SUN குழுமத்திலிருந்து வெளிவரும் காலை நாளிதழ்

கருமாரியம்மன் பொறியியல் கல்லூரியில் சேர்க்கை விவகாரம் தனி நீதிபதி உத்தரவுக்கு தடை: உயர்நீதிமன்ற டிவிஷன் பெஞ்ச் உத்தரவு

2019-05-23@ 05:13:01

சென்னை: விஜயவாடாவை சேர்ந்த தனியார் நிறுவனம் சென்னை உயர் நீதிமன்றத்தில் தாக்கல் செய்திருந்த மனு: சென்னை வளசரவாக்கம் தேவி கருமாரியம்மன் கல்வி அறக்கட்டளை சார்பில் மருத்துவ கல்லூரி மற்றும் பொறியியல் கல்லூரிகள் நடத்தப்பட்டு வருகின்றன. ஆனால், இந்த அறக்கட்டளை வாங்கிய கடனை முறையாக செலுத்தவில்லை என்பதால் வங்கிகள் அறக்கட்டளைக்கு சொந்தமான சொத்துக்களை ஏலம் விடுவதற்கான நடவடிக்கைகளில் இறங்கியுள்ளது. ஏற்கனவே அந்த கல்லூரிகளில் பயின்ற மாணவர்கள் வேறு கல்லூரிகளுக்கு இடமாற்றம் செய்யப்பட்டுள்ளனர். எனவே, 2019-20ம் கல்வியாண்டில் அந்த அறக்கட்டளைக்கு சொந்தமான பொறியியல் கல்லூரிகளில் மாணவர்களை சேர்க்க தடை விதிக்க வேண்டும். இவ்வாறு அதில் கூறப்பட்டு இருந்தது.
இந்த மனுவை விசாரித்த நீதிபதி எஸ்.வைத்யநாதன் 2019-20ம் கல்வி ஆண்டில் இந்த அறக்கட்டளைக்கு சொந்தமான பொறியியல் கல்லூரிகளில் மாணவர்களை சேர்க்க இடைக்கால தடை விதித்தும், அக்கல்லூரிகளுக்கான இணைப்பை தற்காலிகமாக ரத்து செய்யுமாறும் அண்ணா பல்கலைக்கழகத்துக்கும் உத்தரவிட்டார்.

இந்நிலையில் தனி நீதிபதி பிறப்பித்த உத்தரவை எதிர்த்து தேவி கருமாரியம்மன் கல்வி அறக்கட்டளை சார்பில் உயர் நீதிமன்றத்தில் மேல்முறையீடு செய்யப்பட்டது. இந்த மனு நீதிபதிகள் டீக்காராமன், ஆதிகேசவலு ஆகியோர் அடங்கிய அமர்வில் நேற்று விசாரணைக்கு வந்தது. அறக்கட்டளை சார்பில் மூத்த வக்கீல் பி.வில்சன் ஆஜரானார். மனுவை விசாரித்த நீதிபதிகள், தனி நீதிபதி பிறப்பித்த தடை உத்தரவுக்கு இடைக்கால தடை விதித்து விசாரணையை தள்ளி வைத்தனர்.


மேலும் செய்திகள்

Like Us on Facebook Dinkaran Daily News
  • adayaru_makkal_kumbha1

    அடையாறு அனந்த பத்மநாப சுவாமி கோவிலில் கும்பாபிஷேகம் : பக்தர்கள் சாமி தரிசனம்

  • oranguttan_monkey111

    50வது பிறந்த நாளை பரிசுப் பெட்டிகளுடன் கேக் ருசித்து கொண்டாடிய ஓராங்குட்டான் குரங்கு

  • malai_vangam11196

    196 நாட்களுக்கு பிறகு சென்னையின் பல்வேறு இடங்களில் மழை : வெப்பம் தணிந்ததால் மக்கள் மகிழ்ச்சி

  • amerikaa_aathal11

    900 மீட்டர் உயரம் கொண்ட பாறை மீது ஏறி 10 வயது அமெரிக்க சிறுமி அசத்தல்

  • 20-06-2019

    20-06-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்