SUN குழுமத்திலிருந்து வெளிவரும் காலை நாளிதழ்

பெங்களூருவில் 2000 கோடி ரூபாய் மோசடி செய்துள்ள நிதி நிறுவன அதிபர் தற்கொலை செய்ய போவதாக வீடியோ வெளியீடு

2019-06-12@ 12:00:52

பெங்களூரு: பெங்களூருவில் 2000 கோடி ரூபாய் மோசடி செய்துள்ள நிதி நிறுவன அதிபர் முகமத் கான், காங்கிரஸ் எம்.எல்.ஏ. ஒருவர் 400 கோடி ரூபாய் பணத்தை வாங்கி திருப்பி தராததால் தாம் தற்கொலை செய்ய போவதாக அறிவித்துள்ளார். பெங்களூருவில் 2000 கோடி ரூபாய்க்கு மேல் மோசடி செய்ததாக கூறப்படும் நிதி நிறுவனத்தின் உரிமையாளர் தற்கொலை செய்ய போவதாக வீடியோவில் மிரட்டல் விடுத்துள்ளதால் பரபரப்பு நிலவியது. நூற்றுக்கணக்கான முதலீட்டாளர்கள் ஐ.எம்.ஏ. என்ற இஸ்லாமிய வங்கியின் அலுவலகத்தை முற்றுகையிட்டனர். இதனால் அங்கு போலீசார் குவிக்கப்பட்டனர். இந்த நிறுவனம் 2000 கோடி ரூபாய் நிதியை திரட்டியதாக கூறப்படுகிறது. ஆனால் உரிய நேரத்தில் பணத்தை முதலீட்டாளர்களுக்கு திருப்பி தராததால் கடந்த சில மாதங்களாக கடும் சிக்கல் நீடித்து வந்துள்ளது.

மேலும் தங்கள் பணத்தை மீட்டு தர கோரி 4 ஆயிரம் பேர் காவல் துறையில் புகார் அளித்துள்ளனர். இந்த நிலையில் இதன் உரிமையாளரான முகமத் மன்சூர்கான் வெளியிட்ட வீடியோ பதிவில் அரசியல் வாதிகளால் ஏமாற்றப்பட்டதால் தாம் தற்கொலை செய்ய போவதாக தெரிவித்துள்ளார். சிவாஜி நகர் தொகுதியை சேர்ந்த காங்கிரஸ் எம்.எல்.ஏ. ரோஷன்பேக் இந்த நிதி நிறுவனத்திடமிருந்து 400 கோடி ரூபாய் பணத்தை பெற்று திருப்பி கொடுக்கவில்லை என்றும் பணத்தை திருப்பி கேட்ட தம்மை கொலை செய்ய போவதாக ரவுடிகளை அனுப்பி மிரட்டியதாகவும் மன்சூர்கான் குற்றம் சாட்டியுள்ளார்.


மேலும் செய்திகள்

Like Us on Facebook Dinkaran Daily News
  • HalloweenDogParade

    நியூயார்க் நகரில் நடைபெற்ற நாய்களுக்கான ஹாலோவீன் அணிவகுப்பு: விதவிதமான உடைகள் அணிந்து நாய்கள் அசத்தல்!

  • DallasTornado2210

    டெக்சாஸ் மாகாணத்தின் டல்லாஸ் நகரை புரட்டிப்போட்ட சூறாவளிக்காற்று..: சுமார் ஒரு லட்சம் பேர் மின்சாரமின்றி தவிப்பு

  • PacificPalisadesFire

    லாஸ் ஏஞ்சல்ஸ் அருகே உள்ள கடற்கரையோரம் பயங்கர காட்டுத்தீ..: இதுவரை 8,000 ஏக்கர் காடு எரிந்து நாசம்!

  • BeloHorizontePlaneCrash

    பிரேசிலில் குடியிருப்பு பகுதியில் விழுந்த சிறிய ரக விமானம் வெடித்து கோர விபத்து: விமானி உள்பட 3 பேர் பலி

  • NaruhitoEnthronement

    ஜப்பானிய பேரரசராக இன்று முடிசூடினார் நரிஹித்தோ: 180 நாடுகளை சேர்ந்த 2,000 தலைவர்கள் பங்கேற்பு- புகைப்படங்கள்

படங்கள் வீடியோ கல்வி சினிமா ஜோ‌திட‌ம்