SUN குழுமத்திலிருந்து வெளிவரும் காலை நாளிதழ்

கோயம்பேடு பேருந்து நிலையத்தில் செயல்படாத சிசிடிவி கேமராக்கள்: கொள்ளை சம்பவங்கள் அதிகரிப்பு

2019-05-20@ 00:37:12

அண்ணாநகர்: சென்னை கோயம்பேடு பகுதியில் கடந்த 2008ம் ஆண்டு, புறநகர் பேருந்து நிலையத்தை முன்னாள் முதல்வர் ஜெயலலிதா திறந்து வைத்தார். இங்கிருந்து சென்னை மற்றும் புறநகர் பகுதிகளுக்கு தினசரி நூற்றுக்கணக்கான பேருந்துகள் இயக்கப்படுகின்றன. அதேபோல், வெளி மாவட்டங்கள் மற்றும் மாநிலங்களுக்கும் அரசு பேருந்துகள் இயக்கப்படுகின்றன. தினசரி ஆயிரக்கணக்கான மக்கள் இந்த பேருந்து நிலையத்தை பயன்படுத்தி வருவதால், 24 மணி நேரமும் பரபரப்பாக காணப்படும். இங்கு, கூட்ட நெரிசல் மற்றும் வெளியூர் பயணிகளை குறிவைத்து வழிப்றி, கொள்ளை சம்பவங்கள் அதிகரித்து வந்தது. இதையடுத்து, பயணிகளின் பாதுகாப்பு கருதி, இங்கு கட்டுப்பாட்டு அறையுடன் கூடிய 65 சிசிடிவி கேமராக்கள் போக்குவரத்து துறை சார்பில் அமைக்கப்பட்டது.

காலப்போக்கில் இந்த சிசிடிவி கேமராக்களை முறையாக பராமரிக்காததால், தற்போது அனைத்தும் பழுதடைந்து காட்சிப் பொருளாக மாறியுள்ளது. இதை பயன்படுத்தி கோயம்பேடு பேருந்து நிலையத்தில் நாளுக்கு நாள் செயின் பறிப்பு, வழிப்பறி, கொள்ளை சம்பவங்கள் அதிகரித்து வருகின்றன. சிசிடிவி கேமரா மற்றும் கட்டுப்பாட்டு அறை பழுது காரணமாக குற்றவாளிகளை பிடிக்க முடியாமல் போலீசாரும் திணறி வருகின்றனர். ஆனாலும், பழுதான சிசிடிவி கேமராக்களை சீரமைக்க இன்றுவரை அதிகாரிகள் நடவடிக்கை எடுக்கவில்லை.

சென்னை நகரில் குற்றங்களை தடுக்கவும், கொள்ளையர்களை விரைந்து பிடிக்கவும் சிசிடிவி கேமரா பெரும்பங்கு வகிக்கிறது. இதையடுத்து, சென்னை மற்றும் புறநகர் பகுதிகளில் சிசிடிவி கேமராக்களை பொருத்தும் பணிகளை சென்னை மாநகர போலீஸ் கமிஷனர் ஏ.கே.விஸ்வநாதன் தீவிரமாக மேற்கொண்டு வருகிறார். ஆனால், பொதுமக்கள் நடமாட்டம் அதிகம் உள்ள கோயம்பேடு பஸ் நிலையத்தில் சிசிடிவி கேமராக்கள் செயல்படாமல் உள்ளதால், தினசரி குறைந்தபட்சம் ஒரு கொள்ளை சம்பவமாவது நடைபெறுகிறது. எனவே, கோயம்பேடு பேருந்து நிலையத்தில் பழுதான சிசிடிவி கேமராக்களை அகற்றிவிட்டு, அங்கு நவீன கண்காணிப்பு கேமராக்களை பொருத்த சம்பந்தப்பட்ட போக்குவரத்து உயர் அதிகாரிகள் உரிய நடவடிக்கை எடுக்க வேண்டும், என பொதுமக்கள் வலியுறுத்தி உள்ளனர்.


மேலும் செய்திகள்

Like Us on Facebook Dinkaran Daily News
  • 21-09-2019

    21-09-2019 இன்றைய சிறப்பு படங்கள்

  • aljemerss_nadai11

    உலக அல்ஜீமர்ஸ் தினம் : சேத்துப்பட்டு பசுமை பூங்காவில் மெமரி வாக் விழிப்புணர்வு நடைபயணம்

  • china20

    சீனாவின் நடைபெற்ற கருப்பொருள் ஒப்பனை தயாரிப்பு கண்காட்சி: அலங்காரப் பொருட்கள், பொம்மைகள் காட்சிக்கு வைப்பு

  • bo20

    ஆப்கானிஸ்தானில் மருத்துவமனை அருகே குண்டு வெடிப்பு: 20 பேர் பலி, 95 பேர் படுகாயம்

  • airportchina2019

    சீனாவில் கட்டப்பட்டுள்ள பிரம்மாண்ட விமான நிலையம்: 97 கால்பந்து மைதானங்கள் அளவிற்கு பெரிது

படங்கள் வீடியோ கல்வி சினிமா ஜோ‌திட‌ம்