SUN குழுமத்திலிருந்து வெளிவரும் காலை நாளிதழ்

2வது போட்டி: அயர்லாந்து படுதோல்வி தொடரை சமன் செய்து ஆப்கானிஸ்தான் அசத்தல்

2019-05-23@ 05:11:57

பெல்பாஸ்ட்: அயர்லாந்து அணியுடனான 2வது ஒருநாள் போட்டியில், 126 ரன் வித்தியாசத்தில் அபாரமாக வென்ற ஆப்கானிஸ்தான் அணி 1-1 என்ற கணக்கில் தொடரை சமன் செய்தது.ஸ்டோர்மான்ட், சிவில் சர்வீஸ் கிரிக்கெட் கிளப் மைதானத்தில் நேற்று முன்தினம் நடந்த இப்போட்டியில், டாசில் வென்ற அயர்லாந்து அணி முதலில் பந்துவீசியது. ஆப்கானிஸ்தான் அணி 50 ஓவரில் 7 விக்கெட் இழப்புக்கு 305 ரன் குவித்தது.  அபாரமாக விளையாடிய தொடக்க வீரர் முகமது ஷாஷத் 101 ரன், ரகமத் ஷா 62, ஹஷ்மதுல்லா ஷாகிதி 47, நஜிபுல்லா ஸத்ரன் 60* ரன் விளாசினர்.அயர்லாந்து பந்துவீச்சில் மார்க் அடேர் 3, மெக்பிரைன் 2, ரேங்க்கின், ஸ்டர்லிங் தலா 1 விக்கெட் வீழ்த்தினர். அடுத்து களமிறங்கிய அயர்லாந்து 41.2 ஓவரில் 179 ரன் மட்டுமே எடுத்து அனைத்து விக்கெட்டையும் பறிகொடுத்தது. தொடக்க வீரர்  பால் ஸ்டர்லிங் அதிகபட்சமாக 50 ரன் (56 பந்து, 4 பவுண்டரி, 2 சிக்சர்), வில்சன் 34, பால்பிர்னி 20, கேப்டன் போர்ட்டர்பீல்டு 19, மெக்கார்தி 18 ரன் எடுக்க, மற்ற வீரர்கள் கணிசமாக ரன் குவிக்கத் தவறினர்.

ஆப்கானிஸ்தான் பந்துவீச்சில் கேப்டன் குல்பாதின் நயிப் 9.2 ஓவரில் 43 ரன்னுக்கு 6 விக்கெட் கைப்பற்றி அசத்தினார். தவ்லத், அப்தாப், ரகமத் தலா 1 விக்கெட் வீழ்த்தினர். 126 ரன் வித்தியாசத்தில் வென்ற ஆப்கானிஸ்தான் அணி 1-1 என்ற  கணக்கில் தொடரை சமன் செய்தது. முதல் போட்டியில் அதிர்ச்சி தோல்வி அடைந்தாலும், அடுத்த போட்டியில் சிறப்பாக விளையாடி தொடரை சமன் செய்ததால் ஆப்கன் வீரர்கள் மிகுந்த உற்சாகத்துடன் உலக கோப்பை தொடரை  எதிர்கொள்கின்றனர்.


மேலும் செய்திகள்

Like Us on Facebook Dinkaran Daily News
  • 18-09-2019

    18-09-2019 இன்றைய சிறப்பு படங்கள்

  • guiness_sathana

    எவராலும் செய்யமுடியாத அசாத்திய சாதனைகள் ... வியக்க வைத்த சாதனையாளர்கள்..!

  • mexico_isai111

    இராணுவ அணிவகுப்பு, வாண வேடிக்கையுடன் கூடிய இசை, நடன நிகழ்ச்சிகள்!.. : மெக்ஸிக்கோவில் சுதந்திர தின விழா கோலாகல கொண்டாட்டம்

  • 17-09-2019

    17-09-2019 இன்றைய சிறப்பு படங்கள்

  • dragan_canadaa

    கனடாவில் டிராகன் திருவிழா : காற்றில் மிதந்து வருவது போன்ற மாயத்தோற்றத்தை ஏற்படுத்திய டிராகன்களின் உருவ பொம்மைகள்

படங்கள் வீடியோ கல்வி சினிமா ஜோ‌திட‌ம்