SUN குழுமத்திலிருந்து வெளிவரும் காலை நாளிதழ்

அதிகாரத்தை கைப்பற்றுவதற்காக எல்லா வரம்பையும் மீறி விட்டது பாஜ: சோனியா தாக்கு

2019-06-14@ 00:51:42

ரேபரேலி: ‘‘அதிகாரத்தை கைப்பற்றுவதற்காக கண்ணியத்தின் அனைத்து வரம்புகளையும் பாஜ மீறி விட்டது,’’ என சோனியா காந்தி குற்றம்சாட்டினார்.
நடந்து முடிந்த மக்களவை தேர்தலில், 80 தொகுதிகளை கொண்ட உத்தரப் பிரதேச மாநிலத்தில் காங்கிரஸ் ஒரு இடத்தில் மட்டுமே வெற்றி பெற்றது. ரேபரேலியில் ஐமு கூட்டணி தலைவரான சோனியா காந்தி வெற்றி பெற்றார்.

அமேதியில் போட்டியிட்ட காங்கிரஸ் தலைவர் ராகுல் உள்ளிட்ட அனைவரும் தோல்வி அடைந்தனர். இந்த நிலையில், தனது தொகுதி மக்களுக்கு நன்றி தெரிவிக்க சோனியா காந்தி நேற்று முன்தினம் ரேபரேலி சென்றார். அவருடன் கட்சியின் பொதுச் செயலாளரான பிரியங்காவும் உடன் சென்றார்.

அங்கு நடந்த கூட்டத்தில் சோனியா பேசுகையில், ‘‘இம்முறை தேர்தல் நியாயமாக நடந்ததா, இல்லையா என்பதை மக்கள் ஒவ்வொருவரும் அறிவார்கள். அதிகாரத்தை கைப்பற்ற, ஆளும் கட்சியே கண்ணியத்தின் அனைத்து வரம்புகளையும் மீறிவதை விட துரதிஷ்டவசமானது வேறு எதுவும் இல்லை.

கடந்த சில ஆண்டாகவே தேர்தல் நடைமுறையில் பல்வேறு சந்தேகங்கள் கிளம்புகின்றன. எதுவுமே தீயில்லாமல் புகையாது,’’ என்றார். கேரளாவின் வயநாடு தொகுதியில் மக்களுக்கு நன்றி தெரிவிக்க சென்ற ராகுல், பிரதமர் மோடி வெறுப்பையும், சகிப்பின்மையும் பரப்புவதாக  கடுமையாக தாக்கி பேசிய நிலையில் சோனியாவும் பாஜ.வை விமர்சித்திருப்பது குறிப்பிடத்தக்கது.

‘தண்டிப்பேன்’
சோனியாவுடன் ரேபரேலி சென்றிருந்த பிரியங்கா, காங்கிரஸ் நிர்வாகிகள் கூட்டத்தில் பேசியபோது, ‘தேர்தல் வெற்றிக்கு பாடுபடாமல் ஏமாற்றிய நிர்வாகிகளை விரைவில் கண்டுபிடித்து தண்டிப்பேன்,’’ என்றார்.


மேலும் செய்திகள்

Like Us on Facebook Dinkaran Daily News
  • 23-02-2020

    23-02-2020 இன்றைய சிறப்பு படங்கள்

  • theepam2020

    மகாசிவராத்திரியை முன்னிட்டு தி.மலை கோவிலில் ஸ்ரீ லிங்கோத்பவருக்கு சிறப்பு அபிஷேகம்

  • 22-02-2020

    22-02-2020 இன்றைய சிறப்பு படங்கள்

  • UkraineCoronaProtest

    கொரோனாவால் பாதிக்கப்பட்டுள்ள சீனாவில் இருந்து மக்களை அழைத்து வந்ததற்கு எதிர்ப்பு: உக்ரைனில் வெடித்தது போராடடம்!

  • puthu2020

    அமெரிக்க அதிபர் ட்ரம்ப் தங்குவதற்காக டெல்லி மௌரியா ஹோட்டலில் ஆடம்பரமாகத் தயார் செய்யப்பட்டுள்ள பிரெசிடென்ட் சூட்!!

படங்கள் வீடியோ கல்வி சினிமா ஜோ‌திட‌ம்