SUN குழுமத்திலிருந்து வெளிவரும் காலை நாளிதழ்

ஒரே நாளில் 312 அதிகரிப்பு தங்கம் விலை மீண்டும் உச்சம் ஒரு சவரன் 25,288ஐ எட்டியது

2019-06-15@ 00:08:11

சென்னை: ஆபரண தங்கம் விலை நேற்று ஒரே நாளில் சவரனுக்கு 312 அதிகரித்து, மீண்டும் 25,000ஐ தாண்டியது. மேலும் விலை உயர வாய்ப்புகள் உள்ளன.  கடந்த ஆண்டில் சவரன் 23,000 என்ற அளவிேலயே இருந்த ஒரு சவரன் ஆபரண தங்கம், தீபாவளி நெருங்கும் முன்பு 24,000ஐ தாண்டியது. கடந்த ஜனவரி வரை 24,000க்கு மேல்தான் இருந்தது. ஜனவரி இறுதியில், அதாவது, 28ம் தேதி வர்த்தக முடிவில் சவரன் 25,016க்கு விற்கப்பட்டது. அதன்பிறகு மார்ச் மாதம் 2ம் தேதி வரை தங்கம் சவரன் 25,000க்கு மேல் நீடித்தது. அதன் பிறகுதான் குறையத்தொடங்கியது. தங்கம் விலை கடந்த மாதத்தில் பெரும்பாலான நாட்கள் சரிவைேய சந்தித்தது. கடந்த மாதம் 2ம் தேதி சவரனுக்கு 288, 20ம் தேதி 272 சரிந்தது. கடந்த மாதம் 31ம் தேதி 248 உயர்ந்தது. இவையே கடந்த மாதத்தில் தங்கம் விலையில் ஏற்பட்ட பெரிய மாற்றங்கள்.

ஆனால் கடந்த 8ம் தேதி முதல் முறையாக ஒரு சவரன் 25 ஆயிரத்தை தாண்டி 25,136 என்ற புதிய உச்சத்தை தொட்டது. ஆனாலும், நகை பிரியர்களுக்கு ஆறுதல் அளிக்கும் வகையில் கடந்த 10ம் தேதி சவரனுக்கு 248 குறைந்து 24,888க்கும், அடுத்த நாள் 112 குறைந்து 24,776க்கும் விற்கப்பட்டது. அதன்பிறகு கடந்த 12ம் தேதி முதல் தங்கம் விலை மீண்டும் உயரத் தொடங்கியது. அன்றைய தினம் சவரனுக்கு 176, அடுத்த நாளில் 24 என உயர்ந்து 25,000ஐ நெருங்கியது. 2 நாள் சரிவுக்கு பிறகு மீண்டும் விலை உயரும் என நகை வியாபாரிகள் எதிர்பார்த்தது போலவே, தங்கம் விலை நேற்று காலை முந்தைய நாளை விட சவரனுக்கு 184 உயர்ந்து 25,160க்கும், மாலையில் 312 உயர்ந்து 25,288க்கும் விற்பனையானது.

 இதுகுறித்து சென்னை தங்கம் மற்றும் வைர வியாபாரிகள் சங்க தலைவர் ஜெயந்திலால் சலானி கூறுகையில், ‘‘சர்வதேச சந்தை நிலவரம்தான் உள்ளூர் சந்தையில் தொடர்ந்து பாதிப்பை ஏற்படுத்தி வருகிறது. சர்வதேச சந்தையில் கடந்த சில நாட்களில் ஒரு அவுன்ஸ் தங்கம் 30 டாலருக்கு மேல் உயர்ந்துள்ளது. இது தவிர, ரூபாய் மதிப்பு சரிவும் காரணம். இந்த நிலைமை நீடிக்கும். வரும் திங்கட்கிழமை தங்கம் விலை சற்று குறையலாம். ஆனால், சர்வதேச சந்தை நிலவரப்படி அதன்பிறகு மீண்டும் உயர்வதற்கான வாய்ப்புகளே உள்ளன என்றார்.


மேலும் செய்திகள்

Like Us on Facebook Dinkaran Daily News
  • 23-07-2019

    23-07-2019 இன்றைய சிறப்பு படங்கள்

  • Chandrayaan2Isro22

    இந்திய விண்வெளியில் புதிய அத்தியாயத்தை எட்டவுள்ள சந்திராயன்-2: வெற்றிகரமாக விண்ணில் செலுத்தப்பட்ட புகைப்படங்கள்

  • DornierAircraftNavy

    இந்திய கடற்படையின் கிழக்கு பிராந்தியதிற்க்காக நாட்டுக்கு அற்பணிக்கப்பட்ட டார்னியர் விமானங்கள்: புகைப்படத் தொகுப்பு

  • SicilyMountEtna22

    சிசிலி தீவில் வெடித்து சிதறிய ஐரோப்பாவின் மிகப்பெரிய எரிமலையான மவுண்ட் எட்னா: தீப்பிழம்புகளை கக்கிய புகைப்படங்கள்

  • IcelandPilotWhale

    ஐஸ்லாந்தில் இறந்து கரை ஒதுங்கிய 50க்கும் மேற்பட்ட பைலட் திமிங்கலங்கள்: அதிர்ச்சியூட்டும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்