SUN குழுமத்திலிருந்து வெளிவரும் காலை நாளிதழ்

'மக்களவை தேர்தலில் தோற்றவர்கள் எல்லாம் தோல்வி அடைந்தவர்கள் அல்ல': மம்தா பானர்ஜி ட்வீட்

2019-05-23@ 16:21:20

கொல்கத்தா: மக்களவை தொகுதியில் தோற்றவர்கள் எல்லாம் தோல்வி அடைந்தவர்கள் அல்ல என  மேற்குவங்க முதல்வர் மம்தா பானர்ஜி தனது ட்விட்டர் பக்கத்தில் பதிவிட்டுள்ளார். நாடு முழுவதும் 17வது நாடாளுமன்ற தேர்தலுக்கான வாக்கு எண்ணிக்கை நடைபெற்று வருகிறது. நாடாளுமன்ற தேர்தலில் ஆட்சியமைக்க 472 தொகுதி தேவையுள்ள நிலையில் பாஜக கூட்டணி வேட்பாளர்கள் 342 தொகுதிகளில் முன்னிலையில் வகித்து வருகின்றனர். இது தவிர காங்கிரஸ் 94, திரிணாமுல் 22, மற்றவை 84 இடங்களில் முன்னிலை வகித்து வருகின்றன. இந்த நிலையில், பெரும்பான்மை இடங்களை பெற்று பாஜக முன்னிலை வகித்து வருகிறது. இதன்காரணமாக, மத்தியில் மீண்டும் பாஜக ஆட்சி அமையவுள்ளது. நரேந்திர மோடி மீண்டும் பிரதமர் ஆகிறார். லக்னோ தொகுதியில் ராஜ்நாத் சிங், காந்திநகர் தொகுதியில் அமித்ஷா ஆகியோர் அதிக வாக்குகள் பெற்று வெற்றி பெற்றுள்ளனர்.

அதேபோல ஆந்திர மாநிலத்தில் ஜெகன் மோகன் ரெட்டி தலைமையிலான ஒய்.ஆர்.எஸ் காங்கிரஸ் கட்சி 108 இடங்கள் முன்னிலை பெற்றுள்ளது. இதனால், ஆந்திர மாநிலத்தில் சந்திரபாபு நாயுடு தனது பதவியை இழந்தார். புதிய தலைவராக ஜெகன்மோகன் ரெட்டி பதவி வகிக்கவுள்ளார். இந்த நிலையில், மேற்கு வங்கத்தில் பாஜக கிட்டத்தட்ட ஆளும் கட்சியை நெருங்கும் வகையில் இடங்களைப் பிடித்துள்ளது. மம்தா பானர்ஜி தலைமையிலான திரிணாமூல் காங்கிரஸ் 23 இடங்களிலும் பாஜக 17 இடங்களையும் பெற்றுள்ளது. இதுகுறித்து மம்தா பானர்ஜி தனது ட்விட்டர் பக்கத்தில் வெற்றி பெற்றவர்களுக்கு தனது வாழ்த்தினை தெரிவித்துள்ளார். அதில், “வெற்றி பெற்றவர்களுக்கு வாழ்த்துகள் ஆனால் தோல்வியடைந்தவர்கள் தோல்வியாளர்கள் அல்ல என்று குறிப்பிட்டுள்ளார். நாங்கள் முழுமையாக மறுபரிசீலனை செய்ய வேண்டும். அதன் பின் கருத்துகளை பகிர்ந்து கொள்வோம். விவிபாட் ஒப்புகை சீட்டுடன் கூடிய வாக்கு எண்ணிக்கையும் முடிவடையட்டும்” என்று முதலமைச்சர் மம்தா பானர்ஜி ட்வீட் செய்துள்ளார்.


மேலும் செய்திகள்

Like Us on Facebook Dinkaran Daily News
  • 16-09-2019

    இன்றைய சிறப்பு படங்கள்

  • 15-09-2019

    15-09-2019 இன்றைய சிறப்பு படங்கள்

  • 14-09-2019

    14-09-2019 இன்றைய சிறப்பு படங்கள்

  • indo_fire_poison1

    இந்தோனேஷியா வனப்பகுதிகளில் காட்டுத்தீ : நச்சுப்புகையால் மக்கள் அவதி

  • TrainDerailCongo50

    காங்கோ நாட்டில் பயணிகள் ரயில் தடம் புரண்டு பெரும் விபத்து: சுமார் 50 பேர் உயிரிழப்பு, பலர் படுகாயம்

படங்கள் வீடியோ கல்வி சினிமா ஜோ‌திட‌ம்