SUN குழுமத்திலிருந்து வெளிவரும் காலை நாளிதழ்

விவசாயம் செழிக்க வேண்டி வத்திராயிருப்பில் ஜல்லிக்கட்டு: 300 காளைகள் அவிழ்த்து விடப்பட்டன

2019-05-26@ 19:29:35

வத்திராயிருப்பு: மழை, விவசாயம் செழிக்க வேண்டி வத்திராயிருப்பில் இன்று காலை ஜல்லிக்கட்டு நடந்தது. 300க்கும் மேற்பட்ட காளைகள் அவிழ்த்து விடப்பட்டன.விருதுநகர் மாவட்டம் வத்திராயிருப்பில் மழை, விவசாயம் செழிக்க வேண்டி இன்று ஜல்லிக்கட்டு நடந்தது. காலை 8.30 மணிக்கு துவங்கிய ஜல்லிக்கட்டை சிவகாசி ஆர்டிஓ தினகரன் துவக்கி வைத்தார். வாடிவாசல் வழியாக முதலில் கோயில் காளை அவிழ்த்து விடப்பட்டது. இதன்பின் மதுரை, திருச்சி, வத்திராயிருப்பு, சேதுநாராயணபுரம், கூமாப்பட்டி, கான்சாபுரம் போன்ற ஊர்களில் இருந்து கொண்டு வரப்பட்ட 300 காளைகள் ஒவ்வொன்றாக அவிழ்த்து விடப்பட்டன. சுற்றுக்கு 50 மாடுபிடி வீரர்கள் வீதம் 150 வீரர்கள் களமிறக்கப்பட்டனர்.

வாடிவாசல் வழியாக சீறிப்பாய்ந்த காளைகளை வீரர்கள் அடக்கினர். சில காளைகள் வீரர்களுக்கு போக்கு காட்டி சென்றன. காளைகள் முட்டியதில் 2 பேர் காயமடைந்தனர். பிடிபடாத காளைகள், காளைகளை அடக்கிய வீரர்களுக்கு கட்டில், பீரோ, தங்கம், வெள்ளி நாணயம், அண்டா, மிக்ஸி போன்றவைகள் பரிசாக வழங்கப்பட்டன. திருவில்லிபுத்தூர் டிஎஸ்பி ராஜா, வத்திராயிருப்பு இன்ஸ்பெக்டர் சிவசக்தி, கிருஷ்ணன்கோவில் இன்ஸ்பெக்டர் மூக்கன் தலைமையில் 200க்கும் மேற்பட்ட போலீசார் பாதுகாப்பு பணியில் ஈடுபட்டனர். வத்திராயிருப்பு, திருவில்லிபுத்தூர் மற்றும் சுற்று வட்டார பகுதியில் இருந்து ஏராளமானோர் ஜல்லிக்கட்டை கண்டு ரசித்தனர்.


மேலும் செய்திகள்

Like Us on Facebook Dinkaran Daily News
  • vagaidamflood

    பாசனத்திற்கு திறந்துவிடப்பட்ட தண்ணீரால் வைகை ஆற்றில் வெள்ளப்பெருக்கு... 2 தரைப்பாலங்கள் மூழ்கியது!

  • bangladeshtrain

    வங்கதேசத்தில் இரண்டு எக்ஸ்பிரஸ் ரயில்கள் நேருக்கு நேர் மோதி பயங்கர விபத்து: 16 பேர் பலியான சோகம்!

  • wildfireaus

    காட்டுத்தீ காரணமாக அபாய நிலையை எட்டியுள்ள ஆஸ்திரேலியா: பேரழிவு காரணமாக அவசரநிலை பிரகடனம்

  • hongkongprofire

    ஹாங்காங் போராட்டத்தில் அதிர்ச்சி சம்பவம்: வாக்குவாதத்தில் ஈடுபட்ட நபருக்கு தீ வைத்த போராட்டக்காரர்கள்

  • chicagosnow

    பனிப்பொழிவின் உச்சத்தில் சிகாகோ: 6 அங்குலத்திற்கு பனிப்போர்வை படர்ந்து காட்சியளிக்கும் நகரம்

படங்கள் வீடியோ கல்வி சினிமா ஜோ‌திட‌ம்