிழக மாணவர்கள் பெரிய அளவில் ஆர்வம் காட்டாத நிலையில், பிளஸ் 2 மதிப்பெண் அடிப்படையிலான இன்ஜினியரிங்கில் சேர இந்த ஆண்டு ஒரு லட்சத்து 33 ஆயிரத்து 116 பேர் விண்ணப்பித்துள்ளனர். இந்நிலையில் ேஜஇஇ (அட்வான்ஸ்ட்) நுழைவுத்தேர்வு முடிவுகள் நேற்று முன்தினம் வெளியானது. 1,61,319 பேர் ஜேஇஇ (அட்வான்ஸ்ட்) தேர்வு எழுதிய நிலையில், அதில் 38,705 பேர் ஐஐடி மாணவர் சேர்க்கைக்கு இணையதளத்தில் விண்ணப்பிக்க தகுதிபெற்றுள்ளனர்.

தகுதிபெற்றவர்களில் 5,356 பேர் மாணவிகள், 15,566 பேர் பொதுப்பிரிவு மாணவர்கள், 3,636 பேர் பொதுப்பிரிவின்கீழ் பொருளாதார ரீதியாக பின்தங்கிய முற்பட்ட வகுப்பினருக்கான இடஒதுக்கீடு கோருபவர்கள், 8,758 பேர் எஸ்சி பிரிவு மாணவர்கள், 3,094 பேர் எஸ்டி பிரிவு மாணவர்கள். அதில் முதல் ஆயிரம் பேரில் 30 பேர் மட்டுமே தமிழக மாணவர்கள் என்ற தகவல் தற்போது வெளியாகியுள்ளது. அதே போல் 7 மண்டலங்களாக பிரிக்கப்பட்டு நடத்தப்படும் ஜேஇஇ தேர்வில், எந்த மண்டலத்திலும் தமிழகத்தை சேர்ந்த மாணவர்கள் யாரும் முதல் 5 இடங்களில் வரவில்லை.  தமிழக அளவில் முதலிடம் பிடித்த சென்னை மாணவர் பிரஜித் அகில இந்திய அளவில் 33ம் இடம் பெற்றுள்ளார்.


மேலும் செய்திகள்

Like Us on Facebook Dinkaran Daily News
  • KimHorseRide1610

    பயேக்டு பனிமலைகளுக்கு இடையே வெள்ளைக் குதிரையில் பவனி வந்த வடகொரிய அதிபர் கிம் ஜாங் உன்: புகைப்படத்தொகுப்பு

  • NASASpaceSuit

    நிலவு பயணத்தில் பங்கேற்கும் விண்வெளி வீரர்களுக்கான 2 நவீன விண்வெளி உடைகள்: நாசா அறிமுகம்- புகைப்படங்கள்

  • AirQualityDelhi1610

    அண்டை மாநிலங்களில் எரிக்கப்படும் வேளாண் கழிவுகளால் டெல்லியில் நாளுக்கு நாள் அதிகரிக்கும் காற்று மாசு: புகைப்படங்கள்

  • CatalanSpainProtest

    கட்டலான் தலைவர்களின் சிறைத்தண்டனைக்கு எதிர்ப்பு..: ஸ்பெயினின் பல்வேறு இடங்களில் வெடித்தது போராட்டம்!

  • LebanonWildFire1610

    கடுமையான வெப்பம் மற்றும் அனல் காற்றினால் லெபனானில் வரலாறு காணாத காட்டுத்தீ..: சர்வதேச நாடுகள் உதவ கோரிக்கை!

படங்கள் வீடியோ கல்வி சினிமா ஜோ‌திட‌ம்