SUN குழுமத்திலிருந்து வெளிவரும் காலை நாளிதழ்

ரவுடி வல்லரசு என்கவுன்டர் தொடர்பாக விசாரணை அதிகாரியாக பொன்னேரி நீதிமன்ற நடுவர் விஜயலட்சுமி நியமனம்

2019-06-15@ 15:30:24

சென்னை : சென்னையில் ரவுடி வல்லரசு என்கவுன்டர் தொடர்பாக விசாரணை அதிகாரியாக பொன்னேரி 2-ம் நீதிமன்ற நடுவர் விஜயலட்சுமி நியமிக்கப்பட்டார். முன்னதாக சென்னை வியாசர்பாடியில் பல கொலை வழக்கில் தொடர்புடைய ரவுடி வல்லரசு சுட்டுக்கொலை செய்யப்பட்டார். வியாசர்பாடி எம்.என்.கார்டன் பகுதியில், பல்வேறு குற்றவழக்குகளில் தேடப்பட்டு வரும் ரவுடிகள் வல்லரசு உள்ளிட்டோர் இருப்பதாக போலீசாருக்கு தகவல் கிடைத்தது. இதனையடுத்து வியாசர்பாடி காவல் நிலையத்தில் பணிபுரியும் முதல்நிலை காவலரான பவுன்ராஜ், சக காவலர்களுடன் சென்று ரவுடிகளை கைது செய்ய முயற்சித்துள்ளார். அப்போது கூட்டாளிகளுடன் இருந்த பிரபல ரவுடி வல்லரசு, காவலர் பவுன்ராஜை பயங்கர ஆயுதங்களை கொண்டு சரமாரியாக வெட்டியுள்ளார். இதில் காவல் ஆய்வாளர் பவுன்ராஜ் படுகாயமடைந்து சம்பவ இடத்திலேயே சாய்ந்து விழுந்தார்.

இதனையடுத்து உடனடியாக காவலர்கள் எதிர்தாக்குதல் நடத்தினர். மாதவரம் பேருந்து நிலையம் அருகே கூட்டாளிகளுடன் பதுங்கியிருந்த வல்லரசை சுற்றி வளைத்த போது உதவி ஆய்வாளர்களை வெட்டி விட்டு தப்பிக்க முயன்றுள்ளார். இதையடுத்து காவல்துறையினர் 3 முறை துப்பாக்கியால் சுட்டதில் ரவுடி வல்லரசு நிகழ்விடத்திலேயே உயிரிழந்தார். இதனை தொடர்ந்து காவல் ஆய்வாளர் பவுன்ராஜை மீட்ட காவலர்கள், அவரை ஸ்டான்லி மருத்துவமனையின் தீவிர சிகிச்சைப் பிரிவில் சேர்த்தனர். இதனிடையே, தற்காப்புக்காகவே ரவுடி வல்லரசுவை சுட்டுக்கொன்றதாக தாக்குதலுக்குள்ளான காவல் ஆய்வாளர் தெரிவித்திருந்தார். இந்த விவகாரம் தொடர்பாக விசாரிக்க விசாரணை அதிகாரியாக பொன்னேரி 2-ம் நீதிமன்ற நடுவர் விஜயலட்சுமி நியமனம் செய்யப்பட்டுள்ளார். இதையடுத்து ரவுடி வல்லரசுவின் தாய், தந்தை ஆகியோருடன் விசாரணை நடத்தி வருகிறார். மேலும், வல்லரசுவின் உடலை உடற்கூறாய்வு செய்த மருத்துவர் குழுவுடன் விசாரணை நடத்தினார்.


மேலும் செய்திகள்

Like Us on Facebook Dinkaran Daily News
  • 20-07-2019

    20-07-2019 இன்றைய சிறப்பு படங்கள்

  • hotairballoonchina

    சீனாவில் நடைபெற்ற ராட்சத பலூன் போட்டி: சுமார் 100 பலூன்கள் ஒரே சமயத்தில் வானுயர பறந்த காட்சிகள்

  • CornwallJellyfishEncounter

    இங்கிலாந்தில் ஆளுயரத்திற்கு வளர்ந்துள்ள பிரம்மாண்டமான ஜெல்லி மீன்..: ஆச்சரியமூட்டும் புகைப்படங்கள்

  • newzealandexplosion

    எரிவாயு கசிவு காரணமாக நியூஸிலாந்தில் வீடு ஒன்று வெடித்து சிதறி தரைமட்டம்: 6 பேருக்கு படுகாயம்!

  • apollo

    புளோரிடாவில் மனிதன் நிலவில் கால்பதித்த 50-ம் ஆண்டு நிகழ்வு கொண்டாட்டம்: விண்வெளி வீரர்கள் சிலைகள் பார்வைக்கு வைப்பு

படங்கள் வீடியோ கல்வி சினிமா ஜோ‌திட‌ம்