SUN குழுமத்திலிருந்து வெளிவரும் காலை நாளிதழ்

பிரதமர் மோடி பற்றி பேசியதற்காக ராகுல் மீது வழக்கு பதிவு செய்யப்படுமா? ஜூன் 7ம் தேதி தீர்ப்பு

2019-05-23@ 01:20:08

புதுடெல்லி: பிரதமர் மோடி பற்றி அவதூறாக பேசியதாக கூறப்படும் குற்றச்சாட்டில், காங்கிரஸ் தலைவர் ராகுல் மீது வழக்கு பதிவு செய்ய போலீசாருக்கு உத்தரவிடக் கோரிய வழக்கில் ஜூன் 7ம் தேதி தீர்ப்பு அளிப்பதாக டெல்லி நீதிமன்றம் அறிவித்துள்ளது.  கடந்த 2016ம் ஆண்டில் நடந்த பொதுக்கூட்டம் ஒன்றில் பேசிய காங்கிரஸ் தலைவர் ராகுல் காந்தி, ‘ராணுவ வீரர்களின் ரத்தத்துக்கு பின்னால் பிரதமர் மோடி ஒளிந்து கொள்கிறார். அவர்களின் தியாகத்தை பயன்படுத்தி ஆதாயம் தேட முயற்சிக்கிறார்,’ என கடந்த 2016ல் நடந்த பொதுக்கூட்டம் ஒன்றில் ராகுல் பேசினார். பிரதமரை பற்றி அவதூறாக பேசியதாக அவர் மீது பாஜ.வினர் புகார் அளித்தும் டெல்லி போலீசார்  நடவடிக்கை எடுக்கவில்லை.

இதையடுத்து, அவர் மீது வழக்கு பதிவு செய்யும்படி டெல்லி போலீசாருக்கு உத்தரவிடக் கோரி டெல்லி நீதிமன்றத்தில் வழக்கறிஞர் ஜோகிந்தர் துலி வழக்கு தொடுத்தார். இதைத் தொடர்ந்து, புகார் மீது எடுக்கப்பட்ட நடவடிக்கை குறித்த அறிக்கையை தாக்கல் செய்யும்படி டெல்லி போலீசாருக்கு நீதிமன்றம் உத்தரவிட்டது. அதன்படி, கடந்த 15ம் தேதி நடவடிக்கை அறிக்கையை போலீசார் தாக்கல் செய்தனர். அதில், ‘பிரதமர் பற்றி ராகுல் அவதூறாக பேசியது உண்மை. எனவே, அவர் மீது வழக்குப் பதிவு செய்யலாம்’ என்று கூறியுள்ளனர்.  இந்த வழக்கில் ஜூன் 7ல் உத்தரவு பிறப்பிக்கப்படும் என்று பெருநகர கூடுதல் தலைமை நீதிபதி உத்தெரிவித்தார்.


மேலும் செய்திகள்

Like Us on Facebook Dinkaran Daily News
  • 21-09-2019

    21-09-2019 இன்றைய சிறப்பு படங்கள்

  • aljemerss_nadai11

    உலக அல்ஜீமர்ஸ் தினம் : சேத்துப்பட்டு பசுமை பூங்காவில் மெமரி வாக் விழிப்புணர்வு நடைபயணம்

  • china20

    சீனாவின் நடைபெற்ற கருப்பொருள் ஒப்பனை தயாரிப்பு கண்காட்சி: அலங்காரப் பொருட்கள், பொம்மைகள் காட்சிக்கு வைப்பு

  • bo20

    ஆப்கானிஸ்தானில் மருத்துவமனை அருகே குண்டு வெடிப்பு: 20 பேர் பலி, 95 பேர் படுகாயம்

  • airportchina2019

    சீனாவில் கட்டப்பட்டுள்ள பிரம்மாண்ட விமான நிலையம்: 97 கால்பந்து மைதானங்கள் அளவிற்கு பெரிது

படங்கள் வீடியோ கல்வி சினிமா ஜோ‌திட‌ம்